ପୁଣି ବିବାଦରେ ‘ଖାନ୍ ସାର୍’ । ତୁରନ୍ତ ଗିରଫ କରିବାକୁ କଂଗ୍ରେସ ନେତାଙ୍କ ଦାବି ।
କନକ ବ୍ୟୁରୋ: ସୋସିଆଲ୍ ମିଡିଆ ଯୁଗରେ ଆପଣ ଖାନ୍ ସାରଙ୍କୁ ନିଶ୍ଚୟ ଜାଣିଥିବେ । ଏହି ସାରଙ୍କ ଭିଡିଓ ୟୁଟ୍ୟୁବରେ କେବେ ନା କେବେ ଦେଖିଥିବେ । ଖାନ୍ ସାର ପାଟନା ନାମରେ ପରିଚିତ ଏ ବ୍ୟକ୍ତି, ସୋସିଆଲ୍ ମିଡିଆରେ ଏତେ ପରିଚିତ ଯେ, ତାଙ୍କର ଶିକ୍ଷାର୍ଥୀଙ୍କ ସଂଖ୍ୟା ମଧ୍ୟ କିଛି କମ୍ ନୁହେଁ । ହେଲେ ଖାନ୍ ସାର୍ ପାଟନାଙ୍କ ନାଁରେ ଏବେ ଆସିଛି ସାଙ୍ଘାତିକ ଅଭିଯୋଗ ।
Kanak News is now on WhatsApp
Join and get latest news updates delivered to you via WhatsApp
ମଜାଳିଆ ଢଙ୍ଗରେ ପାଠ ପଢାଉଥିବା ଖାନ୍ ସାର, ବିଭିନ୍ନ ପରୀକ୍ଷା ପାଇଁ ପ୍ରସ୍ତୁତ ହେଉଥିବା ପିଲାଙ୍କର ବେଶ ପସନ୍ଦ । ତାଙ୍କର ଭିଡିଓକୁ ଅନେକ ଲୋକ ସୋସିଆଲ୍ ମିଡିଆରେ ଦେଖୁଥିବାବେଳେ, ବିହାରରେ ତାଙ୍କ ନିଜର କ୍ଲାସ୍ ମଧ୍ୟ ରହିଛି । ହେଲେ ନିକଟରେ ତାଙ୍କର ଏକ ଭିଡିଓ ଚର୍ଚ୍ଚା ସୃଷ୍ଟି କରିବା ସହ, ଏହାକୁ ନେଇ ଛିଡା ହେଇଛି ଏକ ନୂଆ ବିବାଦ । ପିଲାମାନଙ୍କୁ ଖାନ୍ ସାର ଦ୍ୱନ୍ଦ୍ୱ ସମାସ ପଢାଇବା ବେଳେ, ଏକ ଉଦାହରଣ ଦେଇଥିଲେ । ଆଉ ଏହି ଉଦାହରଣରେ ସେ ଏମିତି କିଛି କଥା କହିଥିଲେ, ଯାହା ବିବାଦ ଠିଆ କରିଛି । ଏହି ଭିଡିଓରେ ଖାନ୍ ସାର ଉଦାହରଣ ଦେଇ କହିଥିଲେ । ସୁରେଶ ଜାହାଡ ଉଡାଇଲେ, ଅବଦୁଲ ଜାହାଜ ଉଡାଇଲେ । ହେଲେ ଏହାର ଅର୍ଥ କିନ୍ତୁ ଭିନ୍ନ ଭିନ୍ନ ହେବ । ସୁରେଶ ଏଠି ଜାହାଜକୁ ଆକାଶରେ ଉଡାଉଥିବାବେଳେ, ଅବଦୁଲ ଏଠି ଜାହାଜକୁ ଧ୍ୱଂସ କରୁଛି ।
इसे नीचता की हद कहते हैं। ऐसे लोग शिक्षा का धंधा करते हुए समाज में नफरत फैलाने वाले घटिया धंधेबाज हैं।
इस आदमी को तुरंत गिरफ्तार होना चाहिए। pic.twitter.com/9sX6PIvVuO
— Ashok Kumar Pandey अशोक اشوک (@Ashok_Kashmir) December 4, 2022
ତେବେ ଖାନ ସାରଙ୍କ ଏହି ଭିଡିଓ ଭାଇରାଲ ହେବା ପରେ ତାଙ୍କୁ ତୁରନ୍ତ ଗିରଫ କରିବାକୁ ଦାବି ହୋଇଛି । ଖୋଦ୍ କଂଗ୍ରେସ ନେତ୍ରୀ ସୁପ୍ରିୟା ଶ୍ରୀନେତ୍ର ଏ ଭିଡିଓକୁ ରି-ଟୁଇଟ୍ କରିବା ସହ ତୁରନ୍ତ ଖାନ୍ ସାରଙ୍କୁ ଗିରଫ କରିବାକୁ ଦାବି କରିଛନ୍ତି । ତେବେ ଖାନ୍ ସାରଙ୍କୁ ନେଇ ବିବାଦ କିଛି ନୂଆ ନୁହେଁ । ଏହା ପୂର୍ବର୍ରୁ ମଧ୍ୟ ଅନେକ ଥର, ଖାନ୍ ସାର ବିବାଦରେ ଫସିସାରିଛନ୍ତି । ନିକଟରେ ଆରଆରବି ଏନଟିପିସି ପରୀକ୍ଷା ହୋଇଥିବା ଗଡବଡକୁ ନେଇ ଖାନ୍ ସାର ମୁହଁ ଖୋଲିଥିଲେ । ଆଉ ଛାତ୍ରଛାତ୍ରୀମାନଙ୍କୁ ନିଜର ହକ୍ ପାଇଁ ଲଢିବାକୁ କହିଥିଲେ । ଯାହାକି ଗୋଟିଏ ବଡ ବିବାଦ ଠିଆ କରିଥିଲା ।
ପିଲାମାନଙ୍କୁ ୟୁପିଏସସି ପରୀକ୍ଷା ପାଇଁ ପ୍ରସ୍ତୁତ କରୁଥିବା ଖାନ୍ ସାରଙ୍କୁ ଛାତ୍ରଛାତ୍ରୀମାନେ ବେଶ ପସନ୍ଦ କରିଥାନ୍ତି । ୟୁଟ୍ୟୁବରେ ତାଙ୍କର ଭିଡିଓକୁ ମିଲିୟନ୍ ମିଲିୟନ୍ ଭିଉ ମିଳୁଥିବାବେଳେ, ପାଟନାର ତାଙ୍କର ଖାନ୍ ସାର ଜିଏସ୍ ରିସର୍ଚ୍ଚ ସେଂଟର ରହିଛି । ହେଲେ ଏବେ ତାଙ୍କୁ ନେଇ ସୃଷ୍ଟି ହୋଇଥିବା ବିବାଦ ତାଙ୍କୁ ଅକଳରେ ପକାଇଛି ।