ସଙ୍କଟରେ ଶ୍ରୀକାନ୍ତଙ୍କ ରାଜନୈତିକ ଭବିଷ୍ୟତ ! ଦଳ ବିରୋଧୀ କାର୍ଯ୍ୟ ପାଇଁ ଓଡ଼ିଶାରୁ ଦିଲ୍ଲୀ ସମସ୍ତେ ଖପ୍ପା ।
ବାରମ୍ବାର ଦଳରେ ରହି ସେ ବିଶୃଙ୍ଖଳା ସୃଷ୍ଟି କରୁଥିବା ଅଭିଯୋଗ ଆଣି ଦଳର ଇସ୍ତାହାର କମିଟି ପଦରୁ ବାଦ୍ ପଡ଼ିଥିଲେ ବରିଷ୍ଠ କଂଗ୍ରେସ ନେତା ଶ୍ରୀକାନ୍ତ ଜେନା । ଏହାକୁ ଶ୍ରୀକାନ୍ତ ସହଜରେ ଗ୍ରହଣ କରିପାରି ନଥିଲେ ଶ୍ରୀକାନ୍ତ ଆଉ ତାପରେ ପିସିସିର ସମସ୍ତ ପଦରୁ ଇସ୍ତଫା ଦେବାପାଇଁ ନିଷ୍ପତି ନେଇଥିଲେ ଶ୍ରୀକାନ୍ତ ।
କନକ ବ୍ୟୁରୋ: କଂଗ୍ରେସରେ ଧୀରେ ଧୀରେ ଶ୍ରୀକାନ୍ତ ଜେନାଙ୍କ ଭାଗ୍ୟ କ’ଣ ହେବ ତାକୁ ନେଇ ଏବେ ବଡ଼ ସସପେନ୍ସ । କାରଣ ବାରମ୍ବାର ଦଳରେ ରହି ସେ ବିଶୃଙ୍ଖଳା ସୃଷ୍ଟି କରୁଥିବା ଅଭିଯୋଗ ଆଣି ଦଳର ଇସ୍ତାହାର କମିଟି ପଦରୁ ବାଦ୍ ପଡ଼ିଥିଲେ ବରିଷ୍ଠ କଂଗ୍ରେସ ନେତା ଶ୍ରୀକାନ୍ତ ଜେନା । ଏହାକୁ ଶ୍ରୀକାନ୍ତ ସହଜରେ ଗ୍ରହଣ କରିପାରି ନଥିଲେ ଶ୍ରୀକାନ୍ତୁ ଆଉ ତାପରେ ପିସିସିର ସମସ୍ତ ପଦରୁ ଇସ୍ତଫା ଦେବାପାଇଁ ନିଷ୍ପତି ନେଇଥିଲେ ଶ୍ରୀକାନ୍ତ । ତେବେ ଦଳରେ ରହି ଦଳ ପାଇଁ ଅଡ଼ୁଆ ସୃଷ୍ଟି କରୁଛନ୍ତି ବୋଲି କଂଗ୍ରେସ ଅନ୍ଦର ମହଲରେ ଚର୍ଚ୍ଚା ହେଉଛି । ସେଥିପାଇଁ ଶ୍ରୀକାନ୍ତଙ୍କୁ ଇସ୍ତାହାର କମିଟି ଅଧ୍ୟକ୍ଷ ପଦରୁ ହଟାଇ ଦଳର ବରିଷ୍ଠ ନେତା ଗଣେଶ୍ୱର ବେହେରାଙ୍କୁ ଏହି ଦାୟିତ୍ୱ ମିଳିବାପରେ କଡ଼ ଲେଉଟାଇଛି କଂଗ୍ରେସ କନ୍ଦଳ ।
Kanak News is now on WhatsApp
Join and get latest news updates delivered to you via WhatsApp
ଏପରିକି ଶ୍ରୀକାନ୍ତଙ୍କ ଭବିଷ୍ୟତ କେଉଁ ମୋଡ଼ ନେବ ତାହାକୁ ନେଇ କଂଗ୍ରେସ ଶିବିରଠୁ ଆରମ୍ଭ କରି ଅନ୍ୟ ରାଜନୈତିକ ଦଳର ହଟ ଟପିକ୍ ପାଲଟିଛି । ଦଳ ଭିତରେ ବିଶୃଙ୍ଖଳିତ କାର୍ଯ୍ୟାକଳାପ କରୁଥିବା ଅଭିଯୋଗର ଫର୍ଦ୍ଦ ଶ୍ରାକାନ୍ତଙ୍କ ଧିରେ ଧରେ ବଢ଼ିବାରେ ଲାଗିଛି । ତେଣୁ ଶ୍ରୀକାନ୍ତଙ୍କ ରାଜନୈତିକ ଭବିଷ୍ୟତକୁ ନେଇ ତାଙ୍କ ସମର୍ଥକଙ୍କ ମନରେ ଅନେକ ଏକ ଆଲୋଡ଼ନ ସୃଷ୍ଟି କରିଛି । ଶ୍ରୀକାନ୍ତଙ୍କ ବିରୋଧରେ ଚରମ ପଦକ୍ଷେପ ନେବାକୁ ଦଳ ଭିତରେ ତୀବ୍ର ସ୍ୱର ଉଠିବାରେ ଲାଗିଥିବାବେଳେ ଗତ କିଛିଦିନ ତଳେ ଶୃଙ୍ଖଳା କମିଟି ବୈଠକରେ ଏନେଇ ରଣନୀତି ପ୍ରସ୍ତୁତ କରିଛି ପିସିସି । ଏବଂ ଏନେଇ ଶୃଙ୍ଖଳା କମିଟି ଦିଲ୍ଲୀ ଦରବାରକୁ ଶ୍ରୀକାନ୍ତଙ୍କ କାର୍ଯ୍ୟାକଳାପ ନେଇ ଚିଠା ପଠାଇଛନ୍ତି ପିିସିସି ।
ଦଳ ଭିତରେ ଥାଇ ଦଳକୁ ଅଡୁଆରେ ପକାଇବାକୁ ଶ୍ରୀକାନ୍ତ ବାରମ୍ବାର ଉଦ୍ୟମ କରୁଥିବା ଅଭିଯୋଗ ହୋଇଥିଲା । ପିସିସି ପୁନର୍ଗଠନ ହେବା ପରେ ପରେ ଓଡିଶାରେ ଜଣେ ଦଳିତଙ୍କୁ କଂଗ୍ରେସ ମୁଖ୍ୟମନ୍ତ୍ରୀ ପ୍ରାର୍ଥୀ କରୁ ବୋଲି ପ୍ରସ୍ତାବ ଦେଇ ପ୍ରଥମେ ବିବାଦ ସୃଷ୍ଟି କରିଥିଲେ ଶ୍ରୀକାନ୍ତ । ଏପରିକି ଶ୍ରୀକାନ୍ତଙ୍କ ଛତ୍ର୍ରଛାୟା ତଳେ ରହି ବିରୋଧୀ ଦଳ ନେତାଙ୍କ କାର୍ଯ୍ୟକୁ ନେଇ ପ୍ରଶ୍ନ ଉଠାଇଥିଲେ କୃଷ୍ଣ ସଗରିଆ । ଏହାପରେ ପିସିସି ସଭାପତିଙ୍କ ବିରୋଧରେ ମନ୍ତବ୍ୟ ଦେଇ ହରଡ଼ଘଣାରେ ପଡିଛନ୍ତି ଶ୍ରୀକାନ୍ତ ଜେନା । ଏହା ଶ୍ରୀକାନ୍ତଙ୍କ ମନରେ କ୍ଷତ ଦେଇଥିବା ରାଜନୀତି ଅନ୍ଦର ମହଲରେ ଚର୍ଚ୍ଚା ହେଉଛି । ଏବେ ଶ୍ରୀକାନ୍ତ ଦଳ ପାଇଁ ଅଲୋଡ଼ା ଧୀରେ ଧୀରେ କୋଣଠେସା ହୋଇପଡ଼ିଲେଣି ବୋଲି ଶ୍ରକାନ୍ତଙ୍କ ସମର୍ଥକମାନେ ଗସିପ୍ କରୁଛନ୍ତି । ତେବେ ବର୍ତ୍ତମାନ ଶ୍ରୀକାନ୍ତଙ୍କ ରାଜନୈତିକ ଭିବଷ୍ୟତ ନେଇ ସସପେନ୍ସ ବଢ଼ିବାରେ ଲାଗିଛି ।