ପାକିସ୍ତାନର ଶିବ ମନ୍ଦିର…କଟସରାଜ ନାମରେ ପଡୋଶୀଦେଶରେ ପୂଜା ପାଉଛନ୍ତି ବାବା ଭୋଳାନାଥ
ପଢନ୍ତୁ ଏହି ମନ୍ଦିର ସହ ଜଡିତ କିଛି ଆସ୍ଥା ବିଶ୍ୱାସର କାହାଣୀ
କନକ ବ୍ୟୁରୋ: ସାରା ବିଶ୍ୱରେ ହିନ୍ଦୁ ଧର୍ମବଲମ୍ବୀଙ୍କ ପାଇଁ ଭଗବାନ ଶିବ ହେଉଛନ୍ତି ମହାନ । ଶଙ୍କର ମହାଦେବଙ୍କୁ ଦେବତାମାନଙ୍କ ଦେବ ବୋଲି କୁହାଯାଇଥାଏ । ଆଉ ମହାଶିବରାତ୍ରି ହେଉଛି ଭଗବାନ ଶିବଙ୍କର ମୁଖ୍ୟ ପୂଜା । ଫାଲଗୁନ ମାସରେ ଶିବରାତ୍ରିକୁ ମହାଶିବରାତ୍ରି ବୋଲି କୁହାଯାଇଥାଏ । ଏହି ଦିନରେ ଶିବ ଭକ୍ତମାନେ ବାବାଙ୍କ ମନ୍ଦିର ଆସି ଭୋଲେବାବାଙ୍କୁ ପ୍ରସନ୍ନ କରିବାକୁ ପ୍ରୟାସ କରିଥାନ୍ତି । ଶିବଙ୍କ ପ୍ରତି ଏଭଳି ଆସ୍ଥା ଓ ସମର୍ପଣ କେବଳ ଭାରତ ନୁହେଁ ପଡୋଶୀ ଦେଶ ପାକିସ୍ତାନରେ ବି ଦେଖିବାକୁ ମିଳେ । ହଁ, ପାକିସ୍ତାନରେ ବି ଅନେକ ହିନ୍ଦୁ ମନ୍ଦିର ରହିଛି । ସେଥିମଧ୍ୟରୁ କଟସରାଜ ମନ୍ଦିର ଅନ୍ୟତମ । ଆସନ୍ତୁ ଜାଣିବା ଏହି ମନ୍ଦିର ସହ ଜଡିତ କିଛି ଆସ୍ଥା ବିଶ୍ୱାସର କାହାଣୀ ଉପରେ ।
Kanak News is now on WhatsApp
Join and get latest news updates delivered to you via WhatsApp
ଧାର୍ମିକ ମତଅନୁଯାୟୀ କଟସରାଜର ଏହି ଶିବ ମନ୍ଦିର ପାକିସ୍ତାନର ଚକବାଲ ଗାଁରୁ ପାଖାପାଖି ୪୦ କିଲୋମିଟର ଦୂର କଟସ ନାମକ ପାହାଡିଆ ସ୍ଥାନରେ ଅବସ୍ଥିତ । ଏହି ଐତିହାସିକ ମନ୍ଦିର ପାଖାପାଖି ୯ଶହ ବର୍ଷ ପୁରୁଣା । ସବୁଠୁ ବଡ କଥା ହେଉଛି ପାକିସ୍ତାନରେ ରହୁଥିବା ସମସ୍ତ ହିନ୍ଦୁମାନଙ୍କର ଏ ହେଉଛି ଅ।।ସ୍ଥାରର ମୁଖ୍ୟ କେନ୍ଦ୍ର । ଧାର୍ମିକ ମତ ଅନୁଯାୟୀ ଯେବେ ସତୀ ନିଜ ବାପା ଦକ୍ଷଙ୍କ ଯଜ୍ଞକୁଣ୍ଡରେ ଆତ୍ମଦାହା କରିଥିଲେ । ସେତେବେଳେ ତାଙ୍କ ବିୟୋଗରେ ଭଗବାନ ଶିବ ନିଜର ସବୁକିଛି ହରାଇ ବସିଥିଲେ । ମାତା ସତୀଙ୍କୁ ମନେ ପକାଇ ଭଗବାନ ଶିବଙ୍କ ଆଖିରେ ଯେଉଁ ଲୁହ ଗଡିଥିଲା ସେଥିରେ ଦୁଇଟି କୁଣ୍ଡ ହୋଇଯାଇଥିଲା । ଆଉ ଏଥିରେ ଗୋଟିଏ କୁଣ୍ଡ ହେଉଛି କଟାକ୍ଷ କୁଣ୍ଡ ।
ଭଗବାନଙ୍କ ଅଶ୍ରୁରେ ଯେଉଁ କଟାକ୍ଷ କୁଣ୍ଡ ତିଆରି ହୋଇଥିଲା ତାହା ବିଭାଜନ ହେବା ପରେ ପାକିସ୍ତାନରେ ଥିବାବେଳେ ଅନ୍ୟଟି ଭାରତର ରାଜସ୍ଥାନ ପୁଷ୍କର ତୀର୍ଥରେ ଅଛି । କଟସରାଜ ମନ୍ଦିରର କଟାକ୍ଷ କୁଣ୍ଡ ଚମକ୍ରାରୀ ପାଣିରେ ଭରପୁର ରହିଥିବା କୁହାଯାଏ । ଏଥିରେ ଦୁଇଟି ରଙ୍ଗର ପାଣି ରହିଛି । ଯେଉଁସ୍ଥାନରେ ପାଣିର ଗଭୀରତା କମ ରହିଛି ସେଠାରେ ପାଣିର ରଙ୍ଗ ସବୁଜ ଥାଏ ଏବଂ ଯେଉଁଠି ଅଧିକ ଗଭୀର ଥାଏ ସେଠାରେ ପାଣିର ରଙ୍ଗ ନୀଳ ରଙ୍ଗ ଦେଖାଯାଏ । ମହାଭାରତ ଅନୁଯାୟୀ ପଂଚୁ ପାଣ୍ଡବ ଜଣ ଜଣ କରି ନିଜର ଶୋଷ ମେଂଟାଇବା ପାଇଁ ଏଠାକୁ ଆସିଥିଲେ । ଅନ୍ୟପଟେ ଏହି କୁଣ୍ଡ ଉପରେ ଯକ୍ଷର ଅଧିକାର ରହିଥିଲା । ପାଣି ପିଇବାକୁ ଆସିଥିବା ବେଳେ ପଂଚୁ ପାଣ୍ଡବ ଜଣ ଜଣ କରି ବେହୋସ ହୋଇଯାଇଥିଲେ । କିନ୍ତୁ ଶେଷରେ ଯୁଧୀଷ୍ଠିର ଯକ୍ଷର ସମସ୍ତ ପ୍ରଶ୍ନର ଉତର ଠିକ ଭାବେ ଦେଇ ନିଜ ଭାଇମାନଙ୍କୁ ଜୀବିତ ଉଦ୍ଧାର କରିଥିଲେ ।