କନକ ବ୍ୟୁରୋ: କଳାହାଣ୍ଡି ଜିଲ୍ଲାରେ ଗୋଟିଏ ପରେ ଗୋଟିଏ ହାତୀର ମୃତ୍ୟୁ ବନ ବିଭାଗର ଚିନ୍ତା ବଢାଇ ଦେଇଛି । କର୍ଲାପାଟ ଜଙ୍ଗଲରେ ଆଜି ଆଉ ଏକ ମାଇ ହାତୀର ମୃତ୍ୟୁ ହୋଇଛି । ଫଳରେ ଗତ ୧୪ ଦିନ ଭିତରେ ଆଖି ବୁଜିଲେଣି ମୋଟ ୬ଟି ହାତୀ । ତେବେ କାହିଁକି ଏଭଳି ହାତୀଙ୍କର ମୃତ୍ୟୁ ହେଉଛି ତାର କାରଣ ଖୋଜିବାକୁ ପହଂଚିଛନ୍ତି ଭୁବନେଶ୍ୱର ଓୟୁଏଟିର ଦୁଇ ଜଣିଆ ଟିମ୍ । ଏହି ବିଶେଷଜ୍ଞ ଦଳରେ ଅଛନ୍ତି ଡାକ୍ତର ସୁସେନ ପଣ୍ଡା । ୫ଟି ହାତୀର ପୋଷ୍ଟମର୍ଟମ ରିପୋର୍ଟ ଆସିଥିବାବେଳେ ଏଥିରୁ ଜଣାପଡିଛି ।
କରଲାପାଟରେ କାହିଁକି ମରୁଛନ୍ତି ହାତୀ?
– ସାହାଣ ରୋଗରେ ଆକ୍ରାନ୍ତ ହୋଇ ହାତୀଙ୍କ ମୃତ୍ୟୁ ହେଉଛି
– ଏହି ରୋଗକୁ ହାମୋରେଜିକ ସେପ୍ଟିସେମିଆ କୁହାଯାଏ
– ସାଧାରଣତଃ ଗାଈ ଗୋରୁଙ୍କୁ ଏହି ସାହାଣ ରୋଗ ହୋଇଥାଏ
– ହାମୋରେଜିକ ସେପ୍ଟିସେମିଆ ଏକ ଭୂତାଣୁ ଜନିତ ରୋଗ
– ଏଥିସହ ନିମୋନିଆ ହେଲେ ହାତୀଙ୍କ ପ୍ରାଣ ଚାଲିଯାଉଛି
Kanak News is now on WhatsApp
Join and get latest news updates delivered to you via WhatsApp
ବିଶେଷଜ୍ଞଙ୍କ କହିବା ହେଲା ଗୃହପାଳିତ ପଶୁଙ୍କଠାରୁ ବ୍ୟାପିଥାଏ ଏହି ଭୂତାଣୁ ଜନିତ ରୋଗ । ତେବେ ହାତୀଙ୍କଠାରୁ ଯେଭଳି ଆଖାପଖାରେ ଥିବା ଅଂଚଳକୁ ଏହି ରୋଗ ନବ୍ୟାପେ ସେଥିପାଇଁ ସତର୍କ ଦୃଷ୍ଟି ରଖାଯାଇଛି । ତେଣୁ ଆଖପାଖ ଅଂଚଳରେ ରାଜ୍ୟ ସରକାରଙ୍କ ଭେଟେରେନାରୀ ବିଭାଗ ପକ୍ଷରୁ ଟିକାକରଣ ଚାଲିଛି ।
ଗତ ୧ ତାରିଖରେ କର୍ଲାପାଟ ନିକଟ ତେନ୍ତୁଳିପଦରଠାରେ ଏକ ହାତୀର ମୃତ୍ୟୁ ହୋଇଥିଲା । ପରେ କର୍ଲାପାଟ ଅଭୟାରଣ୍ୟର ଘୁଷୁରିଗୁଡିରେ ଆଖି ବୁଜିଥିଲେ ୩ଟି ହାତୀ । ଶନିବାର ଆଉ ଏକ ହାତୀର ମୃତ୍ୟୁ ହୋଇଥିବାବେଳେ ୧୪ ଦିନରେ ୬ଟି ହାତୀଙ୍କ ମୃତ୍ୟୁ ହେଲାଣି । ଭୁବନେଶ୍ୱର ଓୟୁଏଟିର ଲ୍ୟାବ କୋଅର୍ଡିନେଟର ନିରଞ୍ଜନ ସାହୁଙ୍କ ନେତୃତ୍ୱରେ ଦୁଇ ଜଣିଆ ଟିମ୍ ଭବାନୀପାଟଣାରେ ପହଂଚି ସ୍ଥିତି ଅନୁଧ୍ୟାନ କରିଛନ୍ତି ।