କନକ ବ୍ୟୁରୋ: କେନ୍ଦୁଝର ଜିଲ୍ଲା ବଡବିଲର ଜୀବନ ରେଖା ଭାବେ ପରିଚିତ କାରୋନଦୀ ଏବେ ସତ୍ତା ହରାଇବାକୁ ବସିଛି । ସେବେକାର ନଦୀ ଏବେ ନଦୀ ନୁହେଁ ବଂର ଗୋଟିଏ ନାଳ ଭଳି ଦେଖାଯାଉଛି । ଦିନ ଥିଲା ଏହି ନଦୀ କୂଳ ଖାଉଥିଲା ଏବଂ ଏହାର ଜଳ କାଚକେନ୍ଦୁ ଭଳି ସ୍ୱଚ୍ଛ ଥିଲା । ହେଲେ ଏବେ ନଦୀ ଗର୍ଭ ପୋତି ହୋଇଯିବା ସହ ଦୂଷିତ ହୋଇଯାଇଛି ନଦୀ ଜଳ । ଆଗରୁ ଜୀବନ ରେଖା କୁହାଯାଉଥିବା ଏହି ନଦୀର ଜଳ ଏବେ ଜହର ପାଲଟିଛି ।
Kanak News is now on WhatsApp
Join and get latest news updates delivered to you via WhatsApp
ସୁନ୍ଦରଗଡ କୋଇଡାରୁ ବାହାରି ଝାଡଖଣ୍ଡର କୋଏଲ ନଦୀରେ ମିଶିଛି ଏହି ନଦୀ । ହେଲେ ବ୍ୟାପକ ଖଣି ଖନନ, ଜଙ୍ଗଲ କଟା, ଶିଳ୍ପାନୁଷ୍ଠାନର ବର୍ଜ୍ୟବସ୍ତୁର କୁୁପ୍ରଭାବ ଯୋଗୁ ଧିରେଧିରେ ଏହା ପ୍ରଦୁଷିତ ହେବାରେ ଲାଗିଛି । ବଡବିଲ ଦେଇ ବହି ଯାଉଥିବା ଏହି ନଦୀରୁ ସେ ଅଂଚଳର ଅନେକ କାରଖାନା ବହୁ ପରିମାଣର ଅପବ୍ୟବହାର କରୁଛନ୍ତି । ଯାହାର ଫଳସ୍ୱରୂପ ନଦୀ ଶଯ୍ୟା ସଂକୁଚିତ ହେଉଛି ବୋଲି ବୁଦ୍ଧିଜୀବୀ ମହଲରେ ଅଭିଯୋଗ ହୋଇଛି ।