ରାସ୍ତାରେ ପରିବା ଢ଼ାଳିଲେ ଚାଷୀ : କହିଲେ, ନାହିଁ ଶୀତଳ ଭଣ୍ଡାର; ନଷ୍ଟ ହେଉଛି ପରିବା
କନକ ବ୍ୟୁରୋ : ପରିବା ଢାଳି ପ୍ରତିବାଦ । ଅଭାବି ବିକ୍ରି ପ୍ରତିବାଦରେ ରାଜରାସ୍ତାରେ ପରିବା ଢାଳି ପ୍ରତିବାଦ କରିଛନ୍ତି ଚାଷୀ । ପନିପରିବାର ଅଭାବି ବିକ୍ରି ଯୋଗୁଁ ଚିନ୍ତାରେ ପଡ଼ିଛନ୍ତି ବରଗଡ଼ ଜିଲ୍ଲାର ପରିବା ଚାଷୀ । ମୁଣ୍ଡ ଝାଳ ତୁଣ୍ଡରେ ମାରି ପରିବାଚାଷୀ ଚାଷ କରିଛନ୍ତି, ହେଲେ ଅମଳ ପରେ ନିଜର ପରିଶ୍ରମର ଉପଯୁକ୍ତ ମୁଲ୍ୟ ପାଇପାରୁନାହାଁନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେଣୁ ଆଜି ସୋହେଲା ବ୍ଲକ ଦଶମାଇଲି ଛକର ଜାତୀୟ ରାଜପଥରେ ନିଜ ଉତ୍ପାଦିତ ପନିପରିବା ଢାଳି ଅଭିନବ ପ୍ରତିବାଦ କରିଛନ୍ତି ଜୟ କିଶାନ ଆନ୍ଦୋଳନ କୃଷକ ସଂଗଠନ । ବରଗଡ଼ରେ ଧାନ ଉତ୍ପାଦନ ସହ ପ୍ରଚୁର ପରିମାଣରେ ପରିବା ଚାଷ ହେଉଛି । ଜିଲ୍ଳାରେ ଶିତଳଭଣ୍ଡାର ନଥିବାରୁ ଚାଷୀ ବହୁ ସମସ୍ୟାର ଶିକାର ହେଉଛନ୍ତି । ସରକାର ଆରଏମସି ଜରିଆରେ ପରିବାର ସହାୟକ ମୁଲ୍ୟ ନିର୍ଦ୍ଧାରଣ କରି ତାର ବିକ୍ରୟ ବ୍ୟବସ୍ଥା କରିବାକୁ ଦାବି କରିଛନ୍ତି ଚାଷୀ ।