ବନ୍ଧା ହେଲେ ପୋଲିସ ବାବୁ । ପ୍ରେମ ପ୍ରତାରଣା ଅଭିଯୋଗରେ ଖୋର୍ଦ୍ଧା ଟାଙ୍ଗୀ ଥାନା ଏଏସଆଇ ଗିରଫ

ବିବାହ କରିବାକୁ ପ୍ରତିଶ୍ରୁତି ଦେଇ ମନା କରିବା ପରେ ଥାନାରେ ପହଞ୍ଚିଲା ମାମଲା

116

କନକ ବ୍ୟୁରୋ: ବନ୍ଧା ହେଲେ ପୁଲିସ ବାବୁ । ପ୍ରେମ କରି ପ୍ରତାରଣା ଅଭିଯୋଗରେ ଖୋର୍ଦ୍ଧା ଟାଙ୍ଗି ଥାନା ପୁଲିସ ଭାଗିରଥୀ ଦାସଙ୍କୁ ପୁଲିସ ଗିରଫ କରିଛି । ତେବେ କୋଭିଡ ସମୟରେ ନିଯୁକ୍ତି ପାଇଥିଲେ ଭାଗିରଥୀ । କିିଛି ଦିନ ତଳେ ଜଣେ ବିବାହିତ ମହିଳାଙ୍କ ସଂସ୍ପର୍ଶରେ ଆସିଥିଲେ ଭାଗିରଥୀ ଆଉ ଉଭୟଙ୍କ ମଧ୍ୟରେ ପ୍ରେମ ସଂପର୍କ ଗଢି ଉଠିଥିଲା ।

ତେବେ ପୁଲିସ ବାବୁ ଉକ୍ତ ମହିଳା ଜଣଙ୍କୁ ବିବାହ କରିବାକୁ ପ୍ରତିଶ୍ରୁତି ଦେଇ ପରବର୍ତ୍ତୀ ସମୟରେ ମନା କରିଦେଇଥିଲେ । ଫଳରେ ଏହି ଖବରଟି ଥାନାରେ ପହଞ୍ଚିଥିଲା । ଖୋର୍ଦ୍ଧା ଆଦର୍ଶ ଥାନା ଏନେଇ ଅଭିଯୋଗ ପାଇ ଘଟଣାର ତଦନ୍ତ କରି ପୁଲିସ ବାବୁଙ୍କୁ ଗିରଫ କରି ଜେଲ ପଠାଇଛନ୍ତି । ଖୋର୍ଦ୍ଧା ଏସଡିପିଓ ଘଟଣାର ତଦନ୍ତ କରୁଛନ୍ତି ।

Comments are closed.