ଉଠୁଛିପଡୁଛି ଖଣ୍ଡଗିରି । ବିଭିନ୍ନ ଯାତ୍ରାପାର୍ଟିଙ୍କ ମଧ୍ୟରେ କଡା ଟକ୍କର, ନୃତ୍ୟ ସାଙ୍ଗକୁ ଅଭିନୟରେ ବାନ୍ଧି ରହୁଛନ୍ତି ଦର୍ଶକ
କନକ ବ୍ୟୁରୋ : ଖଣ୍ଡଗିରି କୁମ୍ଭ ମେଳାରେ ଚାଲିଥିବା ଯାତ୍ରା ମହାସମରରୁୁ କିଛି ପାର୍ଟି ବିଦାୟ ନେଇଛନ୍ତି । ପ୍ରଥମ ଫେଜର ଯାତ୍ରା ସରିଛି । ୫ତାରିଖରୁ ଦର୍ଶକଙ୍କୁ ଆକର୍ଷିତ କରୁଥିବା କିଛି ଯାତ୍ରାପାର୍ଟି ମାନେ ବିଦାୟ ନେଇଛନ୍ତି । କୋଣାର୍କ, କଳିଙ୍ଗ ଓ ସ୍ୱପ୍ନ ମହଲ ଭିତରେ କଡା ଟକ୍କର ଦେଖିବାକୁ ମିଳିଥିଲା । ଗୋଟେ ପଟେ କୋଣାର୍କରେ ଦୁର୍ଦ୍ଦାନ୍ତ ଖଳନାୟକ ଦଇତାରୀ ପଣ୍ଡାଙ୍କ ଜବରଦସ୍ତ ଅଭିନୟ ଦେଖିବାକୁ ମିଳୁଥିବା ବେଳେ ଅଶ୍ଳୀଳ ନୂତ୍ୟ କୁ ନେଇ ବିବାଦରେ ଛନ୍ଦି ହୋଇ ପଡିଥିଲା କଳିଙ୍ଗ ଗଣନାଟ୍ୟ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଓଲିଉଡ ରେ ଅଭିନୟ କରିଥିବା କଳାକାର ମାନଙ୍କ ଅଭିନୟ ଦେଖିବାକୁ ମିଳିଥିଲା ସ୍ୱପ୍ନ ମହଲ ମଚଂ ଉପରେ । ବାପା ବୋଉ ତୁମେ ଭୁଲ କଲ ନାଟକରେ ଓଲିଉଡ ଚକଲେଟ ବୟ ଲରେନ୍ସଙ୍କ ଅଭିନୟ ବି ବେଶ ମନକୁ ଛୁଇଁ ଥିଲା ଦର୍ଶକଙ୍କର । ଆଉ ତାରି ଭିତରେ ମଂଚ ତଳେ ନାଟକ କୁ ମନଭରି ଉପୋଭୋଗ କରିଥିଲେ ବିଜେଡିର ଓଡିଶା ମୋ ପରିବାରର ଆବାହକ ଅରୂପ ପଟ୍ଟନାୟକ ।