କନକ ବ୍ୟୁରୋ: ଆଇପିଏଲ ଚାଲିଥିବା ବେଳେ ଏକ ବଡ ନିଷ୍ପତ୍ତି ନେଇଛନ୍ତି କିରନ ପୋଲାର୍ଡ । ୱେଷ୍ଟଇଣ୍ଡିଜର ଏହି ଷ୍ଟାର କ୍ରିକେଟର ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି । ୧୫ ବର୍ଷର ଲମ୍ବା କ୍ରିକେଟ କ୍ୟାରିୟର ପରେ ଏବେ ଏଥିରେ ବିଶ୍ରାମ ନେଇଛନ୍ତି ପୋଲାର୍ଡ । ସେ ନିଜ ଇନଷ୍ଟାଗ୍ରାମ ଓ ଟ୍ୱିଟରରେ ଏନେଇ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କିରନ ପୋଲାର୍ଡ ପୋଷ୍ଟ କରି ଲେଖିଛନ୍ତି, ବହୁତ ଚିନ୍ତା କରିବା ପରେ ମୁଁ ଅନ୍ତର୍ଜାତୀୟ କ୍ରିକେଟରୁ ଅବସର ନେବା ପାଇଁ ନିଷ୍ପତ୍ତି ନେଇଛି । ଅନେକ ଯୁବକଙ୍କ ଭଳି ମୋର ବି ଇଚ୍ଛା ଥିଲା ୱେଷ୍ଟଇଣ୍ଡିଜ ପାଇଁ କ୍ରିକେଟ ଖେଳିବା ଥିଲା । ମୁଁ ଗର୍ବର ସହ କହୁଛି ୧୫ ବର୍ଷ ଧରି ମୁଁ ୱେଷ୍ଟଇଣ୍ଡିଜ ପାଇଁ କ୍ରିକେଟ ଖେଳିଛି ।
ଟି-୨୦ କ୍ରିକେଟର ଲିଜେଣ୍ଡ କୁହାଯାଇଥିବା ୩୪ ବର୍ଷିୟ ପୋଲାର୍ଡ ୱେଷ୍ଟଇଣ୍ଡିଜ ପାଇଁ ୧୨୩ଟି ଦିନିକିଆ ମ୍ୟାଚ ଖେଳିଛନ୍ତି, ସେହିପରି ୧୦୧ ଟି-୨୦ ମ୍ୟାଚ ବି ଖେଳିଛନ୍ତି । ଦିନିକିଆରେ ପୋଲାର୍ଡ ୨୭୦୬ ରନ କରିଥିବା ବେଳେ ଟି-୨୦ରେ ୧୫୬୯ ରନ କରିଛନ୍ତି । ଏବେ ପୋଲାର୍ଡ ମୁମ୍ବାଇ ପାଇଁ ଆଇପିଏଲ ଖେଳୁଛନ୍ତି ।