କନକ ବ୍ୟୁରୋ: ରାମଲୀଲା ମୈଦାନରେ ଆଜି ବସିବ କିସାନ ମହାପଞ୍ଚାୟତ, କେନ୍ଦ୍ର ସରକାରଙ୍କ ବିରୋଧରେ ଗର୍ଜନ କରିବେ ଚାଷୀ ସଂଗଠନ । ଏହାର ପୂର୍ବରୁ ନୂଆଦିଲ୍ଲୀରେ ସଂଯୁକ୍ତ କିଷାନ ମୋର୍ଚ୍ଚାର ହଜାର ହଜାର ଚାଷୀ ଏକାଠି ହୋଇଥିବା ଦେଖିବାକୁ ମିଳିଛି । ଦୀର୍ଘ ଦିନ ହେବ ଏମସପି ବୃଦ୍ଧି ସାଙ୍ଗକୁ ଅନ୍ୟାନ୍ୟ ଦାବି ନେଇ ଚାଷୀ ସଂଗଠନ ପକ୍ଷରୁ ଆନ୍ଦୋଳନ କରାଯାଉଛି । ଆଜିର କିସାନ ମହାପଞ୍ଚାୟତ ଜରିଆରେ କେନ୍ଦ୍ର ସରକାରଙ୍କ ଉପରେ ଚାପ ପକାଇବାକୁ ଲକ୍ଷ୍ୟ ରଖି ସଂଯୁକ୍ତ କିସାନ ମୋର୍ଚ୍ଚା । ତେବେ କିସାନ ମହାପଞ୍ଚାୟତ ପାଇଁ ଦିଲ୍ଲୀ ପୋଲିସ ପକ୍ଷରୁ ଅନୁମତି ଦିଆଯାଇଥିବା ବେଳେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କିସାନ ମହାପଞ୍ଚାୟତକୁ ଟ୍ରାକ୍ଟର ରାଲି ନୁହେଁ ବସ ଏବଂ ଟ୍ରେନ ମାଧ୍ୟମରେ ଆସିବାକୁ ଚାଷୀ ମାନଙ୍କୁ ପରାର୍ମଶ ଦେଇଛି ଦିଲ୍ଲୀ ପୋଲିସ । ଗୋଟିଏ ପଟେ ଚାଷୀ ସଂଗଠନର କିସାନ ମହାପଞ୍ଚାୟତ ଏବଂ ଅନ୍ୟପଟେ ପ୍ରଧାନମନ୍ତ୍ରୀଙ୍କ ବହୁ ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମ କାରଣରୁ ରାଜଧାନୀ ଦିଲ୍ଲୀରେ ଆଜି ଟ୍ରାଫିକ ସ୍ଥିତି ଜାମ ହେବା ନେଇ ଆଶଙ୍କା ଦେଖାଦେଇଛି । ଦିଲ୍ଲୀ ସୀମାବର୍ତୀ ଅଞ୍ଚଳ ଗୁଡିକରେ ସୁରକ୍ଷା ବ୍ୟବସ୍ଥା କଡାକଡି କରାଯିବା ସହ ଗାଡ଼ି ଚାଳକମାନଙ୍କ ପାଇଁ ମାର୍ଗଦର୍ଶିକା ଜାରୀ କରାଯାଇଛି ।