କର୍ଣ୍ଣାଟକ ବିଜେପିରେ କନ୍ଦଳ । ମୁଖ୍ୟମନ୍ତ୍ରୀ ବିଏସ ୟେଦିୟୁରପ୍ପାଙ୍କ ଇସ୍ତଫା ଦାବି କଲେ ବିଦ୍ରୋହୀ ବିଧାୟକ, ୟେଦିୟୁରପ୍ପା କହିଲେ ଇସ୍ତଫା ଦେବାର ଉଠୁନି ପ୍ରଶ୍ନ ।
କନକ ବ୍ୟୁରୋ : କର୍ଣ୍ଣାଟକ ରାଜନୀତିରେ କନ୍ଦଳ । କ୍ଷମତାରେ ଥିବା ବିଜେପି ଦଳରେ ଦେଖିବାକୁ ମିଳିଛି ଫାଟ । କିଛି ବିଜେପି ବିଧାୟକଙ୍କ ବିଦ୍ରୋହ ନୀତି ଏବେ ମୁଖ୍ୟମନ୍ତ୍ରୀ ୟେଦିୟୁରପ୍ପାଙ୍କ ରାତିର ନିଦ ହଜାଇ ଦେଇଛି । ଏପରିକି ତାଙ୍କ ମୁଖ୍ୟମନ୍ତ୍ରୀ ପଦ ଏବେ ଟଳମଳ ଅବସ୍ଥାରେ ଥିବା ଆଶଙ୍କା କରାଯାଉଛି । ସେପଟେ ମୁଖ୍ୟମନ୍ତ୍ରୀ ୟେଦିୟୁରପ୍ପା କହିଛନ୍ତି ପଦ ଛାଡିବାର ପ୍ରଶ୍ନ ଉଠୁନାହିଁ ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀ ୟେଦିୟୁରପ୍ପା ଏବଂ ତାଙ୍କ ପରିବାର ଲୋକଙ୍କ ବିରୋଧରେ ଦୁର୍ନୀତି ଅଭିଯୋଗ ଆଣି କିଛି ବିଧାୟକ ତାଙ୍କ ଇସ୍ତଫା ଦାବି କରୁଛନ୍ତି । ଫଳରେ କର୍ଣ୍ଣାଟକରେ ବିଜେପିରେ ଫାଟ ସୃଷ୍ଟି ହୋଇଛି । ବାଗୀ ବିଧାୟକମାନେ ଦଳର ନେତୃତ୍ୱ ବଦଳାଇବା ପାଇଁ ଦାବି କରି ଆସୁଛନ୍ତି । ସେପଟେ ମୁଖ୍ୟମନ୍ତ୍ରୀ ରାଜ୍ୟରେ ଲାଗିରହିଥିବା କନ୍ଦଳର ସମାଧାନ ପାଇଁ ଦିଲ୍ଲୀରେ ଡେରା ବସାଇଛନ୍ତି । ପ୍ରଧାନମନ୍ତ୍ରୀଙ୍କ ପରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡାଙ୍କ ସହ ସାକ୍ଷାତ କରିଛନ୍ତି ୟେଦିୟୁରପ୍ପା । ଫଳରେ ସେମାନଙ୍କ ସହ ଆଲୋଚନା କରି କର୍ଣ୍ଣାଟକ ମନ୍ତ୍ରୀମଣ୍ଡଳ ସଂପ୍ରସାରଣ କରିପାରନ୍ତି ବୋଲି ଚର୍ଚ୍ଚା ହେଉଛି ।
ମୁଖ୍ୟମନ୍ତ୍ରୀ ୟେଦିୟୁରପ୍ପାଙ୍କ ଆଉ ୨ ବର୍ଷ କାର୍ଯ୍ୟକାଳ ବାକି ରହିଛି । ଏ ଭିତରେ ତାଙ୍କ ପଦ କେତେଦୂର ସୁରକ୍ଷିତ ରହୁଛି ତାହା ଦେଖିବାକୁ ବାକି ରହିଲା ।