କେମିତି ଦୁର୍ନୀତିର ଜାଲ ବୁଣୁଥିଲା ବିରଞ୍ଚି ସାହୁ? ନିଯୁକ୍ତି ନା’ରେ କେମିତି ଲୁଟୁଥିଲା ପୁଳା ପୁଳା ଟଙ୍କା? ପଢନ୍ତୁ ପୂରା କାହାଣୀ…
- କେମିତି ଦୁର୍ନୀତିର ଜାଲ ବୁଣୁଥିଲା ବିରଞ୍ଚି ସାହୁ?
- ନିଯୁକ୍ତି ନା’ରେ କେମିତି ହେଉଥିଲା ଦୁର୍ନୀତି?
- ସାମ୍ନାକୁ ଆସିଲା ଓଏସଏସସିରେ ଦୁର୍ନୀତି ଗୁମର!
Kanak News is now on WhatsApp
Join and get latest news updates delivered to you via WhatsApp
ସାଧାରଣ ସରକାରୀ ଚାକିରିଆରୁ କେମିତି କୋଟି କୋଟି ଟଙ୍କାର ମାଲିକ ବନିଲେ ପିଏସ୍ ବିରଞ୍ଚି ସାହୁ, ତାର ଏକ ସାଂଘାତିକ୍ ତଥ୍ୟ ସାମ୍ନାକୁ ଆସିଛି । ଓଡ଼ିଶା ଷ୍ଟାଫ ସିଲେକ୍ସନ୍ କମିଶନ ଏବଂ କମିଶନଙ୍କ ଅଧ୍ୟକ୍ଷଙ୍କ ନାଁ ନେଇ ଏବଂ ଦୁର୍ନୀତିର ଜାଲ ବୁଣି ସେ ଶହ ଶହ ଚାକିରି ଆଶୀୟୀଙ୍କଠାରୁ ଲୁଟି ନେଉଥିଲେ ଲକ୍ଷ ଲକ୍ଷ ଟଙ୍କା ବୋଲି ଅଭିଯୋଗ ଆସିଛି ।
ଚାକିରି ଦୁର୍ନୀତିକୁ ଅତି ନିକଟରୁ ଦେଖିଥିବା ଜଣେ ଯୁବକ ଯେଉଁ କାହାଣୀ କହିଛନ୍ତି, ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଦେବ । ୧୯୯୭-୯୮ ମସିହାର କଥା, ସେତେବେଳେ ଏସଆଇ ପଦ ପାଇଁ ନିଯୁକ୍ତି ବାହାରିଥାଏ ଆଉ ଚାକିରି ପାଇଁ ଆବେଦନ କରିଥାନ୍ତି ପ୍ରାୟ ୮୦ ହଜାର ପିଲା । ଯେଉଁ ଚାକିରି ଆଶାୟୀ ଏଥିରେ ପାସ୍ ହୋଇଥିଲେ, ଠିକ୍ ସେହିମାନଙ୍କୁ ଯୋଗାଯୋଗ କରିଥିଲା ବିରଞ୍ଚି ଆଉ ଲୁଟୁଥିଲା ଟଙ୍କା ।
ରେଜଲ୍ଟ ପ୍ରକାଶ ପାଇବା ପୂର୍ବରୁ କିଏ କିଏ ଚାକିରି ପାଇଛନ୍ତି ଓଏସଏସସି ଅଫିସ୍ରୁ ଜାଣି ଯାଉଥିଲା ବିରଞ୍ଚିି ଆଉ ସେହିମାନଙ୍କୁ ହିଁ ଯୋଗାଯୋଗ କରୁଥିଲା । ଚାକିରି କରାଇ ଦେବି କହି ଜଣେ ଜଣେ ପିଲାଙ୍କ ଠାରୁ ସେହି ସମୟରେ ୫୦ରୁ ୬୦ ହଜାର ଟଙ୍କା ଆଦାୟ କରୁଥିଲା । ଯୋଗ୍ୟତା ଆଧାରରେ ପିଲା ଚାକିରି ପାଉଥିଲେ, କିନ୍ତୁ ବିରଞ୍ଚିି କହୁୁଥିଲା ସବୁ ଧରାକରାରେ ହୋଇଛି । ଆଜି ପିଏସ୍ ଥିବା ବିରଞ୍ଚି ସାହୁ, ସେତେବେଳେ ଓଏସଏସସି କାର୍ଯ୍ୟାଳୟରେ ଷ୍ଟେନୋ ଥିଲେ । ତେଣୁ କେଉଁ ପରୀକ୍ଷାରେ କିଏ ପାସ୍ କଲେ ତାହା ଜାଣିବା ତାଙ୍କ ପାଇଁ ସହଜ ହେଉଥିଲା । ଯାହା ଫାଇଦା ନେଇ ନିଯୁକ୍ତି ନାଁରେ ଦୁର୍ନୀତି କରୁଥିଲେ ବିରଞ୍ଚିି ସାହୁ ।