ପାଣିରେ ଭାସିଯିବ ‘ପ୍ଲାଷ୍ଟିକ ନିୟମ’ ? ପରମ୍ପରା ନାଁରେ ଲୋକେ ପାଣିରେ ଭସାଇବେ ପୁଳାପୁଳା ସୋଲ ଡଙ୍ଗା
କନକ ବ୍ୟୁରୋ: ଡଙ୍ଗାରେ ଭାସିଯିବ ପ୍ଲାଷ୍ଟିକ ନିୟମ । ଧର୍ମର ଦ୍ୱାହି ଦେଇ ନିୟମକୁ ଧୋକା ଦେବେ ଲୋକେ । ରାତି ପାହିଲେ କାର୍ତ୍ତିକ ପୂର୍ଣ୍ଣିମା । ମାସକର ଧର୍ମକୁ ଧରି ଡଙ୍ଗା ଭସାଇବେ ଲୋକେ । ଆଉ ମନେପକାଇବେ ଓଡିଶାର ଐତିହ୍ୟ ଓ ପରମ୍ପରାର କଥା । ହେଲେ ଏହି ପରମ୍ପରା ପାଇଁ ଲୋକେ ଭୁଲିଯିବେ ପରିବେଶ କଥା । ଧର୍ମ, ପରମ୍ପରାକୁ ଆଖି ଠାର ମାରି ପାଣିରେ ଭସାଇବେ ସୋଲର ଡଙ୍ଗା । ତେବେ ମାସେ ତଳେ ପ୍ଲାଷ୍ଟିକ ମୁକ୍ତ ପରିବେଶ ପାଇଁ ଲୋକେ ଯେଉଁ ପଣ କରିଥିଲେ ମାସେ ପରେ ସେହି ପଣ ପାଣିରେ ଭସାଇ ଦେବେ ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ପଟେ ପଇସା ପାଇଁ ବେପାରୀ ସବୁ ସରକାରୀ ନିୟମକୁ ଦଳି ମକଚି ଦେଉଥିବା ବେଳେ ସୋଲ ଡଙ୍ଗା କିଣାବିକାକୁ ନେଇ କ୍ରେତା-ବିକ୍ରେତାଙ୍କ ମଧ୍ୟରେ ଚାଲିଛି ଦୋଷ ଠେଲାଠେଲି ।
ଅକ୍ଟୋବର ୨ରେ ପ୍ଲାଷ୍ଟିକ ନିୟମକୁ ସରକାର କଡାକଡି କରିଥିବା ବେଳେ ବାଲେଶ୍ୱର ବଜାରରେ ଚାଲିଛି ଖୁଲମଖୁଲା ବେପାର । ପରମ୍ପରା ଅନୁସାରେ କଦଳୀ ପଟୁଆରେ ଡଙ୍ଗା ତିଆରି କରାଯାଏ । ହେଲେ ଆଧୁନିକ ସମାଜରେ ଲୋକେ ଶସ୍ତା, ସୁନ୍ଦର ଭାବେ ଥର୍ମୋକୋଲ ଡଙ୍ଗାକୁ ପସନ୍ଦ କରୁଛନ୍ତି । ଯାହା ପରିବେଶ ପ୍ରଦୂଷଣର ମୁଖ୍ୟ କାରଣ । ପାଣିରେ ପ୍ଲାଷ୍ଟିକ ନଷ୍ଟ ହେଉନଥିବାରୁ ଏହା ପରିବେଶ ପାଇଁ ବିପଦଜନକ ସାଜିବ । ଏତେ ସବୁ ଜାଣିବି ଯଦି ଲୋକେ ସଚେତନ ନହେବେ ତେବେ ସମାଜକୁ ସୁରକ୍ଷିତ ରଖିବ କିଏ ? ତାହା ଏବେ ପ୍ରଶ୍ନବାଚୀ ସୃଷ୍ଟି କରିଛି ।