କନକ ବ୍ୟୁରୋ : ପ୍ରଧାନମନ୍ତ୍ରୀ ଭାବେ ଦାୟିତ୍ୱ ନେବା ପରେ ରିଷି ସୁନକଙ୍କ ଆଗରେ ୩ ବଡ଼ ଚ୍ୟାଲେଞ୍ଜ ରହିଛି । ଆର୍ଥିକ ସଙ୍କଟ ସୁଧାରିବା ହେବ ପ୍ରମୁଖ କାମ । ସେହିଭଳି ଦଳକୁ ସୁଦୃଢ ଓ ଦଳୀୟ ଏକତାକୁ ଦେବେ ପ୍ରାଧାନ୍ୟ । ଶକ୍ତି ସଙ୍କଟ ସୁଧାରିବା ବି ହେବ ଗୁରୁ ଦାୟିତ୍ୱ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଆର୍ଥିକ ସଙ୍କଟ
– ରିଷି ସୁନକଙ୍କ ରାସ୍ତାରେ ଆର୍ଥିକ ସଙ୍କଟ ବଡ଼ ଚ୍ୟାଲେଞ୍ଜ
– ବ୍ରିଟେନ୍ରେ ମୁଦ୍ରାସ୍ଫୀତି ୧୦ ପ୍ରତିଶତ ବୃଦ୍ଧି ପାଇଛି
– କୌଣସି ଜି ୭ରାଷ୍ଟ୍ରରେ ମୁଦ୍ରାସ୍ଫୀତି ଏତେ ବଢିବା ସର୍ବାଧିକ
– ଦେଶରେ ଖାଦ୍ୟ ଦର ମଧ୍ୟ ବଢିବାରେ ଲାଗିଛି
– ପ୍ରଧାନମନ୍ତ୍ରୀ ହେବା ପରେ ସମାଧାନ ପାଇଁ ଚେଷ୍ଟା କରିଥିଲେ ଟ୍ରସ୍
– ବିଫଳ ହେବା ପରେ ଲିଜ୍ ଟ୍ରସ୍ ଛାଡିଥିଲେ ପ୍ରଧାନମନ୍ତ୍ରୀ ପଦ
ଦଳୀୟ ଏକତା
– କଞ୍ଜରଭେଟିଭ୍ ପାର୍ଟିରେ ଦଳୀୟ କନ୍ଦଳ ଦେଖାଦେଇଛି
– ପାର୍ଟିରେ ଯେଉଁ ବିଭେଦ ଦେଖାଦେଇଛି ପୂର୍ବରୁ କେବେ ହୋଇନଥିଲା
– ୬୦ ମନ୍ତ୍ରୀଙ୍କ ଆସ୍ଥା ହରାଇବା ପରେ ଇସ୍ତଫା ଦେଇଥିଲେ ଜନ୍ସନ୍
– ୨୦୧୬ ପରେ ସୁନକ ହେଉଛନ୍ତି ପଞ୍ଚମ ଟୋରି ପ୍ରଧାନମନ୍ତ୍ରୀ
– ସୁନକଙ୍କ ପ୍ରତି ଟୋରି ସାଂସଦଙ୍କ ବିପୁଳ ସମର୍ଥନ ରହିଛି
– ସୁନକଙ୍କ ପାଇଁ ସରକାର ଭାଙ୍ଗିଥିବା ଜନ୍ସନଙ୍କ କିଛି ସମର୍ଥକ ଭାବନ୍ତି
– ଦଳ ମଧ୍ୟରେ ବିଭେଦ ବଢୁଥିବାରୁ ସମାଧାନ ଚେଷ୍ଟା କରିବେ ସୁନକ
– ଦଳକୁ ସୁଦୃଢ କରିବା ଓ ଦଳୀୟ ଏକତା ପାଇଁ କାମ କରିବେ
ଶକ୍ତି ଶଙ୍କଟ
– ରୁଷ ଉପରେ କଟକଣା ଯୋଗୁ ୟୁରୋପରେ ଶକ୍ତି ଯୋଗାଣ ବାଧାପ୍ରାପ୍ତ
– ପ୍ରତି ଘର ପିଛା ବାର୍ଷିକ ଶକ୍ତି ମୂଲ୍ୟ ଗତ ବର୍ଷ ତୁଳନାରେ ୩ ଗୁଣା ବଢିଛି
– ଆଗକୁ ଶୀତ ଆସୁଥିବାରୁ ଅଧିକ ବିଦ୍ୟୁତ ଶକ୍ତି ବ୍ୟବହାର ଆବଶ୍ୟକ
– ଶକ୍ତି ମୂଲ୍ୟକୁ ସ୍ଥିର ରଖିବା ଭଳି ଗୁରୁତ୍ୱପୂର୍ଣ୍ଣ ଦାୟିତ୍ୱ ସୁନକଙ୍କ ଉପରେ
ରିଷି ସୁନକ ହେଉଛନ୍ତି ଭାରତୀୟ ବଂଶୋଦ୍ଭବ ଓ ଭାରତୀର ଜାମାତା । ତାଙ୍କ ପତ୍ନୀ ଅକ୍ଷତା ହେଉଛନ୍ତି ଇନଫୋସିସର ସହ ପ୍ରତିଷ୍ଠାତା ଏନ୍ଆର ନାରାୟଣ ମୂର୍ତ୍ତିଙ୍କ ଝିଅ । ସୁନକଙ୍କ ଶାଶୁ ସୁଧା ହେଉଛନ୍ତି ଟାଟା ମୋଟର୍ସର ପ୍ରଥମ ମହିଳା ଇଞ୍ଜିନିୟର । ମହିଳା ପ୍ରାର୍ଥୀ ଆବେଦନ କରିପାରିବେ ନାହିଁ ବୋଲି କମ୍ପାନୀର ସର୍ତ ବିରୋଧରେ ଚିଠି ଲେଖିବା ପରେ ତାଙ୍କୁ କମ୍ପାନୀରେ ନିଯୁକ୍ତି ମିଳିଥିଲା । ପିଲା ଖରାପ ହେବେ ବୋଲି ସୁଧା ଘରେ ଟିଭି ରଖିନଥିଲେ । ଅନ୍ୟ ପିଲାଙ୍କ ପରି ଅକ୍ଷତା ଓ ତାଙ୍କ ଭାଇ ରୋହନ ଅଟୋରିକ୍ସାରେ ସ୍କୁଲ ଯାଉଥିଲେ । ଅକ୍ଷତା ଦକ୍ଷିଣ ଇଂଲଣ୍ଡର ସାଉଥ୍ଆମ୍ପଟନ୍ ସହରର ବାସିନ୍ଦା ରିଷି ସୁନକଙ୍କୁ ପସନ୍ଦ କରିଥିଲେ । ଝିଅର ପସନ୍ଦକୁ ପ୍ରଶଂସା କରିବା ସହ ବିବାହ କରାଇଥିଲେ ବାପା ମାଆ ।
ଷ୍ଟାନଫୋର୍ଡ ଅକ୍ଷତା ଏମ୍ବିଏ ପଢୁଥିବା ବେଳେ ରିଷିଙ୍କ ସହିତ ତାଙ୍କର ଦେଖା ହୋଇଥିଲା । ଉଭୟଙ୍କ ମଧ୍ୟରେ ଗଢି ଉଠିଥିଲ ପ୍ରେମ ସମ୍ପର୍କ । ୨୦୦୯ ମସିହାରେ ବିବାହ ହୋଇଥିଲା । ବିବାହ ଯଥାସମ୍ଭବ ନିରାଡମ୍ବର ହୋଇଥିଲା । ରାଜନେତା, ଶିଳ୍ପପତି, କ୍ରିକେଟରଙ୍କ ସମେତ ହଜାରେରୁ ଅଧିକ ବିଶିଷ୍ଟ ଅତିଥି ଯୋଗଦେଇଥିଲେ । ଇନଫୋସିସରେ ଅକ୍ଷତା ମୂର୍ତିକ ଅଂଶଧନର ପରିମାଣ ପ୍ରାୟ ୭୦୦ ନିୟୁତ ଡଲାର । ଇଂଲଣ୍ଡର ସ୍ୱର୍ଗତ ରାଣୀ ଏଲିଜାବେଥ୍ ଦ୍ୱିତୀୟଙ୍କଠାରୁ ମଧ୍ୟ ସେ ଧନୀ ବୋଲି ବିବେଚିତ ହେଉଥିଲେ । ୨୦୨୧ ମସିହାରେ ପ୍ରକାଶିତ ସନଡେ ଟାଇମ୍ସର ଧନୀ ତାଲିକାରେ ରାଣୀଙ୍କ ସମ୍ପତି ୪୬୦ ନିୟୁତ ବୋଲି କୁହାଯାଇଥିଲା ।