କରୋନାର ଯେତେ ରୂପ ସେତେ ଲକ୍ଷଣ । କେମିତି ଜାଣିବେ ନୂଆ ଷ୍ଟ୍ରେନର ଲକ୍ଷଣ । ସ୍ୱାସ୍ଥ୍ୟ ବିଭାଗ ପକ୍ଷରୁ ଜାରି କରାଗଲା ନୂଆ ଗାଇଡଲାଇନ୍ ।
କନକ ବ୍ୟୁରୋ: ଦିନକୁ ଦିନ ସାଂଘାତିକ ସ୍ଥିତି ସୃଷ୍ଟି କରୁଛି କରୋନାର ଦ୍ୱିତୀୟ ଲହର । ହୁ ହୁ ହୋଇ ସଂଖ୍ୟା ବଢୁଛି, ନୂଆ ରୂପ ନେଉଛି, ନୂଆ ଲକ୍ଷଣ ବି ପ୍ରକାଶ ପାଉଛି । ନଜର ପକାନ୍ତୁ, କରୋନାର ନୂଆ ଲକ୍ଷଣ ଊପରେ..
Kanak News is now on WhatsApp
Join and get latest news updates delivered to you via WhatsApp
କରୋନା: ନୂଆ ରୂପ, ନୂଆ ଲକ୍ଷଣ
- ଦେହ ହାତ ଅବଶ ଲାଗିବା
- ଭୋକ ନହେବା
- ମୁଣ୍ଡ ବିନ୍ଧା, ଦେହ ହାତ ସାମାନ୍ୟରୁ ମଧ୍ୟମ ଘୋଳାବିନ୍ଧା
- ଦିନକୁ ୪-୫ ଥର ପତାଳା ଝାଡ଼ା ହେବା
- ଚର୍ମ ରୋଗ ନୂଆ କରି ଦେଖାଦେବା
- ଚର୍ମ କୁଣ୍ଡାଇ ହୋଇ ଲାଲ କିମ୍ବା ନୀଳ ପଡ଼ିବା
- ଗଳା ଦରଜ ହେବା, ନାକ ଚୁଣ୍ଟି ହେବା
- ସାମାନ୍ୟ କାଶ ହେବା ସହ ଛାତିରେ ସାମାନ୍ୟ ଯନ୍ତ୍ରଣା ହେବା
କରୋନା ଭୂତାଣୁ ରୂପ ବଦଳାଇବା ସହ ଦ୍ୱିତୀୟ ଲହରରେ ଲକ୍ଷଣ ମଧ୍ୟ ବଦଳିବାରେ ଲାଗିଛି । ଯଦି ଆପଣଙ୍କ ଠାରେ ନୂଆ ଲକ୍ଷଣ ଦେଖା ଯାଉଛି, ତାକୁ ଅଣଦେଖା ନକରି ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ ଓ କୋଭିଡ୍ ପରୀକ୍ଷା କରାଇ ନିଅନ୍ତୁ । ନୂଆ ପ୍ରଜାତିର କରୋନା ଭୂତାଣୁ ପ୍ରତି ଅଧିକ ସତର୍କତା ଆବଶ୍ୟକ । କାରଣ, ଏହା –
- ନୂଆ ପ୍ରଜାତିର ଭୂତାଣୁ ଅଧିକ ସଂକ୍ରମକ
- ଶୁଖିଲା ବସ୍ତୁ ଉପରେ ୮ ଦିନ ପର୍ଯ୍ୟନ୍ତ ସକ୍ରିୟ ରହିପାରେ
- କେତେକ ନୂଆ ପ୍ରଜାତି ପୂର୍ବ ଅପେକ୍ଷା ଅଧିକ ଭୟଙ୍କର ଓ ନିୟନ୍ତ୍ରଣ କରିବା କଷ୍ଟ
- ସତର୍କ ନରହିଲେ ପୁଣି ଥରେ ଲକଡାଉନ୍ ଓ ସଟଡାଉନ୍ ଭଳି ସ୍ଥିତି ଉପୁଜିପାରେ
କରୋନା ବିରୋଧରେ ଲଢ଼େଇରେ ଜିତିବା ପାଇଁ ସବୁଠୁ ବଡ଼ ଅସ୍ତ୍ର ହେଉଛି ସତର୍କ ରହିବା ଏବଂ ସାବଧାନତା ଅବଲମ୍ବନ କରିବା । ପ୍ରଥମ ଲହର ବେଳେ ଆମ ପାଖରେ ଟିକା ନଥିଲା, ହେଲେ କୋଭିଡ୍ ନିୟମ ପାଳନ କରି ଆମେ ନିଜକୁ ବଂଚାଇ ରଖିବାରେ ସମର୍ଥ ହୋଇଥିଲେ ।