କନକ ବ୍ୟୁରୋ : ବିବାହ ବନ୍ଧନରେ ବାନ୍ଧି ହେବେ କ୍ୟାଟ୍ରିନା ଏବଂ ଭିକି କୌଶଲ । ଉଭୟଙ୍କ ଘରେ ଶୁଭିବ ସାହାନାୟୀର ସ୍ୱର । ବଲିଉଡର ଗର୍ଜିୟସ୍ ଡଲ କ୍ୟାଟ୍ରିନା ଏବଂ ଅଭିନେତା ଭିକି କୌଶଲ ପରସ୍ପରର ହାତ ଧରି ସାତ ଜନମର ସାଥୀ ହେବାକୁ ଯାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରେ ପ୍ରକାଶ ପାଇଥିବା ଏକ ରିପୋର୍ଟ ଅନୁଯାୟୀ, କ୍ୟାଟ୍ରିନା ଏବଂ ଭିକି କୌଶଲ ବିବାହ ପାଇଁ ପ୍ରସ୍ତୁତି ମଧ୍ୟ ଆରମ୍ଭ କରିଦେଇଛନ୍ତି । ଭିକି ଏବଂ କ୍ୟାଟ୍ରିନାଙ୍କ ୱେଡିଂକୁ ପ୍ରସିଦ୍ଧ ଫ୍ୟାସନ୍ ଡିଜାଇନର୍ ସବ୍ୟସାଚୀ ଡିଜାଇନ୍ କରୁଛନ୍ତି । ବାହାଘରରେ କ୍ୟାଟ୍ରିନା ଏବଂ ଭିକି ଉଭୟ କିଭିଳି ଗର୍ଜିୟସ୍ ନଜର ଆସିବେ ସେନେଇ ପୋଷାକ ମଧ୍ୟ ଡିଜାଇନ୍ ଚାଲିଛି । ବହାଘରରେ କ୍ୟାଟ୍ରିନା ଲେହେଙ୍ଗା ପିନ୍ଧିବେ ବୋଲି ଜଣାପଡିଛି । ତେବେ କ୍ୟାଟ୍ରିନା ଏବଂ ଭିକି କୌଶନଙ୍କ ବିବାହ ନଭେମ୍ବର କିମ୍ବା ଡିସେମ୍ବର ମାସରେ ହେବ ବୋଲି ସୂତ୍ରରୁ ଜଣାପଡିଛି ।
ତେବେ ଉଭୟଙ୍କୁ ନେଇ ପୂର୍ବରୁ ଏକ ଖବର ମଧ୍ୟ ସାମ୍ନାକୁ ଆସିଥିଲା । ଭିକି ଏବଂ କ୍ୟାଟ୍ରିନାଙ୍କ ନିର୍ବନ୍ଧ ହୋଇସାରିଥିବା ଖବର ସୋସିଆଲ ମିଡିଆରେ ସେନସେସନ୍ ପାଲଟିଥିଲା । ଦୀର୍ଘ ଦିନ ଧରି ବଲିଉଡରେ ଏହି ଦୁଇ ଜୋଡିଙ୍କ ଚର୍ଚ୍ଚା ଲାଗି ରହିଥିଲା ।