କୋଲକାତାର ଘାତକ ବୋଲିଂରେ ଘାଇଲା ହେଲା ହାଇଦ୍ରାବାଦ । କେକେଆରକୁ ଦେଲା ୧୧୬ ରନର ବିଜୟଲକ୍ଷ୍ୟ ।
କନକ ବ୍ୟୁରୋ : କୋଲକାତାର ଦମଦାର ବୋଲିଂରେ ଭୁଷୁଡିପଡିଲା ହାଇଦ୍ରାବାଦର ବ୍ୟାଟିଂ ଅର୍ଡର । ନିର୍ଦ୍ଧାରିତ ୨୦ ଓଭରରେ ୮ଟି ୱିକେଟ୍ ହରାଇ ୧୧୫ ରନ୍ ସଂଗ୍ରହ କରିଛି ସନ୍ ରାଇଜର୍ସ ହାଇଦ୍ରାବାଦ । ଫଳରେ ବିଜୟ ପାଇଁ ଏବେ କୋଲକାତା ଆଗରେ ରହିଛି ମାତ୍ର ୧୧୬ ରନର ବିଜୟଲକ୍ଷ୍ୟ ।
Kanak News is now on WhatsApp
Join and get latest news updates delivered to you via WhatsApp
ଦୁବାଇ ଇଣ୍ଟରନ୍ୟାସନାଲ କ୍ରିକେଟ୍ ଷ୍ଟାଡିୟମରେ ଆଜି ଖେଳାଯାଉଥିବା ହାଇଭୋଲଟେଜ୍ ମ୍ୟାଚରେ ଟସ୍ ଜିତି ପ୍ରଥମେ ବ୍ୟାଟିଂ କରିବାର ନିଷ୍ପତ୍ତି ନେଇଥିଲା ସନ୍ ରାଇଜର୍ସ ହାଇଦ୍ରାବାଦ । ପ୍ରଥମରୁ ଦଳକୁ ଲାଗିଥିଲା ବଡ ଝଟକା । ଖାତା ଖୋଲିବା ଆଗରୁ ଦ୍ୱିତୀୟ ବଲରେ ଆଉଟ ହୋଇ ପ୍ୟାଭିଲିୟନ ଫେରିଯାଇଥିଲେ ରିଦ୍ଧିମାନ ଶାହା । ଏହା ପରେ ଦଳ ବ୍ୟାଟିଂ ବିପର୍ଯ୍ୟୟର ସାମ୍ନା କରିଥିଲା । ଜଣଙ୍କ ପରେ ଜଣେ ବ୍ୟାଟ୍ସମ୍ୟାନ ଆଉଟ ହୋଇ ପ୍ୟାଭିଲିୟନ୍ ଫେରିଯାଇଥିଲେ । କୋଲକାତା ପକ୍ଷରୁ ଟିମ୍ ସାଉଦି, ଶିଭମ ମାଭି, ବରୁଣ ଚକ୍ରବର୍ତ୍ତୀ ୨ଟି ଲେଖାଏଁ ୱିକେଟ୍ ଅକ୍ତିଆର କରିଛନ୍ତି ।