କନକ ବ୍ୟୁରୋ: ରାଜ୍ୟରେ କରୋନା ସଂକ୍ରମଣ ବଢୁଥିବାବେଳେ ଏବେ ବ୍ଲାକ୍ ଫଙ୍ଗସ୍ ସମସ୍ତଙ୍କ ଚିନ୍ତା ବଢାଇଛି । ରାଜ୍ୟ ସରକାର ମଧ୍ୟ ଏହାର ଭୟାବହତାଙ୍କୁ ଆଖି ଆଗରେ ରଖି ଏହାକୁ ମହାମାରୀ ଭାବେ ଘୋଷଣା କରିଛନ୍ତି । ରାଜ୍ୟର ସ୍ୱାସ୍ଥ୍ୟମନ୍ତ୍ରୀ ନବକିଶୋର ଦାସ ଏନେଇ ସୂଚନା ଦେଇଥିବାବେଳେ ଏବେ ନଜର ପକାନ୍ତୁ ଏହାର ଲକ୍ଷଣ ଉପରେ…
Kanak News is now on WhatsApp
Join and get latest news updates delivered to you via WhatsApp
ବ୍ଲାକ୍ ଫଙ୍ଗସର ଲକ୍ଷଣ
- ଆଖି, ନାକ ଚାରିପଟେ ଯନ୍ତ୍ରଣା ହେବ ଏବଂ ଲାଲ ହୋଇଯିବ
- ଇନଫେକସନ ପ୍ରଭାବରେ ଜ୍ୱର ଆସିବ ଓ ମୁଣ୍ଡ ବ୍ୟଥା ହେବ
- କାଶ ହେବ ଏବଂ ଅଣନିଶ୍ୱାସୀ ଲାଗିବ
- ନାକ ବନ୍ଦ ହେବା ଭଳି ଲାଗିବ ଏବଂ ନାକରୁ କଳା ପାଣି ବାହାରିବ
- ଦାନ୍ତ ଢିଲା ହୋଇଯିବା ଭଳି ଲାଗିବ
- ଆଖିକୁ ଝାପସା ଦେଖାଯିବ କିମ୍ବା ଡବଲ ଦେଖାଯିବ
- ଛାତି ବ୍ୟଥା ହେବ ଏବଂ ପ୍ରଶ୍ୱାସ ନେବାରେ କଷ୍ଟ ହେବ
କିପରି କରିବେ ମୁକାବିଲା?
- ମାଟି କିମ୍ବା ଚାଷବାସ କାମ କରୁଥିବା ବ୍ୟକ୍ତି ଜୋତା ପିନ୍ଧିବା ଜରୁରୀ
- ଲମ୍ବା ଟ୍ରାଉଜର, ଫୁଲ ସାର୍ଟ, ହାତରେ ଗ୍ଲୋଭ୍ସ ବ୍ୟବହାର କରିବା
- ଧୂଳି ବା ସଂକ୍ରମିତ ଅଂଚଳକୁ ଗଲେ ମାସ୍କ ପିନ୍ଧିବା
- ବ୍ୟକ୍ତିଗତ ପରିଷ୍କାର ପରିଚ୍ଛନତା ଉପରେ ଧ୍ୟାନ ଦେବା
- ଡାଇବେଟିସ୍କୁ ନିୟନ୍ତ୍ରଣକୁ ଆଣିବା
- କରୋନାରୁ ସୁସ୍ଥ ହେବା ପରେ ରକ୍ତ-ଶର୍କରା ସ୍ତରକୁ ନିୟନ୍ତ୍ରଣରେ ରଖିବା
- ଷ୍ଟେରଏଡ୍ ଠିକ୍ ପରିମାଣରେ ଓ ଠିକ୍ ସମୟରେ ଡାକ୍ତରଙ୍କ ପରାମର୍ଶ ଅନୁଯାୟୀ ନେବା
- ଅକ୍ସିଜେନ୍ ଥେରାପି ବେଳେ ବିଶୁଦ୍ଧ ପାଣି ବ୍ୟବହାର କରିବା
- ଆଂଟି-ବାୟୋଟିକ୍ସ ଓ ଆଂଟି-ଫଙ୍ଗାଲ ଔଷଧ ଡାକ୍ତରଙ୍କ ପରାମର୍ଶ ଅନୁଯାୟୀ ନେବା
- ଲକ୍ଷଣ ଦେଖାଦେଲେ ତୁରନ୍ତ ଚିକିତ୍ସା ଆରମ୍ଭ କରିବା