କନକ ବ୍ୟୁରୋ : ଆରମ୍ଭ ହୋଇଛି ଖରିଫ ଋତୁ ଧାନ କିଣା ପ୍ରକ୍ରିୟା । ସମ୍ବଲପୁର ଜିଲ୍ଲାରେ ଆଜି ଠାରୁ ଧାନ କିଣିବା ପାଇଁ ଦିନ ଧାର୍ଯ୍ୟ କରାଯାଇଛି । ତେବେ ଧାନ କିଣା ଆରମ୍ଭରୁ ଅବ୍ୟବସ୍ଥା ନେଇ କଳା ବ୍ୟାଚ୍ ପିନ୍ଧି ବିକ୍ଷୋଭ ପ୍ରଦର୍ଶନ କରିଛନ୍ତି ଚାଷୀ । ସବୁ ଚାଷୀଙ୍କ ନାଁରେ ଧାନ ବିକ୍ରି ନେଇ ଟୋକନ୍ ଆସିନଥିବାରୁ ଚାଷୀଙ୍କ ମନରେ ଅସନ୍ତୋଷ ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ହାତ ଗଣତି କିଛି ଚାଷୀଙ୍କ ନାଁରେ ଟୋକନ ଆସିଥିବା ବେଳେ ଜଳସେଚିତ ଜମିରେ ଏକର ପିଛା ୧୯ କ୍ୱିଂଟାଲ ଧାନ କିଣିବା ନେଇ ସରକାର ନେଇଥିବା ନିଷ୍ପତିକୁ ଚାଷୀ ବିରୋଧ କରିଛନ୍ତି । ଫଳରେ ମଣ୍ଡିରେ ଶହଶହ ବସ୍ତା ଧାନ ଗଦା ହୋଇ ରହିଛି । ତେବେ ଯେ ପର୍ଯ୍ୟନ୍ତ ପ୍ରଶାସନ ଚାଷୀଙ୍କ ସହ ଆଲୋଚନା କରି ନିଷ୍ପତି ପରିବର୍ତନ ନକରିଛନ୍ତି ସେପର୍ଯ୍ୟନ୍ତ ଧାନ ଉଠିବ ନାହିଁ ବୋଲି ସମ୍ବଲପୁର ଚାଷୀ ଦାବି କରିଛନ୍ତି ।
ଆଗାମୀ ଦିନରେ ଚାଷୀଙ୍କ ହିତରେ ନିଷ୍ପତି ନିଆନଗଲେ ଚାଷୀ ଆନ୍ଦୋଳନକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି । ତେବେ ଚଳିତ ବର୍ଷ ସମ୍ବଲପୁର ଜିଲ୍ଲାରେ ୧୦୮ଟି ସୋସାଇଟି ଓ ୧୮ଟି ଏସଏଚଜି ଦ୍ୱାରା ଧାନ କିଣିବା ପାଇଁ ସରକାର ଯୋଜନା କରିଛନ୍ତି ।