ଘରର କୋଣରେ ଲୁଚି ରହିପାରେ କରୋନା: ଆଇଆଇଟି ବମ୍ବେର ଅନୁସନ୍ଧାନ
କନକ ବ୍ୟୁରୋ: କରୋନା ସ୍ଥିତି ଧୀରେ ଧୀରେ ସୁଧୁରୁଥିବା ବେଳେ କଟକଣା ବି କୋହଳ ହେଉଛି । ଲୋକ ବାହାରକୁ ବାହାରୁଛନ୍ତି । ହେଲେ ସତର୍କତା କମ୍ କରନ୍ତୁ ନାହିଁ । ଘରର ସଫାସୁତରା ପ୍ରତି ବିଶେଷକରି ଧ୍ୟାନ ଦିଅନ୍ତୁ । କାରଣ ଘରର କୋଣରେ ଲୁଚି ରହିପାରେ କରୋନା । ବ୍ୟବହାର ହେଉନଥିବା ଓ ପରିଷ୍କାର କରାଯାଉ ନଥିବା କୋଣ ଗୁଡ଼ିକରେ ସଂକ୍ରମିତ କଣିକା ୧୦ ଗୁଣା ଅଧିକା ସମୟ ରହିପାରେ ।
Kanak News is now on WhatsApp
Join and get latest news updates delivered to you via WhatsApp
ୱାଶରୁମରେ ୱାସବେସିନର ଉପରଭାଗ ଅଂଚଳ, କବାଟର ପଛପାଖ, ଆସବାବପତ୍ର ପାଖ ଅଂଚଳ, ଘରର କୋଣ ଏହିସବୁ ଅଂଚଳରେ ଛପି ରହିପାରେ କରୋନାର କଣିକା । ଆଇଆଇଟି ବମ୍ବେର ଏକ ଗବେଷକ ଦଳ ନିଜ ଗବେଷଣାରୁ ଏପରି ତଥ୍ୟ ପାଇଛନ୍ତି । ଏକ ସର୍ବସାଧାରଣ ୱାଶରୁମରେ ବାୟୁ ଚଳାଚଳକୁ ଅନୁଧ୍ୟାନ କରି ଗବେଷକ ଦଳ ଏପରି ତଥ୍ୟ ପାଇଛନ୍ତି । ସେମାନଙ୍କ କହିବା କଥା ଗୋଟିଏ ଜାଗା ବା ଘରେ ଉପଯୁକ୍ତ ବାୟୁ ଚଳାଚଳ ପାଇଁ ସୁବିଧା ରହିବା ଆବଶ୍ୟକ ।
ହେଲେ ଘରର କୋଣ, କବାଟ ପଛ ପରି ଜାଗାରେ ବାୟୁଚଳାଚଳ ଖୁବ୍ କମ୍ ହୋଇଯାଇଥାଏ । ଯଦିଓ ଝରକା, ଏସି କିମ୍ବା ଫ୍ୟାନ୍ ଘର ଭିତରେ ବାୟୁ ଚଳାଚଳ ପାଇଁ ସୁବିଧା କରାଏ, ଏହି ସବୁ କୋଣ ଜାଗାରେ ବାୟୁ ଠିକ୍ ଭାବେ ପହଂଚିପାରେ ନାହିଁ । ଯଦି କୌଣସି ଆକ୍ରାନ୍ତଙ୍କ ସମ୍ପର୍କରେ ଆସିଥିବା କଣିକା ସଂକ୍ରମିତ ହୋଇପଡ଼େ ଓ ଏସବୁ ଜାଗାରେ ରହିଯାଇଥାଏ ।
ତେବେ ଚିନ୍ତାର କଥା ହେଲା ବାୟୁ ଚଳାଚଳ କରୁଥିବା ଜାଗା ଠାରୁ ବାୟୁ ଚଳାଚଳ କରୁ ନଥିବା ଏପରି ସବୁ ଜାଗାରେ ସଂକ୍ରମିତ କଣିକା ୧୦ ଗୁଣା ଅଧିକ ସମୟ ରହିଯାଇଥାଏ । ଏହି ନୂଆ ତଥ୍ୟ ଏବେ ବେଶ୍ ଗୁରୁତ୍ୱ ବହନ କରିଛି । କାରଣ ଏବେ ସର୍ବସାଧାରଣ ଜାଗା ଖୋଲିବାରେ ଲାଗିଲାଣି, ଆଉ ଏସବୁ ଜାଗାରେ ଲୋକେ ଜମା ହେଲେଣି । ମଲ, ସିନେମା ହଲ, ରେଷ୍ଟୁରାଂଟ, ସ୍କୁଲ, କଲେଜ ସବୁ ପର୍ଯ୍ୟାୟକ୍ରମେ ଖୋଲିଛି ।