ବ୍ରହ୍ମଗିରିର ଶ୍ରୀକରପୁର ଗାଁରେ ଅଭାବନୀୟ କାଣ୍ଡ : ପ୍ରେମିକାକୁ ହତ୍ୟା କରି ପୋଖରୀ ହୁଡାରେ ପୋତିଦେଲା ପ୍ରେମିକ; ୫ଫୁଟ ତଳୁ ଗଳିତ ଶବ ଉଦ୍ଧାର
କନକ ବ୍ୟୁରୋ : ପ୍ରଥମେ ପ୍ରେମ , ତା ପରେ ପ୍ରତାରଣା ଓ ଶେଷରେ ହତ୍ୟା କରି ପ୍ରେମିକାକୁ ପୋଖରୀ ହୁଡାରେ ପୋତିଦେଲା ପ୍ରେମିକ । ଏଭଳି ଚାଂଚଲ୍ୟକର ଖବର ଆସିଛି ବ୍ରହ୍ମଗିରିର ଶ୍ରୀକରପୁର ଗାଁରୁ । ପୁଲିସ ଛାନଭିନ କରି ମାଟିତଳୁ ଗଳିତ ଶବକୁ ଉଦ୍ଧାର କରିଛି । ଖବର ଅନୁସାରେ, ଶ୍ରୀକରପୁର ଗାଁରେ ଜଣେ ୧୯ ବର୍ଷିଆ ଝିଅ ଗାଁର ସୁଜିତଙ୍କୁ ପ୍ରେମ କରୁଥିଲେ । ଉଭୟ ୪ ଦିନ ପୂର୍ବେ ଗାଁରୁ ଫେରାର ହୋଇଯାଇଥିଲେ । କିଛି ଦିନ ପରେ ସୁଜିତ ଗାଁରେ ବୁଲୁଥିବାବେଳେ ଲୋକେ ଝିଅକୁ ଦେଖିବାକୁ ପାଇନଥିଲେ । ସୁଜିତଙ୍କ ପରିବାରକୁ ଝିଅ ବିଷୟରେ ପଚାରିବା ପରେ ଚାଚଂଲ୍ୟକର ଖବର ପଦାକୁ ଆସିଥିଲା ।
Kanak News is now on WhatsApp
Join and get latest news updates delivered to you via WhatsApp
ସୁଜିତଙ୍କ ଭାଇ ଗାଁ ଲୋକଙ୍କ ଆଗରେ ସ୍ୱୀକାର କରିଥିଲେ ସଂପୃକ୍ତ ଯୁବତୀଙ୍କୁ ହତ୍ୟା କରି ପୋଖରୀ ହୁଡାରେ ପୋତିଦେଇଛି ନିଜେ ସୁଜିତ । ଏ ନେଇ ସଂପୃକ୍ତ ଝିଅର ବାପା ପୁଲିସ ଆଗରେ ଅଭିଯୋଗ କରିଥିଲେ । ପରେ ପୁଲିସ ୫ ଫୁଟ ତଳୁ ଘଟଣାସ୍ଥଳରୁ ଝିଅର ମୃତଦେହ ଉଦ୍ଧାର କରିଛି । ହତ୍ୟାକାଣ୍ଡରେ ଆଉ କିଏ ସଂପୃକ୍ତ ସେ ନେଇ ତଦନ୍ତ ଜାରି ରହିଛି ।