କେଜିଏଫ-୨କୁ ନେଇ ୟାସ୍ କଲେ ବଡ ଘୋଷଣା । ନୂଆ ପୋଷ୍ଟର ସହ ସେୟାର କଲେ ରିଲିଜ ତାରିଖ, ଥରେ ଦେଖିନିଅନ୍ତୁ କେବେ ହେବ ଫିଲ୍ମ ରିଲିଜ ।
କନକ ବ୍ୟୁରୋ : ସିନେପ୍ରେମୀଙ୍କ ପାଇଁ ଖୁସିଖବର । କରୋନା କାଳରେ ବହୁ ପ୍ରତୀକ୍ଷିତ ଫିଲ୍ମ କେଜିଏଫ-୨କୁ ନେଇ ଆସିଛି ବଡ ଖବର । ଫିଲ୍ମରେ ମୁଖ୍ୟ ନାୟକ ଭୁମିକାରେ ଥିବା ୟାସ୍ ଫିଲ୍ମର ନୂଆ ପୋଷ୍ଟର ସେୟାର କରିବା ସହ ଫିଲ୍ମ ରିଲିଜର ତାରିଖ ଘୋଷଣା କରିଛନ୍ତି । ଆଉ ଏହି ତାରିଖ ଘୋଷଣା ପରେ ସିନେପ୍ରେମୀ ବେଶ ଉତ୍ସାହିତ ଅଛନ୍ତି । କାରଣ ଦୀର୍ଘଦିନ ହେବ କେଜିଏଫ-୨ର ରିଲିଜ ତାରିଖକୁ ନେଇ ସସପେନ୍ସରେ ଥିଲେ ସିନେପ୍ରେମୀ ।
Kanak News is now on WhatsApp
Join and get latest news updates delivered to you via WhatsApp
The uncertainties of today will only delay our resolve, but the eventuality is as promised.We will be out in theaters on april 14th 2022.#KGF2onApr14@prashanth_neel @VKiragandur @hombalefilms @duttsanjay @TandonRaveena @SrinidhiShetty7 pic.twitter.com/2FPTknM7Nb
— Yash (@TheNameIsYash) August 22, 2021
ଆସନ୍ତା ବର୍ଷ ଅଥାର୍ତ ୨୦୨୨ ଅପ୍ରେଲ ୧୪ ତାରିଖରେ ସିନେମାହଲରେ କେଜିଏଫ-୨ ରିଲିଜ ହେବ । ଆଉ ଏହି ପୋଷ୍ଟ ସେୟାର କରିବା ପରେ ସୋସିଆଲ ମିଡ଼ିଆରେ ବେଶ ଭାଇରାଲ ହୋଇଛି । କେବଳ ୟାସ୍ ନୁହଁନ୍ତି ସଞ୍ଜୟ ଦତ୍ତ ମଧ୍ୟ ଫିଲ୍ମର ନୂଆ ଫଟୋ ଥିବା ପୋଷ୍ଟର ସେୟାର କରିଛନ୍ତି । ଯେଉଁ ପୋଷ୍ଟରରେ ଫିଲ୍ମର ଗୁରୁତ୍ୱପୂର୍ଣ୍ଣ ଭୂମିକାରେ ଥିବା ଅଭିନେତା ଓ ଅଭନେତ୍ରୀ ରହିଛନ୍ତି । ଫିଲ୍ମରେ ଅଧୀରା ଭୂମିକାରେ ନଜର ଆସିବାକୁ ଥିବା ସଞ୍ଜୟ ନୂଆ ପୋଷ୍ଟର ସହ ପ୍ରଂଶସକଙ୍କୁ ଫିଲ୍ମ ରିଲିଜର ତାରିଖ ବାବଦରେ କହିଛନ୍ତି ।
The uncertainties of today will only delay our resolve, but the eventuality is as promised. We will be out in theaters on April 14th 2022. #KGF2onApr14@TheNameIsYash @prashanth_neel @hombalefilms @VKiragandur @HombaleGroup @TandonRaveena @SrinidhiShetty7 @JoinPrakashRaj pic.twitter.com/hHeVE7bndJ
— Sanjay Dutt (@duttsanjay) August 22, 2021
ଏହାପୂର୍ବରୁ କେଜିଏଫ-୨ର ଟ୍ରେଲର ରିଲିଜ ହୋଇଥିଲା । ଯାହାକୁ ବେଶ ପସନ୍ଦ କରିଥିଲେ ଦର୍ଶକ । କିନ୍ତୁ ଟ୍ରେଲର ରିଲିଜ ହେବାର ଦୀର୍ଘ ଦିନ ବିତି ଯାଇଥିଲେ ମଧ୍ୟ ଫିଲ୍ମ ରିଲିଜକୁ ନେଇ କୌଣସି ସୂଚନା ମିଳିପାରୁନଥିଲା । ପୂର୍ବରୁ କେଜିଏଫର ପ୍ରଥମ ପାର୍ଟକୁ ଦର୍ଶକ ବେଶ ପସନ୍ଦ କରିଥିବା ବେଳେ ଦ୍ୱିତୀୟ ଭାଗକୁ ଅପେକ୍ଷା କରି ରହିଛନ୍ତି । ୨୦୧୮ରେ କେଜିଏଫର ପ୍ରଥମ ପାର୍ଟ ରିଲିଜ ହୋଇଥିଲା । କେଜିଏଫ-୨ରେ ଅନେକ ନୂଆ ଅଭିନେତା ଓ ଅଭିନେତ୍ରୀ ନଜର ଆସିବେ । ପ୍ରକାଶ ରାଜ, ରବୀନା ଟଣ୍ଡନ, ସଞ୍ଜୟ ଦତ୍ତଙ୍କ ଭଳି କଳାକାରଙ୍କୁ ଦେଖିବାକୁ ମିଳିବ ।