ଆଇସିସି ଟେଷ୍ଟ Rankings : ପୁଣି ଶୀର୍ଷରେ ବିରାଟ, ୯୨୮ ଅଙ୍କ ସହ ପ୍ରଥମ ସ୍ଥାନ ବଜାୟ ରଖିଲେ କୋହଲି ।
କନକ ବ୍ୟୁରୋ : ପୁଣି ୧ ନମ୍ବରରେ ଟିମ୍ ଇଣ୍ଡିଆର ଅଧିନାୟକ ବିରାଟ କୋହଲି । ବୁଧବାର ଆଇସିସି ଟେଷ୍ଟ Ranking ତାଲିକା ପ୍ରକାଶ ପାଇଛି । ଆଉ ଏହି ତାଲିକାରେ ପୁଣି ଥରେ ଶୀର୍ଷ ସ୍ଥାନ ବଜାୟ ରଖିଛନ୍ତି କ୍ୟାପଟେନ୍ କୋହଲି । ଅନ୍ୟପଟେ ଚେତେଶ୍ୱର ପୂଜାରା, ଆଜିଙ୍କ୍ୟ ରାହାଣେ ନିଜ ସ୍ଥାନରୁ ତଳକୁ ଖସିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିରାଟ କୋହଲି ୯୨୮ ଅଙ୍କ ସହ ତାଲିକାର ଶୀର୍ଷରେ ଥିବାବେଳେ ୯୧୧ ଅଙ୍କ ସହ ଦ୍ୱିତୀୟ ସ୍ଥାନରେ ଅଛନ୍ତି ଅଷ୍ଟ୍ରେଲିଆର ଧୂଆଁଧାର ବ୍ୟାଟ୍ସମ୍ୟାନ୍ ଷ୍ଟିଭ ସ୍ମିଥ । ସେହିପରି ଅଷ୍ଟ୍ରେଲିଆର ମାର୍ନସ ଲାବୁଶେନ୍ ନିଜ କ୍ୟାରିୟରର ସର୍ବଶ୍ରେଷ୍ଠ ପ୍ରଦର୍ଶନ ସହ ତାଲିକାର ତୃତୀୟ ସ୍ଥାନରେ ରହିଛନ୍ତି । ସେହିପରି ଟିମ୍ ଇଣ୍ଡିଆର ଚେତେଶ୍ୱର ପୂଜାରା ୭୯୧ ଅଙ୍କ ସହ ଷଷ୍ଠ ସ୍ଥାନରେ ଥିବା ବେଳେ ଆଜିଙ୍କ୍ୟ ରାହାଣେ ୭୫୯ ଅଙ୍କ ସହ ତାଲିକାର ନବମ ସ୍ଥାନରେ ରହିଛନ୍ତି ।
ସେହିପରି ବୋଲିଂ କ୍ଷେତ୍ରରେ ୭୯୪ ଅଙ୍କ ସହ ଷଷ୍ଠ ସ୍ଥାନ ବଜାୟ ରଖିଛନ୍ତି ଟିମ୍ ଇଣ୍ଡିଆର ଦମଦାର ବୋଲର ଜସପ୍ରିତ ବୁମରା । ସ୍ପିନର ରବିଚନ୍ଦ୍ରନ ଅଶ୍ୱିନୀ ୭୭୨ ଅଙ୍କ ସହ ନବମ ଏବଂ ମହମ୍ମଦ ଶାମି ୭୭୧ ଅଙ୍କ ସହ ଦଶମ ସ୍ଥାନରେ ରହିଛନ୍ତି ।