କର୍ଣ୍ଣାଟକରେ ହିଜାବ ପିନ୍ଧିଲେ ପରୀକ୍ଷା ଦେଇପାରିବେ ନାହିଁ ଛାତ୍ରୀ। ଶିକ୍ଷାମନ୍ତ୍ରୀ କହିଲେ, ବଢୁଛି ମୁସଲିମ ଛାତ୍ରୀଙ୍କ ମଧ୍ୟରେ ପରୀକ୍ଷା ଦେବାର ଆଗ୍ରହ।
କନକ ବ୍ୟୁରୋ: କର୍ଣ୍ଣାଟକର ଶିକ୍ଷାମନ୍ତ୍ରୀ ବିସି ନାଗେସ କହିଛନ୍ତି, ହିଜାବ ପିନ୍ଧୁଥିବା ଛାତ୍ରୀ ମାର୍ଚ୍ଚ୯ରେ ହେଉଥିବା ପିୟୁସିର ପରୀକ୍ଷାରେ ବସିପାରିବେ ନାହିଁ । ତାଙ୍କୁ ପରୀକ୍ଷାରେ ବସିବା ନେଇ ଅନୁମତି ଦିଆଯିବ ନାହିଁ । ନାଗେଶ କହିଛନ୍ତି, ଗତ ବର୍ଷ ଭଳି ଚଳିତ ବର୍ଷ ମଧ୍ୟ ଛାତ୍ରୀମାନଙ୍କୁ ୟୁନିଫର୍ମ ପିନ୍ଧିବାକୁ ହେବ । ଏହି ନିୟମର ପାଳନ କରିବା ଜରୁରୀ । ଶିକ୍ଷଣ ସଂସ୍ଥାନ ଏବଂ ସରକାର ନିର୍ଦ୍ଧାରିତ ନିୟମ ଅନୁସାରେ କାମ କରିବେ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ମନ୍ତ୍ରୀ ଆହୁରି ମଧ୍ୟ କହିଛନ୍ତି, ହିଜାବ ପ୍ରତିବନ୍ଧକ ପରେ ପରୀକ୍ଷାରେ ବସୁଥିବା ମୁସଲିମ ଛାତ୍ରଛାତ୍ରୀଙ୍କ ସଂଖ୍ୟା ବଢିବାରେ ଲାଗିଛି । ସେ ଏହା ମଧ୍ୟ ଦାବି କରିଛନ୍ତି ଯେ ହିଜାବ ଉପରେ ପ୍ରତିବନ୍ଧକ ପରେ ଅଧିକ ସଂଖ୍ୟାରେ ମୁସଲିମ ଭଉଣୀ ସାମିଲ ହେଉଛନ୍ତି । ଏହି ନିଷ୍ପତ୍ତି ପରେ ଆହୁରି ଅଧିକ ସଂଖ୍ୟାରେ ଛାତ୍ରୀ ପରୀକ୍ଷା ଦେବା ପାଇଁ ଫର୍ମ ପୂରଣ କରିଛନ୍ତି ।