କିଶୋରନଗର ତହସିଲଦାରଙ୍କ ଦବଙ୍ଗଗିରି: ମାସ୍କ ଚେକିଂ ସମୟରେ ଜୋରିମାନା ବଦଳରେ ୨ଜଣ ଚାଷୀଙ୍କୁ କଲେ ଉଠବସ
ତହସିଲଦାରଙ୍କ ସଫେଇ, ସେମିତି କିଛି କରାଯାଇନି
କନକ ବ୍ୟୁରୋ: ଅନୁଗୁଳ ଜିଲ୍ଲା କିଶୋରନଗର ତହସିଲଦାର ଲକ୍ଷ୍ମୀପ୍ରସାଦ ସାହୁଙ୍କ ଦବଙ୍ଗଗିରି । ମାସ୍କ ଚେକିଂ ସମୟରେ ଧାନବିଲରୁ ଫେରୁଥିବା ଦୁଇଜଣ ଚାଷୀଙ୍କୁ ପାଂଚଶହ ଟଙ୍କା ଜୋରିମାନା ବଦଳରେ ତହସିଲଦାର କାନଧରି ôଉଠବସ କରିଥିବା ଘଟଣା ଚର୍ଚ୍ଚାର ବିଷୟ ହୋଇଛି । ଏହି ଘଟଣା ସିସିଟିଭିରେ କଏଦ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଘଟଣା ଅନୁସାରେ, ଗତକାଲି ମଧ୍ୟାହ୍ନରେ କିଶୋରନଗର ତହସିଲଦାର କଲେଜଛକ ନିକଟରେ ମାସ୍କ ଚେକିଂ କରୁଥିଲେ । ଏହି ସମୟରେ କିଶୋରନଗର ଥାନା ଧଉରାପାଲି ପଂଚାୟତ ପାଣ୍ଡୁରୀପଥର ଗାଁର ମାଗୁଣି ସାହୁ ଓ ସୁଶାନ୍ତ ରଣା ଧାନବିଲରୁ ମୋଟର ସାଇକେଲରେ ଘରକୁ ଫେରୁଥିଲେ । ତେବେ ମାସ୍କ ତଳକୁ ଖସିଯିବାରୁ ଜୋରିମାନା ଦେବାକୁ କହିଥିଲେ । ଜୋରିମାନା ନ ଦେଲେ ୧୦ ଥର ଉଠବସ ହେବାକୁ କହିଥିଲେ । ଟଙ୍କା ଦେଇନପାରି ଏହି ଦୁଇଚାଷୀ ଉଠବସ ହୋଇଥିଲେ ।
ସେପଟେ କିଶୋରନଗର ତହସିଲଦାର ଲକ୍ଷ୍ମୀପ୍ରସାଦ ସାହୁ କନକ ନ୍ୟୁଜକୁ ସଫେଇ ଦେଇଛନ୍ତି । ସେ କହିଛନ୍ତି, ଚାଷୀଙ୍କୁ ଉଠବସ ହେବାକୁ କୁହାଯାଇନାହିଁ । ସେମାନେ ମଦ୍ୟପ ଅବସ୍ଥାରେ ଥିଲେ ତେଣୁ ସେମାନଙ୍କୁ ଜୋରିମାନା ପାଇଁ କୁହାଯାଇଥିଲା ।