କନକ ବ୍ୟୁରୋ : କିଏ ଜିତିବ କର୍ଣ୍ଣାଟକ? ଏଥିପାଇଁ ସାରାଦେଶର ଉତ୍କଣ୍ଠା । କର୍ଣ୍ଣାଟକରେ ୨୨୨ ବିଧାନସଭା ଆସନ ଲାଗି ଆସନ୍ତାକାଲି ସକାଳ ୮ଟାରୁ ଭୋଟ ଗଣତି ହେବ । ଦିନ ୧୨ଟା ସୁଦ୍ଧା ରାଜ୍ୟର ରାଜନୈତିକ ଦୃଶ୍ୟପଟ୍ଟ ସ୍ପଷ୍ଟ ହୋଇଯିବ ବୋଲି ଆଶା କରାଯାଉଛି । ଏହି ନିର୍ବାଚନ ଶାସକ କଂଗ୍ରେସ, ବିଜେପି ପାଇଁ ସମ୍ମାନର ପ୍ରଶ୍ନ ପାଲଟିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ କଂଗ୍ରେସ ସଭାପତି ରାହୁଲ ଗାନ୍ଧି ରାଜ୍ୟରେ ମାରାଥନ ପ୍ରଚାର କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏକଜିଟ୍ ପୋଲ ସର୍ଭେରେ ଝୁଲା ବିଧାନସଭା ହେବ ବୋଲି ଅନୁମାନ କରାଯିବା ପରେ ଆରମ୍ଭ ହୋଇଛି ଅଙ୍କ କଷା । ତେବେ ତିନି ପ୍ରମୁଖ ଦଳ ସରକାର ଗଢ଼ିବାକୁ ଦାବି କରୁଛନ୍ତି । ବିଜେପି ୧୨୫ରୁ ଅଧିକ ଆସନରେ ଜିତିବ ବୋଲି କହୁଥିବାବେଳେ କଂଗ୍ରେସ ୧୨୦ରୁ ଅଧିକ ଆସନରେ ଜିତିବ ବୋଲି ଦୃଢ଼ୋକ୍ତି କରିଛି । ସେହିପରି ପୂର୍ବତନ ପ୍ରଧାନମନ୍ତ୍ରୀ ଏଚ.ଡି.ଦେବଗୈାଡାଙ୍କ ଜେଡିଏସ ମଧ୍ୟ ସରକାର ଗଠନ କରିବ ବୋଲି ଦାବି କରିଛିି । ତେବେ ଅଧିକାଂଶ ସର୍ଭେ ଜେଡିଏସ କିଙ୍ଗମେକର ହେବ ବୋଲି ପୂର୍ବାନୁମାନ କରିଛନ୍ତି । ତେଣୁ ସରକାର ଗଠନ କରିବା ପାଇଁ ଉଭୟ କଂଗ୍ରେସ ଓ ବିଜେପି ଶେଷ କସରତ ଆରମ୍ଭ କରିଦେଇଛନ୍ତି । ଶନିବାରଦିନ ରାଜ୍ୟରେ ଭୋଟଗ୍ରହଣ ହୋଇଥିଲା । ରାଜ୍ୟରେ କଂଗ୍ରେସ ଓ ବିଜେପି ମଧ୍ୟରେ କଡା ଟକ୍କର ହୋଇଛି ।