ରିମାଣ୍ଡରେ ଗଲା କିଡନୀ କେଳେଙ୍କାରୀର କିଙ୍ଗପିନ୍ ହିଂମାଶୁ ଭୂଷଣ ନନ୍ଦ: ୩ଦିନିଆ ରିମାଣ୍ଡରେ ନେଲା ଲକ୍ଷ୍ମୀସାଗର ଥାନା ପୁଲିସ

କନକ ବ୍ୟୁରୋ: କିଡନୀ କେଳେଙ୍କାରୀର କିଙ୍ଗପିନ୍ ହିମାଂଶୁ ଭୂଷଣ ନନ୍ଦକୁ ରିମାଣ୍ଡରେ ନେଇଛି ପୁଲିସ  । ଅନ୍ତରାଜ୍ୟ କିଡନୀ ଠକେଇ ରାକେଟରେ କିଙ୍ଗପିନ୍ ହିମାଂଶୁ ଭୂଷଣ ନନ୍ଦକୁ ପଚରାଉଚରା କରିବା ପାଇଁ ଲକ୍ଷ୍ମୀସାଗର ଥାନା ପୁଲିସ ୩ ଦିନିଆ ରିମାଣ୍ଡରେ ନେଇଛି । ଲକ୍ଷ୍ମୀସାଗର ଥାନା ପୋଲିସ ଝାରପଡ଼ା ଜେଲରୁ ହିମାଂଶୁକୁ ରିମାଣ୍ଡରେ କିଡନୀ କେଳେଙ୍କାରୀ ନେଇ ପଚରାଉଚରା କରିବ ।

ଲକ୍ଷ୍ମୀସାଗର ଅଂଚଳରେ ରହୁଥିବା ଅନୁଗୁଳର ମିଲି ସାହୁଙ୍କ ଠାରୁ କିଡ଼ନୀ ପାଇଁ ୧ଲକ୍ଷ ୧୩ ହଜାର ଟଙ୍କା ଲୁଟି ନେବା ପରେ ଆଉ ଧରାଛୁଆଁ ଦେଇନଥିଲା ହିମାଂଶୁ । ଏନେଇ ଥାନାରେ ଅଭିଯୋଗ ହେବା ପରେ ପୋଲିସ ମାମଲା ରୁଜୁ କରିଥିଲା । ହିମାଂଶୁ ସହ ଆଉ କିଏ କିଏ ସଂମ୍ପୃକ୍ତ ଏହି ଠକେଇରେ ଆଉ କିଏ ସହଯୋଗ କରୁଥିଲେ ସେନେଇ ଖୋଳତାଡ଼ କରିବ ପୋଲିସ । ପୂର୍ବରୁ ନୟାପଲ୍ଲୀ ଥାନା ପୁଲିସ ମଧ୍ୟ ହିମାଂଶୁକୁ ୩ ଦିନିଆ ରିମାଣ୍ଡରେ ନେଇ ଜେରା କରିଥିଲା ।