ଖୋର୍ଦ୍ଧାର ସ୍ୱାଧିନତା ସଂଗ୍ରାମୀଙ୍କ ଗାଁ ଚମ୍ପେଇଲର ଦୁଃଖ: ସ୍ୱାଧିନତା ସଂଗ୍ରାମରେ ଝାସ ଦେଇଥିଲେ ୨୯ ଜଣ; ଏବେ କେବଳ ମାନପତ୍ରରେ ଅଟକି ଯାଇଛି ସଂଗ୍ରାମୀଙ୍କ ସ୍ମାରକ
ସ୍ମୃତି ରକ୍ଷା ପାଇଁ ନିବେଦନ
କନକ ବ୍ୟୁରୋ: ଦେଶକୁ ସ୍ୱାଧୀନ କରିବା ପାଇଁ ଦିନେ ଯେଉଁମାନେ ଲଢେଇ କରିଥିଲେ ବ୍ରିଟିଶ ବିରୋଧରେ । ଆଜି ସେମାନଙ୍କ ସ୍ମତି ଖଣ୍ଡିଏ ନାହିଁ ଗାଁ ଭିତରେ । ଆଜାଦ ହିନ୍ଦ ଫୌଜରେ ସାମିଲ ହୋଇ ସଂଗ୍ରାମରେ ଝାସ ଦେଇଥିଲେ ଖୋର୍ଧା ଜିଲ୍ଲାର ଚମ୍ପାଇଲ ଗାଁର ୨୯ ଜଣ ସଂଗ୍ରାମୀ । ମାନପତ୍ରକୁ ବାଦ ଦେଲେ ଏବେ ସ୍ମୃତି କହିଲେ କିଛି ବି ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଖୋର୍ଧା ବଲାଙ୍ଗିର ୫୭ ନଂବର ଜାତୀୟ ରାଜପଥ ପିଚୁକୁଳି ଠାରୁ ମାତ୍ର ଦେଢ କିଲୋମିଟର ଦୂରରେ ପଡିଥାଏ ଚମ୍ପାଇଲ ଗାଁ । ଖୋର୍ଧା ଜିଲ୍ଲାର ବୋଲଗଡ ବ୍ଲକର ଏହି ଗାଁ , ସ୍ୱାଧୀନତା ସଂଗ୍ରାମୀଙ୍କ ଗାଁ ଭାବେ ପରିଚିତ । ଗାଁର ୨୦ ରୁ ଅଧିକ ସ୍ୱାଧୀନତା ସଂଗ୍ରାମୀ ନେତାଜୀ ସୁଭାଷ ବୋଷଙ୍କ ଡାକରାରେ ସାମିଲ ହୋଇଥିଲେ ଆଜାଦ ହିନ୍ଦ ଫୌଜରେ । ଆଜି ଏହି ସଂଗ୍ରାମୀଙ୍କ ସ୍ମୃତି ହଜିଯିବାକୁ ବସିଲାଣି ।
ଖୋର୍ଧା ଜିଲ୍ଲାର ପ୍ରଥମ ରାଜବନ୍ଦୀ ହେଉଛନ୍ତି ବିଶ୍ୱନାଥ ସାମନ୍ତ । ଗାନ୍ଧିଙ୍କ ଡାକରାରେ ସାମିଲ ହୋଇଥିଲେ ଲବଣ ସତ୍ୟାଗ୍ରହରେ । ଇଂରେଜ ବିରୋଧରେ ଲଢେଇର ସ୍ୱାକ୍ଷର ବି ରହିଛି ଏହି ସ୍ୱାଧୀନତା ସଂଗ୍ରାମୀଙ୍କ ପରିବାର ନିକଟରେ । ସ୍ୱାଧୀନତା ପରେ ରାଜ୍ୟ ସରକାର ଏମାନଙ୍କୁ ପ୍ରଦାନ କରିଛନ୍ତି ସ୍ୱାଧୀନତା ସଂଗ୍ରାମୀର ସ୍ୱାକ୍ଷର । କିନ୍ତୁ ସ୍ୱାଧୀନତା ସଂଗ୍ରାମୀଙ୍କ ସ୍ମୃତି ରକ୍ଷା ପାଇଁ ସରକାରୀ ସ୍ତରରେ କୌଣସି ସହଯୋଗ ନଥିବା ଅଭିଯୋଗ କରିଛନ୍ତି ଗ୍ରାମବାସୀ ।