କନକ ବ୍ୟୁରୋ : ଆପଣଙ୍କ ପରିଚୟ ପତ୍ରରେ ଆଉ କିଏ କିଣିଛି କି ସିମ୍ ? କେମିତି କରିବେ ଅନୁସନ୍ଧାନ ? ଆପଣ ଜାଣିଥିବେ, ଯେ ସିମ୍ କାର୍ଡ କିଣିବା ବେଳେ, ପରିଚୟ ପତ୍ର ନିହାତି ଆବଶ୍ୟକ । ଅର୍ଥାତ ଯଦି ଆପଣ ନୂଆ ସିମ୍ କାର୍ଡଟିଏ କିଣୁଛନ୍ତି, ତେବେ ଆପଣଙ୍କୁ ଆପଣଙ୍କର ଫଟୋ ଏବଂ ଆଧାରକାର୍ଡର କପି ଉକ୍ତ ସିମ୍ କମ୍ପାନୀକୁ ଦେବାକୁ ପଡିବ । କିନ୍ତୁ ବେଳେ ବେଳେ ଏପରି ମାମଲା ସାମ୍ନାକୁ ଆସିଥାଏ, ଯେ ଜଣଙ୍କ ପରିଚୟ ପତ୍ରରେ ଅନ୍ୟ ଜଣେ ସିମ୍ କାର୍ଡ ବ୍ୟବହାର କରିଥାନ୍ତି । ଆପଣଙ୍କ କ୍ଷେତ୍ରରେ ମଧ୍ୟ ଏହା ଘଟିଥାଇପାରେ । ତେଣୁ ଆସନ୍ତୁ ଜାଣିବା, ଆପଣ କେମିତି ଜାଣିବେ, ଆପଣଙ୍କ ପରିଚୟ ପତ୍ରରେ ଆଉ କିଏ କିଣିଛି କି ସିମ୍ ?
Kanak News is now on WhatsApp
Join and get latest news updates delivered to you via WhatsApp
ବେଳେ ବେଳେ ଦେଖାଯାଏ, ପୋଲିସ ଆଖିରେ ଧୂଳି ଦେବା ପାଇଁ, ବିଭିନ୍ନ ଅପରାଧୀମାନେ ଜାଲ୍ କାଗଜପତ୍ର ଦେଇ ଅର୍ଥାତ ଅନ୍ୟ କାହାର ପରିଚୟ ପତ୍ରରେ ସିମ୍ କାର୍ଡ କିଣିଥାନ୍ତି । ତେବେ ଆପଣ ଟେଲିକମ୍ୟୁନିକେସନର ଏକ ୱେବସାଇଟ୍ ସାହାଯ୍ୟରେ ଏହା ଜାଣିପାରିବେ ଯେ, ଆପଣଙ୍କ ଆଇଡି କାର୍ଡରେ ଆଉ କିଏ ସିମ୍ କିଣିଛି କି ? ଏହି ୱେବସାଇଟ୍ ଜରିଆରେ ଆପଣ ଜାଣିପାରିବେ, ଆପଣଙ୍କ ଆଧାର କାର୍ଡରେ କେତୋଟି ସିମ୍ କାର୍ଡ ଜାରି ହୋଇଛି । କେବଳ ଏତିକି ନୁହେଁ, ଆପଣ ବ୍ୟବହାର କରୁନଥିବା ସିମକୁ ମଧ୍ୟ ବନ୍ଦ କରିବା ପାଇଁ ଆବେଦନ କରିପାରିବେ । ଏହି ସର୍ଭିସକୁ ଟେଲିକମ୍ ଆନାଲିଟିକ୍ସ ଫର୍ ଫ୍ରଡ୍ ମ୍ୟାନେଜମେଂଟ ଆଣ୍ଡ କନଜ୍ୟୁମର ପ୍ରୋଟେକ୍ସନ ବା (ଟିଏଏଫସିଓପି) ନାଁ ଦିଆଯାଇଛି ।
ତେବେ ଏହି ସର୍ଭିସ ଏବେ ପୂରା ଦେଶରେ ଉପଲବ୍ଧ ନଥିବା ବେଳେ ଆଗାମୀ ସମୟରେ ଖୁବ ଶୀଘ୍ର, ଏହାକୁ ପୂରା ଦେଶରେ ଉପଲବ୍ଧ କରାଯିବ । ଅଫିସିଆଲ୍ ୱେବସାଇଟର ସୂଚନା ଅନୁସାରେ, ଏବେ ଏହି ସର୍ଭିସକୁ କେବଳ ଆନ୍ଧ୍ରପ୍ରଦେଶ ଏବଂ ତେଲେଙ୍ଗାନାରେ ଉପଲବ୍ଧ କରାଯାଇଛି । ଏବଂ ଆପଣଙ୍କ ମନରେ ପ୍ରଶ୍ନ ଉଠୁଥିବ, ଏହି ସର୍ଭିସକୁ ଆପଣ କେମିତି ବ୍ୟବହାର କରିବେ ।
ପ୍ରଥମେ ଆପଣ https://tafcop.dgtelecom.gov.in/ ୱେବସାଇଟକୁ ଯାଆନ୍ତୁ ।
ଏହା ପରେ ଆପଣଙ୍କୁ ଆପଣଙ୍କ ମୋବାଇଲ୍ ନମ୍ବର ଦେଇ ଓଟିପି ପାଇଁ ରିକ୍ୱେଷ୍ଟ କରିବାକୁ ହେବ ।
ଏହା ପରେ ଆପଣଙ୍କ ମୋବାଇଲକୁ ଏକ ୬ ଅଙ୍କ ବିଶିଷ୍ଟ ଓଟିପି ଆସିବ ।
ଓଟିପି ଏଂଟର କରିବା ପରେ ଆପଣ ଜାଣିପାରିବେ ଆପଣଙ୍କ ଆଧାରକାର୍ଡରେ ଆଉ କେଉଁ କେଉଁ ନମ୍ବର ଜାରି ହୋଇଛି ।
ଯଦି କୌଣସି ସିମ୍ କାର୍ଡକୁ ନେଇ ଆପଣଙ୍କୁ ଲାଗୁଛି, ଯେ ସେହି ନମ୍ବର ଆପଣଙ୍କର ନୁହେଁ, ତେବେ ସେହି ସିମକୁ ଆପଣ ଏହି ୱେବସାଇଟ୍ ମାଧ୍ୟମରେ ବନ୍ଦ ମଧ୍ୟ କରିପାରିବେ ।