କନକ ବ୍ୟୁରୋ: ୬ ଦିନିଆ ରିମାଣ୍ଡରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ଗତକାଲି ଗିରଫ ପରେ ଦିଲ୍ଲୀ ରାଉଜ ଏଭିନ୍ୟୁ କୋର୍ଟରେ ଆଜି ହାଜର ହୋଇଥିଲେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ୧୦ଦିନିଆ ରିମାଣ୍ଡରେ ନେବାକୁ କୋର୍ଟରେ ଆବେଦନ କରିଥିଲା ଇଡି । କିନ୍ତୁ କୋର୍ଟ ଇଡିକୁ ୬ଦିନ ରିମାଣ୍ଡ ସମୟ ଦେଇଛନ୍ତି, ଯାହାଫଳରେ କେଜ୍ରିୱାଲଙ୍କୁ ୬ ଦିନ ନିଜ ହେପାଜତରେ ରଖି ପଚରାଉଚରା କରିବ ।
Kanak News is now on WhatsApp
Join and get latest news updates delivered to you via WhatsApp
ଏପଟେ କୋର୍ଟରେ ଇଡି କହିଛି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ହିଁ ଦିଲ୍ଲୀ ମଦ ଦୁର୍ନୀତି ମାମଲାର ମୁଖ୍ୟ ଷଡଯନ୍ତ୍ରକାରୀ, ମାଷ୍ଟର ମାଇଣ୍ଡ ହେଉଛନ୍ତି ମନିଷ ସିସୋଦିଆ । ମଦ ଦୁର୍ନୀତିରୁ ଆଦାୟ ହୋଇଥିବା ଟଙ୍କାରେ ଗୋଆ ଓ ପଂଜାବରେ ନିର୍ବାଚନ ଲଢିଛି ଆମ ଆଦମୀ ପାର୍ଟି । ଅବକାରୀ ନୀତି ୨୦୨୧-୨୨ ପ୍ରସ୍ତୁତ କରିବା ଓ କାର୍ଯ୍ୟକାରୀ କରିବା ଲାଗି କେଜ୍ରିୱାଲ ସାଉଥ ଗ୍ରୁପ୍ ଠାରୁ ୧୦୦କୋଟି ଟଙ୍କା ଲାଂଚ ବାବଦକୁ ଦାବି କରିଥିବା କୋର୍ଟରେ ଇଡ଼ି ପକ୍ଷରୁ କୁହାଯାଇଛି ।