ଫ୍ୟାନ୍ସିଂ ସଟ୍ ଖେଳି ୱିକେଟ୍ ହରାଇବାକୁ ଚାହେଁନି । ଲୋକେ କଣ କହୁଛନ୍ତି, ତାହା ଫରକ ପଡେନି । ଏମିତି କହି ସମାଲୋଚକଙ୍କ ମୁହଁ ଚୁପ୍ କରିଦେଲେ କୋହଲି ।
କନକ ବ୍ୟୁରୋ : ହାଇଦ୍ରାବାଦ ବିପକ୍ଷରେ ଦମଦାର ଶତକ ସହ ବାଙ୍ଗାଲୋରକୁ ବିଜୟ ଭେଟି ଦେଇଥିବା କୋହଲି ପ୍ରଥମଥର ପାଇଁ ନିଜ ଷ୍ଟ୍ରାଇକ ରେଟକୁ ନେଇ ହେଉଥିବା ଆଲୋଚନା ବାବଦରେ ମୁହଁ ଖୋଲିଛନ୍ତି । ଯାହା ସମାଲୋଚକଙ୍କୁ ଚୁପ୍ କରିବାକୁ ଯଥେଷ୍ଟ । ମ୍ୟାଚ୍ ପରେ କୋହଲି କହିଛନ୍ତି, ମୁଁ ପୂର୍ବ ଇନିଂସ ଉପରେ ଏତେ ଧ୍ୟାନ ଦିଏ ନାହିଁ । ମୁଁ ପୂର୍ବରୁ ନିଜକୁ ବହୁତ ଚାପରେ ରଖି ସାରିଛି । ଏହା ଆଇପିଏଲରେ ମୋର ୬ଷ୍ଠ ଶତକ । ମୁଁ ଭଲ ଇନିଂସ ଖେଳିଲେ ମଧ୍ୟ ବେଳେ ବେଳେ ନିଜକୁ ପର୍ଯ୍ୟାପ୍ତ ଶ୍ରେୟ ଦିଏ ନାହିଁ । ତେଣୁ ବାହାରେ ଆଲୋଚନା କରୁଥିବା ଲୋକ କଣ କୁହନ୍ତି ତାହାକୁ ମୁଁ ପରବାଏ କରେନି । କାରଣ ତାହା ସେମାନଙ୍କର ରାୟ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କୋହଲି କହିଛନ୍ତି, ଯେତେବେଳେ ଆପଣ ସେଭଳି ସ୍ଥିତିର ସାମ୍ନା କରିବେ ସେତେବେଳେ ମ୍ୟାଚ୍ କେମିତି ଜିତା ଯାଇପାରିବ ତାହା ଆପଣ ଜାଣିଥିବେ । ମୁଁ ଦୀର୍ଘ ସମୟ ଧରି ଏପରି କରି ଆସୁଛି । ପରିସ୍ଥିତି ଅନୁଯାୟୀ ଖେଳୁଥିବାରୁ ମୁଁ ଗର୍ବିତ । କୋହଲି କହିଛନ୍ତି, ମୁଁ ଫ୍ୟାନ୍ସିଂ ସଟ୍ ଖେଳିବାରୁ ନିଜକୁ ଦୂରେଇ ରଖେ । ନିଜର ବ୍ୟାଟିଂ କଳା ଅନୁଯାୟୀ କ୍ରିକେଟ ଖେଳେ । ମୁଁ ସେଭଳି ଖେଳାଳୀ ନୁହେଁ ଯିଏ ଅଧିକରୁ ଅଧିକ ଫ୍ୟାନ୍ସିଂ ସଟ୍ ଖେଳିବାକୁ ଚେଷ୍ଟା କରେ । ମୋତେ ବର୍ଷର ୧୨ ମାସ ଖେଳିବାକୁ ପଡିଥାଏ । ଫ୍ୟାନ୍ସିଂ ସଟ୍ ଖେଳି ନିଜର ୱିକେଟ ହରାଇବା ଖେଳାଳୀ ମୁଁ ନୁହେଁ । ଆଇପିଏଲ ପରେ ଆମକୁ ଟେଷ୍ଟ କ୍ରିକେଟ ଖେଳିବାକୁ ପଡିବ । ତେଣୁ ନିଜର ବ୍ୟାଟିଂ କୌଶଳ ଉପରେ ଧ୍ୟାନ ଦେବାକୁ ପଡିବ ଓ ନିଜ ଟିମକୁ ବିଜୟୀ କରିବାର କୌଶଳ ଖୋଜିବାକୁ ପଡିବ ।
ହାଇଦ୍ରାବାଦ ବିପକ୍ଷରେ କୋହଲି ଶତକ ହାସଲ ସହ ଆଇପିଏଲ କ୍ୟାରିୟରରେ ୬ଷ୍ଠ ଶତକ ହାସଲ କରିଛନ୍ତି । ଏହାସହ କୋହଲି-ଡୁପ୍ଲେସିସ ଯୋଡି ଆଇପିଏଲରେ ସର୍ବାଧିକ ପାର୍ଟନରସିପର ରେକର୍ଡ ମଧ୍ୟ ନିଜ ନାଁରେ କରିଛନ୍ତି । ଚଳିତ ଆଇପିଏଲରେ ଡୁ ପ୍ଲେସିସ ୮ଟି ଅର୍ଦ୍ଧଶତକ ହାସଲ କରିଥିବା ବେଳେ କୋହଲି ୬ଟି ଅର୍ଦ୍ଧଶତକ ଓ ଗୋଟିଏ ଶତକ ହାସଲ କରିଛନ୍ତି ।