ଭୁବନେଶ୍ୱର ନାବାଳିକା ଦୁର୍ଷ୍କମ ଘଟଣା : ଆଜି କ୍ରାଇମବ୍ରାଂଚରେ ହାଜର ହେବେ ଓଟିଭି ଏମଡି ;ପୂର୍ବରୁ ମହିଳା କମିଶନଙ୍କ ନିକଟରେ ହାଜର ହୋଇଥିଲେ ଜାଗୀ
କନକ ବ୍ୟୁରୋ : ଓଟିଭି ଏମଡ଼ିଙ୍କୁ କ୍ରାଇମବ୍ରାଂଚର ନୋଟିସ । ଭୁବନେଶ୍ୱର ନାବାଳିକା ଗଣଦୁଷ୍କର୍ମ ଅଭିଯୋଗ ମାମଲାରେ ଓଟିଭି ଏମଡ଼ି ଜାଗୀ ପଣ୍ଡାଙ୍କୁ ନୋଟିସ ଜାରି କରିଛି କ୍ରାଇମବ୍ରାଂଚ । ଆଜି ଦିନ ୧୧ଟାରେ ହାଜର ହେବାକୁ ନୋଟିସରେ କୁହାଯାଇଛି । ଭୁବନେଶ୍ୱର ସ୍ଥିତ କ୍ରାଇମବ୍ରାଂଚ ଅଫିସରେ ହାଜର ହେବାକୁ ନିର୍ଦେଶ ରହିଛି । ତେବେ ମାମଲାରେ ଅଧିକ ତଥ୍ୟ ହାସଲ ପାଇଁ କିଛି ବ୍ୟକ୍ତିଙ୍କୁ ପଚରାଉଚରା କରାଯାଇଛି । ଆଗକୁ ମଧ୍ୟ ଆହୁରି କିଛି ବ୍ୟକ୍ତିଙ୍କୁ ପରଚାଉଚରା କରାଯିବ । ତେଣୁ ନୋଟିସ କରାଯାଇଥିବା କହିଛନ୍ତି କ୍ରାଇମବ୍ରାଂଚ ଏଡିଜି ସୌମେନ୍ଦ୍ର ପ୍ରିୟଦର୍ଶୀ । ଦୁଇଦିନ ତଳେ ଭୁବନେଶ୍ୱର ନାବାଳିକା ଗଣଦୁଷ୍କର୍ମ ମାମଲାର ତଦନ୍ତ ଭାର କ୍ରାଇମବ୍ରାଂଚକୁ ଦେଇଥିଲେ ରାଜ୍ୟ ସରକାର । ପୂର୍ବରୁ ମହିଳା କମିଶନଙ୍କ ନିକଟରେ ହାଜର ହୋଇଥିଲେ ଜାଗୀ ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ଅନୁସାରେ ପୀଡିତାଙ୍କ ମାଆ, ତାଙ୍କ ନାବାଳିକା ଝିଅକୁ ଗଣଦୁଷ୍କର୍ମ କରାଯାଇଥିବା ନେଇ ଟେଲିଫୋନ ଯୋଗେ ଓଟିଭି ଏମଡିକୁ ଜଣାଇଥିଲେ । ସବୁ ଶୁଣିବା ପରେ ବି ଏମ୍ଡି କୌଣସି ପଦକ୍ଷେପ ନେଇନଥିଲେ । ତେଣୁ ପୀଡିତା ନାବାଳିକାଙ୍କ ମାଆଙ୍କ ପକ୍ଷରୁ ଲିଖିତ ଅଭିଯୋଗ କରାଯିବା ସହ ଅଡିଓ କ୍ଲିପ ଦାଖଲ କରାଯାଇଥିଲା । ସେହି ଏତଲା ଓ ଅଡିଓ କ୍ଲିପ ଆଧାରରେ ଓଟିଭି ଏମଡିଙ୍କୁ ମହିଳା କମିଶନ ନୋଟିସ କରିଥିଲେ । ଲକଡାଉନ ସମୟରେ ନାବାଳିକାକୁ ଦୁଷ୍କର୍ମ କରାଯାଇଥିବା ନେଇ ଅଗଷ୍ଟ ୩୦ ତାରିଖରେ ପୀଡିତାଙ୍କ ମା ଅଭିଯୋଗ କରିବା ପରେ ମାମଲା ରୁଜୁ ହୋଇଥିଲା ।