ଖୋର୍ଦ୍ଧାରେ ମାତିଛନ୍ତି ଜମି ଦଲାଲ । ଜିଲ୍ଲାରେ ଜମି ରାକେଟ କାମକରୁଥିବା ଘଟଣାର ପର୍ଦ୍ଦାଫାସ, ତଦନ୍ତ ସହ ଦୃଢ କାଯ୍ୟାନୁଷ୍ଠାନ ଦାବି
କନକ ବ୍ୟୁରୋ : ଭୂମିହୀନ ହୋଇଯିବେକି ଖୋର୍ଦ୍ଧା ଜିଲ୍ଲାର ଆଦିବାସୀ ? ଆଦିବାସୀଙ୍କ ଭୂସମ୍ପତ୍ତି ହାତେଇବାକୁ ଜିଲ୍ଲାରେ କାମ କରୁଛି ବଡ ରାକେଟ । ରାତିଅଧିଆ ପଟା ପାଉତି ବଦଳାଇ ଆଦିବାସୀଙ୍କ ଜମି କିଣିବାକୁ ଚକ୍ରାନ୍ତ ଏବେ ପଦାରେ ପଡିଛି । ଖୋର୍ଦ୍ଧାରେ ମାତିଛନ୍ତି ଜମି ଦଲାଲ । ରାତାରାତି ଆଦିବାସୀଙ୍କ ଜମି କିଣିବାକୁ ଚକ୍ରାନ୍ତ ଧରାପଡିଛି ବେଗୁନିଆ ସବରେଜିଷ୍ଟ୍ରାର କାର୍ଯ୍ୟାଳୟରେ । ଜମି କିଣାବିକା ସମୟରେ ପଟା ଯାଂଚ ବେଳେ ତାହା ନକଲି ବୋଲି ଜଣାପଡିଥିଲା । ପଟାରେ ବ୍ୟବହୃତ ଷ୍ଟାମ୍ପରୁ ନଇ ଦସ୍ତଖତ ପର୍ଯ୍ୟନ୍ତ ସବୁ ନକଲି । ଏପରକିି ଜମି ମାଲିକ ଶବର ସମ୍ପ୍ରଦାୟର ହୋଇଥିବା ବେଳେ ସାଧାରଣ ବର୍ଗ ଦର୍ଶାଯାଇଛି । ରାତାରାତି ଖାତାଖତିଆନ ବଦଳାଯାଇ ଏହିଭଳି ଜମି କିଣାଯାଉଥିବା ଘଟଣା ପଦାରେ ପଡିଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ବେଗୁନିଆ ତହସିଲରେ ଆଦିବାସୀ ମାନଙ୍କର ପଟା ବଦଳାଇବା ସହ ଜାତି ବଦଳାଇ ଦଲାଲ ଏକର ଏକର ଜମି ହଡପ କରିବାରେ ଲାଗିଛନ୍ତି । ତହସିଲଦାର ଖୋଦ୍ ଘଟଣାକୁୁ ସ୍ୱୀକାର କରୁଥିବା ବେଳେ ଜାଲିଆତି ପଛରେ କିଛ କର୍ମଚାରୀଙ୍କ ସମ୍ପୃକ୍ତି ନେଇ ଅଭିଯୋଗ ହୋଇଛି । ସମସ୍ତ ଘଟଣା ଉଚ୍ଚ ଅଧିକାରୀଙ୍କୁ ଜଣାଇ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି ପ୍ରଶାସନ ପକ୍ଷରୁ କୁହାଯାଇଛି ।
ଗରିବ ଆଦିବାସୀଙ୍କ ଜମିକୁ ଚଂଚକତା କରି ହଡପ କରୁଥିବା ଦଲାଲଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଜରୁରୀ ହୋଇଛି ।