ରାହୁଲଙ୍କ ସଦସ୍ୟତା ରଦ୍ଦ ଉପରେ ଜର୍ମାନୀର ପ୍ରତିକ୍ରିୟା। ଆଇନ ମନ୍ତ୍ରୀ କିରଣ ରିଜିଜୁଙ୍କ ବୟାନ, ବୈଦେଶିକ ଶକ୍ତି ଆଗରେ ନଇଁବୁ ନାହିଁ

କନକ ବ୍ୟୁରୋ: କଂଗ୍ରେସ ନେତା ରାହୁଲ ଗାନ୍ଧୀଙ୍କର ସଦସ୍ୟତା ରଦ୍ଦ ମାମଲାରେ ଗୋଟିଏ ପରେ ଗୋଟିଏ ପ୍ରତିକ୍ରିୟା ଆସୁଛି । ପ୍ରଥମେ ଆମେରିକା ଆଉ ବର୍ତ୍ତମାନ ଜର୍ମାନୀ ଏ ବାବଦରେ ପ୍ରତିକ୍ରିୟା ରଖିଛନ୍ତି । ଜର୍ମାନୀର ପ୍ରତିକ୍ରିୟାକୁ କଂଗ୍ରେସର ବରିଷ୍ଠ ନେତା ଦିଗବିଜୟ ସିଂହ ଧନ୍ୟବାଦ ଜଣାଇଥିଲେ । ତେବେ ବର୍ତ୍ତମାନ କେନ୍ଦ୍ର ଆଇନମନ୍ତ୍ରୀ କିରଣ ରିଜିଜୁ ଏହାକୁ ନେଇ ଜବାବ ଦେଇଛନ୍ତି । ଟ୍ୱିଟର ସ୍କ୍ରିନ ସଟକୁ ସେ ସେୟାର କରି ଲେଖିଛନ୍ତି, ଭାରତର ଆଭ୍ୟନ୍ତରୀଣ ବ୍ୟାପାର ପ୍ରସଙ୍ଗରେ ବିଦେଶୀ ଶକ୍ତିଙ୍କୁ ଡାକିଥିବାରୁ ରାହୁଲ ଗାନ୍ଧୀଙ୍କୁ ଧନ୍ୟବାଦ ।

Thank you Rahul Gandhi for inviting foreign powers for interference into India’s internal matters. Remember, Indian Judiciary can't be influenced by foreign interference. India won't tolerate 'foreign influence' anymore because our Prime Minister is:- Shri @narendramodi Ji 🇮🇳 pic.twitter.com/xHzGRzOYTz

— Kiren Rijiju (@KirenRijiju) March 30, 2023

ଜର୍ମାନୀ ବୈଦେଶିକ ମନ୍ତ୍ରାଳୟର ଜଣେ ପ୍ରବକ୍ତା ରାହୁଲ ଗାନ୍ଧୀଙ୍କ ମାମଲାରେ ପ୍ରତିକ୍ରିୟା ଦେଇ କହିଥିଲେ ଯେ, ନ୍ୟାୟିକ ବ୍ୟବସ୍ଥାରେ ସ୍ୱାଧୀନତା ଏବଂ ଲୋକତାନ୍ତ୍ରିକ ସିଦ୍ଧାନ୍ତକୁ ଏକାଠି ରଖିବାକୁ ପଡିବ । ଏହାକୁ ନେଇ କଂଗ୍ରେସ ନେତା ଦିଗବିଜୟ ସିଂହ ଜର୍ମାନୀର ବୈଦେଶିକ ମନ୍ତ୍ରାଳୟ ଏବଂ ସାମ୍ବାଦିକ ରିଚାର୍ଡ ବ୍ଲାକରଙ୍କୁ ଧନ୍ୟବାଦ ଜଣାଇଛନ୍ତି । ସେ ଲେଖିଛନ୍ତି ଭାରତର ଲୋକତନ୍ତ୍ର ସହ କେମିତି ବୁଝାମଣା ହେଉଛି ଏହା ଉପରେ ଧ୍ୟାନ ଦେଇଥିବାରୁ ଆପଣଙ୍କର ଧନ୍ୟବାଦ ।

Thank you Germany Foreign Affairs Ministry and Richard Walker @rbsw for taking note of how the Democracy is being compromised in India through persecution of @RahulGandhihttps://t.co/CNy6fPkBi3

— digvijaya singh (@digvijaya_28) March 30, 2023

ସାମ୍ବାଦିକ ଜଣଙ୍କ ଜର୍ମାନ ବିଦେଶ ମନ୍ତ୍ରାଳୟର ପ୍ରବକ୍ତାଙ୍କ ଭିଡିଓ ସେୟାର କରିଥିଲେ । ଏହି ବାର୍ତ୍ତାରେ ପ୍ରବକ୍ତା କହିଛନ୍ତି, ନିଷ୍ପତ୍ତି ଏହଂ ସଂସଦରେ ସଦସ୍ୟତା ରଦ୍ଦ ଉପରେ ଆମର ନଜର ରହିଛି।