ସରଳ ହୋଇପାରେ ଜିଏସଟି ରିଟର୍ଣ୍ଣ ଫାଇଲ ପ୍ରକ୍ରିୟା: ବ୍ୟବସାୟୀଙ୍କୁ ବି ମିଳିପାରେ ଆଶ୍ୱସ୍ତି, ଆସିପାରେ ଇ-ୱାଲେଟ ଜରିଆରେ ଟିକସ ଦେୟ ବ୍ୟବସ୍ଥା
କନକ ବ୍ୟୁରୋ: ନୂଆଦିଲ୍ଲୀରେ ଜିଏସଟି କାଉନସିଲ ବୈଠକ ଆରମ୍ଭ ହୋଇଛି । ଅର୍ଥ ମନ୍ତ୍ରୀ ଅରୁଣ ଜେଟଲିଙ୍କ ଅଧ୍ୟକ୍ଷତାରେ ଏହି ବୈଠକ ଚାଲିଥିବାବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ବୈଠକରେ ସାମିଲ ହୋଇଛନ୍ତି । ତେବେ ଜିଏସଟି ଲାଗୁ ପରେ ଲଗାତର ଭାବେ ସମାଲୋଚନାର ଶିକାର ହୋଇ ଆସୁଥିବା କେନ୍ଦ୍ର ସରକାର ଏବେ ଜିଏସଟଇ ରିଟର୍ଣ୍ଣ ଫାଇଲ କରୁଥିବା ବ୍ୟକ୍ତିଙ୍କ ପାଇଁ କିଛିଟା ଆଶ୍ୱସ୍ତି ଦେଇପାରନ୍ତି ।
Kanak News is now on WhatsApp
Join and get latest news updates delivered to you via WhatsApp
ବର୍ତ୍ତମାନ ବ୍ୟବସାୟୀମାନେ ମାସକୁ ୩ଥର ରିଟର୍ଣ୍ଣ ଫାଇଲ କରୁଥିବାବେଳେ ଏହି ପ୍ରକ୍ରୀୟା ଜଟିଳ ହୋଇଥିବାରୁ ସେମାନଙ୍କୁ ଅସୁବିଧାର ସମ୍ମୁଖିନ ହେବାକୁ ପଡୁଛି । ଏହାକୁ ଆଖି ଆଗରେ ରଖି ସରକାର ୩ମାସରେ ଥରେ ରିଟର୍ଣ୍ଣ ଫାଇଲ ପାଇଁ ନୂଆ ବ୍ୟବସ୍ଥା ଲାଗୁ କରିପାରନ୍ତି ।
ସେହିପରି ଜିଏସଟି ଦେୟ ପ୍ରଦାନ ପ୍ରକ୍ରୀୟା ମଧ୍ୟ ସରଳିକରଣ ହୋଇପାରେ । ଇ-ୱାଲେଟ ବା ଇଲେକଟ୍ରୋନିକ ପେମେଂଟ ବ୍ୟବସ୍ଥା ମାଧ୍ୟମରେ ଜିଏସଟି ଦେୟ ପ୍ରଦାନ କରିବାର ସୁବିଧା ଦେଇପାରନ୍ତି ସରକାର । ସେହିପରି ରପ୍ତାନୀକାରୀଙ୍କ ଜିଏସଟି ପ୍ରକ୍ରୀୟାକୁ ମଧ୍ୟ ସରଳ କରିବାକୁ ଜିଏସଟି ବୈଠକରେ ବିଚାର ବିମର୍ଷ ହୋଇଥିବା ସୂଚନା ମିଳୁଛି ।
ଏହାଛଡା ବ୍ୟବସାୟୀ ମାନଙ୍କ ପୁରୁଣା ଟିକସ ଦେୟକୁ ତଦନ୍ତ ପରିସରଭୁକ୍ତ ନକରିବାକୁ ଜିଏସଟି ବୈଠକରେ ନିଷ୍ପତ୍ତି ହୋଇପାରେ । ଏହାଛଡା ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ଉପରେ ଜିଏସଟି ହାରେ ପରିବର୍ତ୍ତନ ମଧ୍ୟ କରାଯାଇପାରେ । ଦିପାବଳୀ ପୂର୍ବରୁ ସରକାର ଏହି ସବୁ ସୁବିଧା ଦେବାକୁ ଚିନ୍ତା କରୁଥିବା କୁହାଯାଉଛି ।