ସ୍କୁଲ ଆମକୁ ଶିଖାଇଥିଲା, ଆମେ ସ୍କୁଲ ପିଲାଙ୍କୁ ଶିଖାଇବୁ… ୧୦ ବର୍ଷ ହେବ ସ୍ୱେଚ୍ଛାକୃତ ଶିକ୍ଷାଦାନ କରିଆସୁଛନ୍ତି ପୁରାତନ ଛାତ୍ରଛାତ୍ରୀ । ଚର୍ଚ୍ଚାରେ ଗଞ୍ଜାମର ଖଣ୍ଡଦେଉଳି ହାଇସ୍କୁଲ
କନକ ବ୍ୟୁରୋ: ସ୍କୁଲରେ ଚାଲିଛି ସ୍ୱେଚ୍ଛାକୃତ ଶିକ୍ଷାଦାନ । ନିଜେ ଶିଖିଥିବା ପାଠକୁ ପିଲାଙ୍କୁ ଜଣାଇବା ଆଉ ନିଜ ଅଭିଜ୍ଞତାକୁ ନିଜ ସ୍କୁଲର ସାନସାନ ଭାଇ ଭଉଣୀଙ୍କୁ ଜଣାଇବାକୁ ସ୍ୱେଚ୍ଛାକୃତ ଭାବେ ସ୍କୁଲରେ ହାଜର ହୋଇ ପିଲାଙ୍କୁ ପଢାଉଛନ୍ତି ପୂରାତନ ଛାତ୍ରଛାତ୍ରୀ । ତେବେ ଏହି ସ୍ୱେଚ୍ଛାକୃତ ଶିକ୍ଷା ପାଇଁ ଏବେ ସବୁଠି ଚର୍ଚ୍ଚାରେ ଗଂଜାମ ଜିଲ୍ଲାର ଖଣ୍ଡଦେଉଳି ସରକାରୀ ଉଚ୍ଚ ବିଦ୍ୟାଳୟ ।
Kanak News is now on WhatsApp
Join and get latest news updates delivered to you via WhatsApp
ଶିକ୍ଷକ, ଶୀକ୍ଷୟତ୍ରୀଙ୍କ ଶିକ୍ଷାଦାନ, ଛାତ୍ରଛାତ୍ରୀଙ୍କ ଶୃଙ୍ଖଳା ଏବଂ ଗାଁଲୋକଙ୍କ ସହୟତାର ସମନ୍ୱୟରେ ଏହି ବିଦ୍ୟାଳୟ ଆଜି ହୋଇପାରିଛି ଏକ ଆଦର୍ଶ ବିଦ୍ୟାଳୟ । ବିଶେଷ କରି ଏହି ଅନୁଷ୍ଠାନରେ ପୂରାତନ ଛାତ୍ରଛାତ୍ରୀ ସ୍ୱେଚ୍ଛାକୃତ ଭାବେ ଶିକ୍ଷାଦାନ କରୁଥିବାରୁ ଏବେ ଏହି ସ୍କୁଲ ସମଗ୍ର ଜିଲ୍ଲାରେ ଭିନ୍ନ ହୋଇପାରିଛି ।
ସ୍ୱଚ୍ଛ ଓ ସମୃଦ୍ଧ ପରିବେଶ, ନିର୍ମଳ ବାତାବରଣ ଭିତରେ ରହିଛି ଏହି ସ୍କୁଲ । ତେବେ ବିଦ୍ୟାଳୟ ପରିଚାଳନା କମିଟିର ଅନୁରୋଧ କ୍ରମେ ଏହି ପୁରାତନ ଛାତ୍ରଛାତ୍ରୀ ସ୍ୱଇଚ୍ଛାରେ ଆସି ସ୍କୁଲରେ ଶିକ୍ଷାଦାନ କରୁଛନ୍ତି । ଗତ ୧୦ ବର୍ଷ ଧରି ନିସ୍ୱାର୍ଥପର ଭାବେ ହଜାର ହଜାର ଛାତ୍ରଛାତ୍ରୀଙ୍କ ଭବିଷ୍ୟତ ବନାଇଆସୁଛନ୍ତି । ଯାହାକୁ ସ୍ୱାଗତ କରିଛନ୍ତି ଛାତ୍ରଛାତ୍ରୀଙ୍କ ସହ ସ୍କୃଲର ପ୍ରଧାନଶିକ୍ଷୟତ୍ରୀ ଏବଂ ଗ୍ରାମବାସୀ ।