ପଛୁଆ ଅଞ୍ଚଳର ସୌଖିନ ଅଧିକାରୀ । କାର୍ଯ୍ୟାଳୟ ଓ ବାସଭବନର ସାଜସଜ୍ୱା ପାଇଁ ୫ ବର୍ଷରେ କୋଟିଏ ୨୫ ଲକ୍ଷ ଖର୍ଚ୍ଚ କରିଛନ୍ତି ଜୟପୁର ଜିଲ୍ଲାପାଳ
କନକ ବ୍ୟୁରୋ : କାର୍ଯ୍ୟରେ ନାହିଁ, ନିଜର ସୌଖିନ ବାସଭବନରେ ।୫ ବର୍ଷରେ ଖର୍ଚ୍ଚ ହୋଇଛି ଏକ କୋଟି୨୫ଲକ୍ଷ ଟଙ୍କା । ବର୍ଷକୁ ବର୍ଷ ସଜେଇ ହେଉଛି ଜିଲ୍ଳା ଅଧିକାରୀଙ୍କ ଭବନ । ଆଉ ସବୁ ଖର୍ଚ୍ଚ ଯାଉଛି ସରକାରୀ ପାଣ୍ଠିରୁ ।
Kanak News is now on WhatsApp
Join and get latest news updates delivered to you via WhatsApp
କୋରାପୁଟ ଜିଲ୍ଲା ବିକାଶ କ୍ଷେତ୍ରରେ ବେଶ ପଛୁଆ କିନ୍ତୁ ଏଠାକାର ଜିଲ୍ଲା ଅଧିକାରୀ ସୌଖିନ କ୍ଷେତ୍ରରେ ବେଶ ଆଗୁଆ । ସୂଚନା ଅଧିକାର ଆଇନ ବଳରେ ମିଳିଥିବା ତଥ୍ୟ ଅନୁସାରେ କୋରାପୁଟ ଜିଲ୍ଳାପାଳଙ୍କ କାର୍ଯ୍ୟାଳୟ ଓ ବାସଭବନ ମରାମତି ପାଇଁ ଖର୍ଚ୍ଚ ହୋଇଛି ପୁଳା ପୁଳା ଟଙ୍କା । ଜିଲ୍ଳାରେ ଅନେକ ସରକାରୀ କର୍ମଚାରୀ ସରକାରୀ କ୍ୱାଟର୍ସରେ ରହୁଛନ୍ତି । କାହାର ଘରୁ ପାଣି ଗଳୁଛି ତ କାହାର କାନ୍ଥ ଫାଟି ଆଁ କରିଛି । ସେମାନଙ୍କ ଘର ମରାମତି ପଇସା ନାହିଁ, କିନ୍ତୁ ଜିଲ୍ଲାପାଳଙ୍କ ସରକାରୀ ବାସଭବନକୁ ସୁନ୍ଦର ରୂପ ଦେବା ନାଁରେ ପ୍ରତିବର୍ଷ ଖର୍ଚ୍ଚ ହେଉଛି ମୋଟା ଅଙ୍କର ଟଙ୍କା ।
ଜିଲ୍ଳାପାଳଙ୍କ ବାସଭବନ ଓ କାର୍ଯ୍ୟାଳୟର ମରମତି୍ ପାଇଁ ୧ କୋଟି ୨୫ ଲକ୍ଷ ଟଙ୍କା ଖର୍ଚ୍ଚ ହୋଇଥିବା ବେଳେ ଏସ୍ପିଙ୍କ ବାସଭବନ ଓ କାର୍ଯ୍ୟାଳୟର ମରାମତି ପାଇଁ ଖର୍ଚ୍ଚ ହୋଇଛି ପ୍ରାୟ ୩୨ ଲକ୍ଷ ଟଙ୍କା । ଆରଟିଆଇ ତଥ୍ୟ କହୁଛି- ଗତ ୫ ବର୍ଷରେ ଜିଲ୍ଳାପାଳଙ୍କ ବାସଭବନର ମରାମତି ପାଇଁ ୪୨ ଲକ୍ଷରୁ ଅଧିକ ଟଙ୍କା ଖର୍ଚ୍ଚ ହୋଇଛି । ୨୦୧୪ରୁ ୧୫ରେ ୫ ଲକ୍ଷ, ୨୦୧୫ରୁ ୧୬ରେ ୪ଲକ୍ଷ ୫୦ ହଜାର ଟଙ୍କା, ୨୦୧୭ରୁ ୧୮ରେ ସାଢ଼େ ୮ ଲକ୍ଷ, ୨୦୧୮ ରୁ ୧୯ରେ ୧୨ ଲକ୍ଷ ୭୭ ହଜାର ଟଙ୍କା ଖର୍ଚ୍ଚ କରିଛନ୍ତି କୋରାପୁଟ ଜିଲ୍ଲାର ବଡ ବାବୁ । ସେହିପରି ଏସ୍ପିଙ୍କ କାର୍ଯ୍ୟାଳୟ ଓ ସରକାର ବାସଭବନ ମରାମତି ପାଇଁ ୫ ବର୍ଷରେ ଖର୍ଚ୍ଚ ହୋଇଛି ୩୧ ଲକ୍ଷ ୬୧ ହଜାର ଟଙ୍କା । କେବଳ ବାସଭବନ ପାଇଁ ୧୮ ଲକ୍ଷ ୭୪ ହଜାର ଟଙ୍କା ଖର୍ଚ୍ଚ ହୋଇଛି ।
ଆଦିବାସୀ ଅଧୁଷିତ ଅଂଚଳ କୋରାପୁଟ ଜିଲ୍ଲା ସବୁ କ୍ଷେତ୍ରରେ ରାଜ୍ୟରେ ପଛୁଆ । ଜିଲ୍ଲାର ସାଧାରଣ ଗରିବ ଟିଏ ଘର ଖଣ୍ଡିଏ ପାଇଁ ସରକାରୀ ଅଫିସ ଦୌଡ଼ି ଦୌଡ଼ି ନୟାନ୍ତ ହେଉଛି, ତଥାପି ମିଳୁନାହିଁ । କିନ୍ତୁ ଜିଲ୍ଲାଧିକାରୀଙ୍କ ସୌଖିନ୍ ଘର ପାଇଁ କୋଟି କୋଟି ଟଙ୍କା ଖର୍ଚ ହେଉଛି ।