ରାଜଧାନୀର ରାଜରାସ୍ତାରୁ ରାତିରେ ବି ଚୋରି ହୋଇଯାଉଛନ୍ତି ଷଣ୍ଢ । ସିସିଟିଭିରେ କଏଦ ହେଲା ଚୋରି ହେଉଥିବା ଦୃଶ୍ୟ
କିଏ ଆଉ କାହିଁକି ନେଉଛି ଖୋଳତାଡ ପାଇଁ ଦାବି
କନକ ବ୍ୟୁରୋ : ରାଜଧାନୀର ରାଜରାସ୍ତାରେ ଚୋରି ହେଉଥିବା କଥା ଆପଣ ଶୁଣିଥିବେ । କିନ୍ତୁ ରାଜରାସ୍ତାରୁ ରାତି ଅଧରେ ଷଣ୍ଢ ଚୋରୀ ହେବା ଘଟଣା ବୋଧେ ଆପଣ କେବେ ଶୁଣିନଥିବେ । କିନ୍ତୁ କଥାଟି ପୁରା ସତ । ଭୁବନେଶ୍ୱରର କେଶୁରା ଅଂଚଳରେ ଘଟିଛି ଏଭଳି ଘଟଣା । କେଶୁରା ବାଇପାସରେ ଏଭଳି ଷଣ୍ଢ ଚୋରି ହେଉଥିବା ଦୃଶ୍ୟ ସିସିଟିଭରେ କଏଦ ହୋଇଛି । ରାତି ଅଧରେ ଲୋକେ ରାସ୍ତାରେ ନଥିବାରୁ ଏହାର ସୁଯୋଗ ନେଇ ମାତିଛନ୍ତି ଗୋଚାଲାଣକାରୀ ।
Kanak News is now on WhatsApp
Join and get latest news updates delivered to you via WhatsApp
ଏକ ଗାଡି ଆଣି ନିଛାଟିଆ ସ୍ଥାନରେ ରଖୁଛନ୍ତି ଓ ଷଣ୍ଢକୁ ଧରିବାକୁ ଉଦ୍ୟମ କରି ଫେଲ ମାରିଛନ୍ତି । ଆଉ ଏକ ଷଣ୍ଢ ଶୋଇଥିବାବେଳେ ଜଣେ ଲୋକ ଟାଣି ଟାଣି ଗାଡି ପାଖକୁ ନେଉଛନ୍ତି । ଆଉ ଗାଡି ଭିତରକୁ ଷଣ୍ଢକୁ ଉଠାଇବା ପାଇଁ ସଂପୃକ୍ତ ଲୋକଙ୍କୁ ସହାୟତା କରୁଛନ୍ତି ଆଉ ଜଣେ ବ୍ୟକ୍ତି । ଏହି ସବୁ କାମରେ ପ୍ରାୟ ୪ରୁ ଅଧିକ ଲୋକ ସାମିଲ ଥିବା ସିସିଟିଭିରେ କଏଦ ହୋଇଛି । ରାଜପଥ କଡରେ ଏଭଳି ଦୃଶ୍ୟ ଦେଖିବାକୁ ମିଳିଛି । ରାସ୍ତାରେ ଗାଡି ଯାଉଥିଲେ ବି କାହାର ନଜର ଏହା ଉପରେ ପଡିନାହିଁ ।