ଇଚ୍ଛା ଶକ୍ତି ଆଗରେ ହାର ମାନିଲା ଶାରୀରିକ ଅକ୍ଷମତା : ବିନା ହାତରେ ଜନ୍ମ ହୋଇଥିବା ଦେବିକା ଗୋଡରେ ପରୀକ୍ଷା ଦେଇ ଦଶମ ବୋର୍ଡରେ ହାସଲ କଲେ ଏ+ ଗ୍ରେଡ୍
ଇଚ୍ଛାଶକ୍ତି ଆଗରେ ସବୁ ହାର ମାନେ ବୋଲି ସାବ୍ୟସ୍ତ କରିଦେଇଛନ୍ତି କେରଳର ଝିଅ ଦେବିକା । ସବୁବେଳେ ସଫଳତା ପାଇଁ ପୂର୍ଣ୍ଣାଙ୍ଗ ମଣିଷ ଭାବେ ଜନ୍ମ ଗ୍ରହଣ କରିବା ଜରୁରୀ ନୁହେଁ। ସଫଳତା ଅଙ୍ଗ ନୁହେଁ ବରଂ ମନୋବଳରେ ଥାଏ ବୋଲି ପ୍ରମାଣ କରିଦେଖାଇଛନ୍ତି । ମାଲ୍ଲାପୁରମ ଅଞ୍ଚଳର ଦେବିକା ବିନା ହାତରେ ଜନ୍ମଲାଭ କରିଥିଲେ। ପିଲାଟି ଦିନରୁ ହାତ ନଥାଇ ବି ସେ ପରୀକ୍ଷାରେ ସଫଳତା ହାସଲ କରିଛନ୍ତି । ଦଶମ ବୋର୍ଡ ପରୀକ୍ଷାରେ ଦେବିକା ତାଙ୍କ ଗୋଡ଼ରେ ଲେଖି ପରୀକ୍ଷା ଦେଇଥିଲେ ଓ ସବୁ ବିଷୟରେ ଏ+ ଗ୍ରେଡ୍ ପାଇ ଚର୍ଚ୍ଚା ପାଲଟିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ଦେବିକାଙ୍କୁ ତାଙ୍କର ଏହି ସଫଳତା ପାଇଁ କେରଳ ପୁଲିସ୍ ମୁଖ୍ୟ ଲୋକନାଥ ବେହେରା ସମ୍ବର୍ଦ୍ଧନା ଦେଇଛନ୍ତି । ଦେବିକାଙ୍କୁ ସମ୍ମାନିତ କରିବା ପରେ ପୁଲିସ୍ ମୁଖ୍ୟ ଲୋକନାଥ କହିଥିଲେ ଯେ, ‘ଏହା କେବଳ ଦେବିକାଙ୍କ ଇଚ୍ଛା ଶକ୍ତି ଓ ମାନସିକ ବଳ ପାଇଁ ସମ୍ଭବ ହୋଇପାରିଛି।’ ଦେବିକାଙ୍କ ପରିବାର ଲୋକଙ୍କ କହିବାନୁସାରେ ଦେବିକା ବହୁତ ଭଲ ପାଠ ପଢ଼ନ୍ତି ନାହିଁ। ମାତ୍ର ଏହା ତାଙ୍କ ଗୃହିଣୀ ମାଆଙ୍କ ପ୍ରଚେଷ୍ଠା ଯୋଗୁଁ ସମ୍ଭବ ହୋଇପାରିଛି।