ଶ୍ରେୟାସ ଆୟରଙ୍କୁ କିଣିଲା କୋଲକାତା । ହୋଇପାରନ୍ତି କେକେଆରର ଅଧିନାୟକ

କନକ ବ୍ୟୁରୋ: ଚାଲିଛି ଆଇପିଏଲ ମହାନିଲାମୀ । ଏଥିରେ ଶ୍ରେୟାସ ଆୟରଙ୍କୁ କିଣିଛି କୋଲକାତା ନାଇଟ ରାଇଡର । କୋଲକାତା ତାଙ୍କୁ ୧୨ କୋଟି ୨୫ ଲକ୍ଷ ଟଙ୍କାରେ କିଣିଛି । ତେବେ ଶ୍ରେୟାସଙ୍କୁ ନେଇ ଅନେକ ଦଳ ନିଲାମୀ ଡାକିଥିଲେ । ହେଲେ ଏଥିରେ ବାଜି ମାରିନେଇଥିଲା କୋଲକାତା । ତେବେ କୋଲକାତା ଶ୍ରେୟାସଙ୍କୁ ଅଧିନାୟକ ଦାୟିତ୍ୱ ଦେଇପାରେ ବୋଲି ଚର୍ଚ୍ଚା ହେଉଛି ।

ଶ୍ରେୟାସଙ୍କ ବ୍ୟତୀତ କୋଲକାତା ପ୍ୟାଟ କୁମିନ୍ସଙ୍କୁ ମଧ୍ୟ ଦଳରେ ସାମିଲ କରିଛି । ତେବେ ଗତ ବର୍ଷ କୋଲକାତାର ଅଧିନାୟକ ଥିବା ଇୟନ ମୋର୍ଗାନଙ୍କୁ ଦଳ ଛାଡିଦେଇଛି ତେଣୁ ଶ୍ରେୟାସଙ୍କୁ ଦଳର ଅଧିନାୟକ ପଦ ଦିଆଯାଇପାରେ ବୋଲି କୁହାଯାଉଛି ।