କନକ ବ୍ୟୁରୋ : ସହି ପାରିଲେ ନାହିଁ ଋଣ ଭାର । ଶେଷରେ ଆତ୍ମହତ୍ୟା କଲେ ଟ୍ରକ ମାଲିକ । ଏପରି ଏକ ଅଭାବନୀୟ ଘଟଣା ଘଟିଛି କେନ୍ଦୁଝର ଜିଲ୍ଲା ତେଲକୋଇ ଥାନା ଛାମୁଣ୍ଡା ଗ୍ରାମରେ । ସୂଚନାନୁସାରେ, ଛାମୁଣ୍ଡା ଗ୍ରାମର ସ୍ୱର୍ଗତ ଦୁଃଖିଶ୍ୟାମ ମହାକୁଡ଼ଙ୍କ ପୁଅ ମକୁନ୍ଦ ମହାକୁଡ଼ ରୋଜଗାର ପାଇଁ ସେ ଏକ ୧୨ଚକିଆ ଟ୍ରକ କିଣି ଚଳାଉଥିଲେ । ସବୁ ଠିକ ଠାକ ଥିଲା, କିନ୍ତୁ କିଛି ମାସ ହେଲାଣି ମାଇନ୍ସ ଚାଲୁ ନଥିବାରୁ ଟ୍ରକ ଚାଲି ପାରୁନଥିଲା । ଫଳରେ ଟ୍ରକରୁ କୌଣସି ରୋଜଗାର ହୋଇପାରୁନଥିଲା ଫଳରେ ମୁକୁନ୍ଦ ଚାପରେ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଯେଉଁ ସଂସ୍ଥାରୁ ଋଣ ଆଣି ଟ୍ରକ କିଣି ଥିଲେ ସେ ସଂସ୍ଥା ବାରମ୍ବାର କିସ୍ତି ପାଇଁ ତାଗିଦ କରୁଥିଲା । ଏପରିକି ତାଙ୍କର ଜାଗା ବାଡ଼ି ବିକ୍ରି କରି କିଛି ଋଣ ସୁଝିଥିଲେ, ଏବେ ଋଣ ସଂସ୍ଥା ପୁଣି ତାଗିଦ କରୁଥିଲା । ଅନ୍ୟ ଉପାୟ ନପାଇ ନିଜ ଘର ଆଗରେ ଥିବା ବିଦ୍ୟୁତ ଖୁଣ୍ଟ ତାରରେ ମୁକୁନ୍ଦ ରଶି ଲଗାଇ ଆତ୍ମହତ୍ୟା କରିଛନ୍ତି । ଆଜି ସକାଳୁ ଝୁଲନ୍ତା ଅବସ୍ଥାରେ ମୃତଦେହକୁ ଉଦ୍ଧାର କରାଯାଇଛି । ଏ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳି ଯାଇଛି ।