କନକ ବ୍ୟୁରୋ: ଉଦୟପୁରରେ କହ୍ନେୟାଲାଲଙ୍କ ହତ୍ୟାକାଣ୍ଡକୁ ନେଇ ହୁଲସ୍ତୁଲ ହେଉଛି ପୁରା ଦେଶ । ଆଜି ତାଙ୍କର ମରଶରୀର ତାଙ୍କ ବାସଭବନ ନିକଟକୁ ଆସିବା ସମୟରେ ସାରା ଇଲାକାରେ ଛାଇଥିଲେ ପୋଲିସ । ସୁରକ୍ଷା କର୍ଡନ ଭିତରେ ଆସିଥିଲା ତାଙ୍କ ମୃତଦେହକୁ ଶେଷକୃତ୍ୟ ପାଇଁ ନିଆଯାଇଥିଲା । ଏହି ଘଟଣାର ଅଭିଯୁକ୍ତଙ୍କୁ ଯଥାଶୀଘ୍ର ଫାଶିରେ ଝୁଲାଇବାକୁ ଦାବି ଜୋର ଧରିଛି । ତେବେ କ’ଣ ଥିଲା ଏହି ପୁରା ଘଟଣାର ଟାଇମଲାଇନ୍?
Kanak News is now on WhatsApp
Join and get latest news updates delivered to you via WhatsApp
ଉଦୟପୁର ହତ୍ୟା ଘଟଣାକୁ ନେଇ ସାରା ଦେଶରେ ହଇଚଇ ସୃଷ୍ଟି ହୋଇଛି । ତେବେ କିପରି ହୋଇଥିଲା ଏହି ଘଟଣାର ପାଇଁ ଷଡଯନ୍ତ୍ର ଏନେଇ କହ୍ନେୟାଲାଲଙ୍କ ଘର ଲୋକ ପ୍ରକାଶ କରିଛନ୍ତି । ଘର ଲୋକଙ୍କ କହିବା ମୁତାବକ, ଗୁନ୍ ପ୍ରଥମ ସପ୍ତାହରେ ଏହି ଘଟଣାର ଆରମ୍ଭ ହୋଇଥିଲା । କହ୍ନେୟାଙ୍କ ୮ ବର୍ଷର ପୁଅ ତାଙ୍କ ମୋବାଇଲରେ ଗେମ୍ ଖେଳୁଥିବାବେଳେ ପୈଗମ୍ବର ମହମ୍ମଦଙ୍କ ଉପରେ ବିଜେପି ନେତ୍ରୀ ନୂପୁର ଶର୍ମା ଦେଇଥିବା ବିବାଦୀୟ ବୟାନର ଏକ ଭିଡିଓ ଅଜାଣତରେ ପୋଷ୍ଟ ହୋଇଯାଇଥିଲା । ଏହି ଘଟଣାକୁ ନେଇ କହ୍ନେୟାଲାଲଙ୍କୁ ସ୍ଥାନୀୟ ଲୋକ ବିରୋଧ କରିଥିଲେ ।
ଜୁନ୍ ୧୧ ତାରିଖରେ କହ୍ନେୟାଙ୍କ ପଡୋଶୀ ଥିବା ନାଜିମ୍ ତାଙ୍କ ବିରୋଧରେ ଥାନାରେ ପ୍ରଥମ ମାମଲା ଦାଏର କରିଥିଲେ । ପୋଲିସ କହ୍ନେୟାଲାଲଙ୍କୁ ଗିରଫ କଲେ ମଧ୍ୟ । ହେଲେ କୋର୍ଟରୁ ତାଙ୍କୁ ଜାମିନ ମିଳିଯାଇଥିଲା । ଏହାପରେ ଫୋନରେ ତାଙ୍କ ପାଖକୁୁ ବାରମ୍ବାର ଆସିଥିଲା ହତ୍ୟା ଧମକ । ଫଳରେ ଜୁନ୍ ୧୫ ତାରିଖରେ ନିଜ ସୁରକ୍ଷାକୁ ନେଇ ପୋଲିସର ଦ୍ୱାରସ୍ଥ ହୋଇଥିଲେ କହ୍ନେୟା । ହେଲେ ପୋଲିସ ତାଙ୍କ ସୁରକ୍ଷା ପାଇଁ କୌଣସି ପଦକ୍ଷେପ ନେଇନଥିଲା ।
ପୋଲିସ ଆଗରେ କ’ଣ କହିଥିଲେ କହ୍ନେୟାଲାଲ?
ପୋଲିସ ଆଗରେ କହେନୟାଲାଲ କହିଥିଲେ ଯେ ନାଜିମ୍ ଓ ତାଙ୍କ ସହ ଅନ୍ୟ ୫ଜଣ ବ୍ୟକ୍ତି କହ୍ନେୟାଙ୍କ ଦୋକାନର ରେକି କରୁଥିଲେ । ଭୟ ଦେଖାଇ ତାଙ୍କୁ ଦୋକାନ ଖୋଲିବାକୁ ଦେଉନାହାଁନ୍ତି । ଦୋକାନ ଖୋଲିଲା ମାତ୍ରେ ତାଙ୍କୁ ମାରିଦେଇପାରନ୍ତି । ଏପରିକି ପଡୋଶୀ ଥିବା ନାଜିମ୍ କହ୍ନେୟାଲଲଙ୍କ ଫଟୋକୁ ସୋସିଆଲ ମିଡିଆରେ ଭାଇରାଲ କରିଥିଲେ । ଏବଂ ତାଙ୍କ ସମ୍ପ୍ରଦାୟର ଲୋକଙ୍କୁ କହିଥିଲେ ଯେ, ଫଟୋରେ ଥିବା ଲୋକ ଅର୍ଥାତ୍ କହ୍ନ୍ରେୟାଙ୍କୁ ଯେଉଁଠି ଦେଖିଲେ ବା ଦୋକାନରେ ଦେଖିଲେ ମାରିଦିଅ । ତେଣୁ ନାଜିମ୍ ଙ୍କ ସମେତ ୫ଜଣ ସନ୍ଦିଗ୍ଧଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବି କରିବା ସହ ତାଙ୍କୁ ସୁରକ୍ଷା ଦେବାକୁ ପୋଲିସରେ ଆବେଦନ କରିଥିଲେ । ହେଲେ କିଛି ଶୁଣିନଥିଲା ପୋଲିସ ।
ଏହି ଘଟଣାରେ ପୋଲିସ ନାଜିମଙ୍କୁ ଡକାଇ କହ୍ନେୟାଲାଲଙ୍କ ସହ ଆପୋଷ ବୁଝାମଣା କରାଇଥିଲା । ଏବଂ ବୁଝାମଣା ପତ୍ରରେ ଦୁଇ ପକ୍ଷର ହସ୍ତାକ୍ଷର ମଧ୍ୟ ନେଇଥିଲା । ଏହି ଆବେଦନରେ ନାଜିମ୍ କହିଥିଲା ଯେ, ଯଦିଓ ସେ କହ୍ନେୟାଲାଲଙ୍କ ବିରୋଧରେ ଏଫଆଇଆର ଦାଏର କରିଛନ୍ତି କିନ୍ତୁ ବୁଝାମଣା ପରେ ତାଙ୍କର ଆଉ କହ୍ନେୟାଲାଲଙ୍କ ସହ କିଛି ଲେଣଦେଣ ନାହିଁ । ହେଲେ ଏହି ଘଟଣାର ୬ ଦିନ ପରେ ଦୋକାନରେ ପଶି କହ୍ନେୟାଲାଲଙ୍କୁ ଅତି ନିର୍ମମ ଭାବେ ହତ୍ୟା କରିଥିଲେ ୩ ସଂଖ୍ୟାଲଘୁ ଯୁବକ ।
ରାଜସ୍ଥାନ ଏସଆଇଟି ୩ ଅଭିଯୁକ୍ତଙ୍କୁ ଗିରଫ କରି ଘଟଣା ତଦନ୍ତ ଚଳାଇଛି ।