କାରଗିଲ ବିଜୟ ଦିବସରେ ସହିଦଙ୍କୁ ଶ୍ରଦ୍ଧାଞ୍ଜଳି: ସହିଦଙ୍କ ମଧ୍ୟରେ ଥିଲେ ଭଦ୍ରକ ପାଙ୍ଗୁଡା ଗାଁର ନିରଞ୍ଜନ ବେହେରା; ମାତ୍ର ୧୬ ବର୍ଷ ବୟସରେ ଘରୁ ଲୁଚି ସେନାରେ ଯୋଗ ଦେଇଥିଲେ ନିରଞ୍ଜନ
କନକ ବ୍ୟୁରୋ: କାରଗିଲ ବିଜୟ ଦିବସରେ ସହିଦଙ୍କୁ ଶ୍ରଦ୍ଧାଞ୍ଜଳି ଦିଆଯାଉଛି । ସହିଦଙ୍କ ମଧ୍ୟରେ ଥିଲେ ଭଦ୍ରକ ଚାନ୍ଦବାଲି ବ୍ଲକ ପାଙ୍ଗୁଡା ଗାଁର ନିରଞ୍ଜନ ବେହେରା । ଗାଁ ପୁଅକୁ ହରାଇ ଏବେ ଝୁରୁଛି ଗାଁ ମାଟି । ନିରଞ୍ଜନଙ୍କୁ ଝୁରୁଛନ୍ତି ବୃଦ୍ଧ ବାପା ଓ ପତ୍ନୀ । ମାତ୍ର ୧୬ ବର୍ଷ ବୟସରେ ଘରୁ ଲୁଚି ସେନା ବାହିନୀରେ ନିରଞ୍ଜନ ଯୋଗଦେଇଥିଲେ । କାରଗିଲ ଯୁଦ୍ଧସମୟରେ ନିରଞ୍ଜନଙ୍କ ଚିଠି ପାଇଁ ପରିବାର ଲୋକେ ଖୁସିରେ ଆତ୍ମହରା ହୋଇଥିଲେ । ଏଥିରେ ସେ ଲେଖିଥିଲେ , ଯୁଦ୍ଧ ସରିଆସିଲାଣି ଓ ସେ ଶୀଘ୍ର ଘରକୁ ଫେରିବେ ।
Kanak News is now on WhatsApp
Join and get latest news updates delivered to you via WhatsApp
ମାତ୍ର ସମୟର ଗତି ଥିଲା ଅଲଗା । ଶତ୍ରୁପକ୍ଷର ଗୁଳିରେ ମାତ୍ର ୨୮ ବର୍ଷ ବୟସରେ ନିରଞ୍ଜନ ପ୍ରାଣ ହରାଇଥିଲେ । ବର୍ତମାନ ନିରଞ୍ଜନ ବେହେରାଙ୍କ ପୁଅ ସମ୍ବିତ ବେହେରା ୨୪ ବର୍ଷରେ ପଦାର୍ପଣ କରିଛନ୍ତି । ଫଟୋ ଆଲବମ ଦେଖି ସେ ବାପାଙ୍କୁ ଝୁରୁଛନ୍ତି । ଶେଷ ଚିଠିକୁ ଶେଷ ସନ୍ତକ ଭାବରେ ସାଇତି ରଖି ପତିଙ୍କୁ ଝୁରୁଛନ୍ତି ପତ୍ନୀ ସନ୍ଧ୍ୟାରାଣୀ । ସନ୍ଧ୍ୟାରାଣୀ ଚାନ୍ଦବାଲି ତହସିଲରେ ନିଯୁକ୍ତି ପାଇଛନ୍ତି । ପୁଅ କୋଲାକତାରେ କାମ କରୁଛନ୍ତି । ସହିଦଙ୍କ ଗାଁରେ ଏକ ପାର୍କ, ଲାଇବ୍ରେରୀ ଓ ଏକ କ୍ଲବ ପ୍ରତିଷ୍ଠା ପାଇଁ ପ୍ରତିଶ୍ରୃତି ଦିଆଯାଇଥିଲା । କିନ୍ତୁ ଏହା ବର୍ତମାନ ସୁଦ୍ଧା ପାଳନ ହୋଇନାହିଁ । ୨୧ ବର୍ଷ ପରେ ବି ସହିଦଙ୍କ ସମାଧି ପୀଠ ଅବହେଳିତ ଅବସ୍ଥାରେ ଅଛି ।