ଭୋକ ମାଡ଼ରେ ମୃତ୍ୟୁର ଆଁରେ ଥିଲା ମା’ , ଏପଟେ ମା’କୁ ଶୋଇଥିବା ଦେଖି ଉଠାଉଥିଲା ଅବୋଧ ଶିଶୁ : ଦେଶର ଛାତିକୁ ଥରାଇଥିବା ଏହି ଭାଇରାଲ୍ ଭିଡିଓ କିଙ୍ଗ୍ ଖାନଙ୍କ ଆଖିରେ ଆଣିଦେଲା ଅଶ୍ରୁ ।
କିଛି ଦିନ ତଳେ ବିହାରର ମୁଜାଫରପୁର ରେଳ ଷ୍ଟେସନରେ ଏକ ହୃଦୟ ବିଦାରକ ଘଟଣା ଘଟିଥିଲା । ଯାହା ସୋସିଆଲ୍ ମିଡିଆ ୟୁଜରଙ୍କ ଆଖିକୁ ଓଦା କରିଦେଇଥିଲା । ମାତ୍ର କେଇ ସେକେଣ୍ଡର ଏକ ଭିଡ଼ିଓ ସତେ ଯେମିତି ଗରୀବ ଜୀବନର ମୂଲ୍ୟ ଉପରେ ବଡ଼ ପ୍ରଶ୍ନ ଠିଆ କରାଇଥିଲା । ଭିଡ଼ିଓରେ ଜଣେ ମୃତ ମହିଳା ଶ୍ରମିକ ଷ୍ଟେସନର ଚଟାଣ ଉପରେ ଶୋଇଥିବା ବେଳେ ପାଖରେ ତା’କୁନି ଶିଶୁଟି ମା’ର ପଣତକାନିକୁ ଟାଣୁଥିବାର ଭିଡିଓ ଭାଇରାଲ୍ ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
Thank you all for getting us in touch with the little one. We all pray he finds strength to deal with the most unfortunate loss of a parent. I know how it feels…Our love and support is with you baby. https://t.co/2Z8aHXzRjb
— Shah Rukh Khan (@iamsrk) June 1, 2020
ଭୁତାଣୁ ଭୟରେ ଜୀବନ ବିକଳରେ ପିଲାକୁ ଧରି ଶ୍ରମିକ ମା’ଜଣକ ରେଳରେ ସିନା ଚଢିପଡିଲା , ହେଲେ ଭୋକ ତାକୁ ଗିଳିଦେଲା । ଗାଡ଼ି ଷ୍ଟେସନରେ ପହଁଚିଲା ବେଳକୁ ତା’ ଜୀବନଟି ଚାଲିଯାଇଥିଲା । ଏପଟେ ମୃତ ମା’ର ପଣତକାନିକୁ ଭିଡ଼ି କୁନି ପିଲାଟି ମା’କୁ ଉଠାଇବାକୁ ଚେଷ୍ଟା କରୁଥିଲା । ରେଳ ଷ୍ଟେସନରୁ ରାଜରାସ୍ତା, ସୋସିଆଲ ମିଡ଼ିଆରୁ ସରକାରୀ ଦଫ୍ତର ଯାଏଁ ଏହି କରୁଣ ଦୃଶ୍ୟ ସମସ୍ତଙ୍କୁ ଆନ୍ଦୋଳିତ କରିଥିଲା । ଖାଲି ସେତିକି ନୁହଁ ଏହି ଛାତିଥରା ଭିଡିଓଟି ବଲିଉଡ୍ ବାଦଶାହା ଶାହରୁଖ୍ ଖାନଙ୍କୁ ମଧ୍ୟ ଖୁବ୍ କଷ୍ଟ ଦେଇଥିଲା । ବର୍ତ୍ତମାନ କିଙ୍ଗ୍ ଖାନଙ୍କ ଦ୍ୱାରା ପରିଚାଳିତ ମିର୍ ଫାଉଣ୍ଡେସନ୍ ଶିଶୁଟିର ସହାୟତା ପାଇଁ ଆଗକୁ ଆସିଛି । ଅଭିନେତା ଶିଶୁଟିର ଆର୍ଥିକ ଖର୍ଚ୍ଚ ବହନ କରିବା ସହ ପିଲାଟିର ଲାଳନପାଳନର ଦାୟିତ୍ୱ ଜେଜେମା’ଙ୍କୁ ଦେଇଛନ୍ତି । ଯାହାକୁ ନେଇ ସେ ଟ୍ୱିଟରରେ ସୂଚନା ଦେଇଛନ୍ତି ।