କାଶ୍ମୀରରେ ଜୁନ ମାସରେ ବିଧାନସଭା ନିର୍ବାଚନ କରିବା ପାଇଁ କମିଶନକୁ ଜଣାଇଲା ସ୍ୱରାଷ୍ଟ୍ର ମନ୍ତ୍ରାଳୟ ! ରମଜାନ ମାସ ଶେଷ ଓ ଅମରନାଥ ଯାତ୍ରା ଆରମ୍ଭ ପୂର୍ବରୁ ନିର୍ବାଚନ ସାରିବା ସମ୍ଭାବନା ।
ସାଧାରଣ ନିର୍ବାଚନ ସରିବା ପରେ ପରେ କାଶ୍ମୀରରେ ନିର୍ବାଚନ ହେବା ସମ୍ଭାବନା ରହିଛି । ରମଜାନ ମାସ ଶେଷ ଓ ଅମରନାଥ ଯାତ୍ରା ଆରମ୍ଭ ପୂର୍ବରୁ ନିର୍ବାଚନ କରିବାକୁ ପ୍ରଶାସନ ମତ ଦେଇଛି । ଜୁନ୍ ମାସରେ ଏଠାରେ ବିଧାନସଭା ନିର୍ବାଚନ କରିବା ପାଇଁ ଯୋଜନା ହେଉଛି । ରାଜ୍ୟରେ ଲାଗୁଥିବା ରାଜ୍ୟପାଳ ଶାସନ ଆସନ୍ତା ଜୁଲାଇ ୩ରେ ଶେଷ ହେଉଛି । ତେଣୁ ତା ପୂର୍ବରୁ ଜମ୍ମୁ କାଶ୍ମୀର ବିଧାନସଭା ନିର୍ବାଚନ ହେବା ଜରୁରୀ ।
Kanak News is now on WhatsApp
Join and get latest news updates delivered to you via WhatsApp
ଲୋକସଭା ନିର୍ବାଚନ ସମୟରେ ଏକ କାଳୀନ ବିଧାନସଭା ନିର୍ବାଚନ କଲେ ସୁରକ୍ଷା ସମସ୍ୟା ସୃଷ୍ଟି ହେବା ଆଶଙ୍କା ପ୍ରକାଶ କରିଥିଲା ସ୍ୱରାଷ୍ଟ୍ର ମନ୍ତ୍ରାଳୟ । ଫଳରେ ନିର୍ବାଚନ କରାଯାଇ ନାହିଁ । ଲୋକସଭା ନିର୍ବାଚନରେ ମୋଟ ୭୦ ହଜାରରୁ ଅଧିକ ସୁରକ୍ଷା କର୍ମୀ ସାରା ରାଜ୍ୟରେ ମୁତୟନ ହେବେ । ଏପଟେ ସୀମାରେ ସ୍ଥିତି ମଧ୍ୟ ସ୍ୱାଭାବିକ ନାହିଁ । ତେଣୁ ପ୍ରଶାସନ ସୁରକ୍ଷା ବ୍ୟବସ୍ଥା ଉପରେ କଡା ନଜର ରଖିଛି ।