ସୁପର ସଣ୍ଡେର ସୁପର ଫାଇଟ୍ ! କୋଲକାତା ବନାମ ମୁମ୍ବାଇ ହାଇଭୋଲଟେଜ୍ ଲଢେଇ, କିଏ ମାରିବ ବାଜି ?
କନକ ବ୍ୟୁରୋ : ସୁପର ସଣ୍ଡେର ସୁପର ମୁକାବିଲା । ଆଇପିଏଲର ୪୭ତମ ମ୍ୟାଚରେ ଆଜି ମୁହାଁମୁହିଁ ହେବେ ଦୁଇ ଶକ୍ତିଶାଳୀ ଦଳ କୋଲକାତା ନାଇଟ୍ ରାଇଡର୍ସ ଏବଂ ମୁମ୍ବାଇ ଇଣ୍ଡିଆନ୍ସ । କୋଲକାତାର ଐତିହାସିକ ଇଡେନ୍ ଗାଡେନ୍ ଠାରେ ରାତି ୮ଟାରେ ଏହି ରୋମାଞ୍ଚକର ମ୍ୟାଚ ଖେଳାଯିବ । ତେବେ ସବୁଠାରୁ ବଡ କଥା ହେଉଛି ଚଳିତ ଥର ପ୍ରଥମରୁ ଭଲ ପ୍ରଦର୍ଶନ କରିଥିଲେ ବି ଗତ କିଛି ମ୍ୟାଚରେ ସେତେଟା ଭଲ ପ୍ରଦର୍ଶନ କରିପାରିନାହିଁ ଦିନେଶ କାର୍ତ୍ତିକଙ୍କ ନେତୃତ୍ୱାଧୀନ କେକେଆର । କ୍ରମାଗତ ଷଷ୍ଠ ପରାଜୟ ସହ ଏବେ ପଏଣ୍ଟ ଟେବୁଲର ସପ୍ତମ ସ୍ଥାନରେ ରହିଛି କୋଲକାତା ।
Kanak News is now on WhatsApp
Join and get latest news updates delivered to you via WhatsApp
ସେପଟେ ମୁମ୍ବାଇ ଉପଯୁକ୍ତ ରଣନୀତି କରୁଥିବା ବେଳେ ଅନ୍ୟ ଟିମକୁ ମାତ୍ ଦେଇ ଏବେ ପଏଣ୍ଟ ଟେବୁଲର ଦ୍ୱିତୀୟ ସ୍ଥାନରେ ରହିଛି । ଆଉ ଆଜି ମ୍ୟାଚ୍ ଜିତିବାରେ ଯଦି ରୋହିତ ବାହିନୀ ସଫଳ ହୁଏ ତେବେ ପଏଣ୍ଟ ଟେବୁଲର ଶୀର୍ଷ ସ୍ଥାନକୁ ଯିବା ସହ ପ୍ଲେ-ଅଫ୍ ଆଡକୁ ଗୋଟିଏ ପାଦ ଆଗକୁ ବଢାଇବ ମୁମ୍ବାଇ । ଦୁଇ ଦଳରେ ତାରକା ଖେଳାଳୀ ରହିଥିବାରୁ ଆଜି ଏକ ଦମଦାର ମୁକାବିଲା ଦେଖିବାକୁ ମିଳିବ । ତେବେ ଆଜି ମ୍ୟାଚରେ ସମସ୍ତଙ୍କ ନଜର ରହିବ ରୋହିତ ଶର୍ମାଙ୍କ ଉପରେ । କାରଣ ଇଡେନ୍ ଗାର୍ଡେନରେ ରୋହିତ ଅନେକ ରେକର୍ଡ ନିଜ ନାମରେ କରିସାରିଛନ୍ତି ।
ସମ୍ଭାବ୍ୟ ଦଳ : (ମୁମ୍ବାଇ) : ରୋହିତ ଶର୍ମା (ଅଧିନାୟକ), କ୍ୱିଣ୍ଟକ୍ ଡିକକ୍, ସୂର୍ଯ୍ୟ କୁମାର ଯାଦବ, ଇଷାନ କିଷାନ, କୃର୍ଣ୍ଣାଲ ପାଣ୍ଡ୍ୟା, ହାର୍ଦ୍ଦିକ ପାଣ୍ଡ୍ୟା, କିରଣ ପୋଲାର୍ଡ, ଲସିଥ୍ ମାଲିଙ୍ଗା, ଯଶପ୍ରିତ ବୁମରା, ରାହୁଲ ଚହର, ମିଚେଲ୍ ମ୍ୟାକକ୍ଲେନାଗନ୍ ।
ସମ୍ଭାବ୍ୟ ଦଳ (କୋଲକାତା) : ଦିନେଶ କାର୍ତ୍ତିକ (ଅଧିନାୟକ), କ୍ରିସ୍ ଲିନ୍, ସୁନୀଲ ନାରିନ୍, ଶୁଭମାନ୍ ଗିଲ୍, ନିତିଶ ରାଣା, ଆନ୍ଦ୍ରେ ରସେଲ, କାର୍ଲୋସ ବ୍ରେଥୱେଟ୍, ପିୟୁଷ ଚାୱଲା, କୁଲଦୀପ ଯାଦବ, ପ୍ରସିଦ୍ଧ କ୍ରିଷ୍ଣା, ୟାରା ପୃଥ୍ୱୀରାଜ୍ ।