୧୬ ବର୍ଷ ବୟସରେ ବାପାଙ୍କ ଠାରୁ ୩୫ ହଜାର ଟଙ୍କା ଧାର ନେଇ ଆରମ୍ଭ କରିଥିଲେ ବିଜନେସ ! ଏବେ ଛଅ ହଜାର କୋଟି ଟଙ୍କାର ମାଲିକ ।
୧୬ ବର୍ଷ ବୟସରେ ପ୍ରାୟ ସମସ୍ତେ ପାଠ ପଢ଼ିବାକୁ ଚାହିଁଥାନ୍ତି । କିନ୍ତୁ ଏହି ବୟସରେ ପାଠ ପଢ଼ିବା ପରିବର୍ତ୍ତେ ଜଣେ ଭାରତୀୟ ଯୁବକ ନିଜ ବାପାଙ୍କଠାରୁ ୩୫ ହଜାର ଟଙ୍କା ନେଇ ବ୍ୟବସାୟ ଆରମ୍ଭ କରିବାକୁ ଭାବିଥିଲେ । ଏହି ବ୍ୟବସାୟ ଏତେ ସଫଳ ହୋଇଗଲା ଯେ ଚୀନର ଏକ କମ୍ପାନି ଏହାକୁ ୬ ହଜାର କୋଟିରେ କିଣିବାର ପ୍ରସ୍ତାବ ପଠାଇଲା । ଏଠି ଯାହାଙ୍କ କଥା କୁହାଯାଉଛି ସେ ହେଉଛନ୍ତି ଦେବ ତୁର୍ଖିୟା, ଯିଏ ଖୁବ୍ କମ ବୟସରେ ମିଡିଆ ଡଟ୍ ନେଟର ଶୁଭାରମ୍ଭ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଦେବ ଏବଂ ତାଙ୍କ ଭାଇ ଭାବିନ୍ ମିଶି ୧୯୯୮ରେ ବ୍ୟବସାୟ ଆରମ୍ଭ କରିବାକୁ ନିଷ୍ପତ୍ତି ନେଇଥିଲେ । ଏହି ବ୍ୟବସାୟ ଆରମ୍ଭ କରିବା ସମୟରେ ଦେବଙ୍କୁ ୧୬ବର୍ଷ ହୋଇଥିବା ବେଳେ ଭାବିନଙ୍କୁ ୧୮ବର୍ଷ ହୋଇଥିଲା । ନିଜ ଘରୁ ହିଁ ସେମାନେ ନିଜର ବ୍ୟବସାୟ ଆରମ୍ଭ କରିଥିଲେ । ଏହି ବ୍ୟବସାୟ ପାଇଁ ଦୁଇ ଜଣ ନିଜ ବାପାଙ୍କଠାରୁ ୩୫ ହଜାର ଟଙ୍କା ଉଧାର ଆଣିଥିଲେ । ଯାହା ୪ବର୍ଷ ମଧ୍ୟରେ ୧୦ଲକ୍ଷ ଡ଼ଲାରରେ ପହଞ୍ଚିଥିଲା । ଟଙ୍କା ଦେବା ସମୟରେ ଦେବଙ୍କ ବାପା କହିଥିଲେ, ଯେଉଁ କାମ ପାଇଁ ଟଙ୍କା ନେଉଛ ସେଥିରେ ସଫଳ ହେବ ବୋଲି କେହି କହି ପାରିବେ ନାହିଁ । କିନ୍ତୁ ସଫଳ ହୁଅ ବା ଅସଫଳ ସେଥିରୁ ଅନେକ ଜିନିଷ ଶିଖିବ ନିଶ୍ଚୟ।” ଏହି କଥା ଦେବଙ୍କୁ ଅନୁପ୍ରାଣିତ କରିଥିବା ବେଳେ ସେ ନିଜର କମ୍ପାନିର କାରବାରକୁ ୬ହଜାର କୋଟିରେ ପହଞ୍ଚାଇ ପାରିଥିଲେ । ଚୀନର ଏକ କମ୍ପାନି ଦେବଙ୍କ ମିଡ଼ିଆ ଡ଼ଟ୍ ନେଟ୍ ବିଷୟରେ ଜାଣି ତାଙ୍କ କମ୍ପାନିକୁ ୬ହଜାର କୋଟି ଦେଇ କିଣିବା ପାଇଁ ୨୦୧୬ରେ ପ୍ରସ୍ତାବ ଦେଇଥିଲେ ।