କ’ଣ ଭୋପାଳରୁ ବଲିଉଡ୍ ଅଭିନେତ୍ରୀ କରୀନା କପୁର ଲୋକସଭା ନିର୍ବାଚନ ଲଢ଼ିବେ ? ତାଙ୍କୁ କଂଗ୍ରେସରୁ ଟିକେଟ୍ ଦିଆଯାଉଥିବା ଚର୍ଚ୍ଚା ଧରିଛି । ଦଳର କିଛି ନେତା ଏମିତି ଚାହାଁନ୍ତି ଓ ନିଜର ଇଚ୍ଛା ହାଇକମାଣ୍ଡ ରାହୁଲଙ୍କୁ ଜଣାଇସାରିଛନ୍ତି । କରୀନା କପୁରଙ୍କ ଶ୍ୱଶୁର ଓ ପୂର୍ବ କ୍ରିକେଟର ମଂସୁର ଅଲି ଖାନ ପଟୌଦି ଭୋପାଳରୁ ଲୋକସଭା ନିର୍ବାଚନ ଲଢ଼ି ସାରିଛନ୍ତି । କିନ୍ତୁ ସେ ହାରିଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଭୋପାଳର କିଛି ସ୍ଥାନୀୟ ନେତା ବଲିଉଡର ଗ୍ଲାମର ଗର୍ଲ କରୀନା କପୁରଙ୍କୁ ଭୋପାଳରୁ ସାଂସଦ ହେବାର ଦେଖିବାକୁ ଚାହୁଁଛନ୍ତି । ଏହି ନେତାମାନେ କରୀନା କପୁରଙ୍କୁ ଭୋପାଳରୁ ଟିକେଟ୍ ଦେବାର ଦାବି ହାଇକମାଣ୍ଡଙ୍କୁ ପହଂଚାଇ ଦେଇଛନ୍ତି । ଏହା ପଛରେ ତାଙ୍କର ଯୁକ୍ତି ଏହା ଯେ, ଯଦି ଭୋପାଳ ସିଟ୍ ବିଜେପି ଠାରୁ ଛଡାଇବାର ଅଛି, ତେବେ ଏମିତି ହିଁ ଏକ ଚେହେରା କଂଗ୍ରେସକୁ ଏଠାରୁ ଓହ୍ଲାଇବାକୁ ପଡିବ ।
କରୀନା କପୁରଙ୍କ ଶ୍ୱଶୁର ଓ ପୂର୍ବତନ କ୍ରିକେଟର ମଂସୁର ଅଲି ଖାନ ପଟୌଦି ୧୯୯୧ରେ ଭୋପାଳରୁ ଲୋକସଭା ନିର୍ବାଚନ ଲଢ଼ିସାରିଛନ୍ତି । ରାଜୀବ ଗାନ୍ଧୀ ତାଙ୍କୁ ଟିକେଟ୍ ଦେଇଥିଲେ ଓ ପ୍ରଚାର ପାଇଁ ଭୋପାଳ ଆସିଥିଲେ । କିନ୍ତୁ ସେ ନିର୍ବାଚନ ହାରିଯାଇଥିଲେ ।
ଭୋପାଳରେ ଯୁବ ଭୋଟରଙ୍କ ସଂଖ୍ୟା ଅଧିକ ଅଛି । । କରୀନା ଭୋଟ୍ ଟାଣିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବେ । ଭୋପାଳର ରାଜକୀୟ ବଂଶ ସହିତ ଏବେ ତାଙ୍କର ସଂପର୍କ ଅଛି । ଭୋପାଳରେ ଅଳ୍ପ ସଂଖ୍ୟକ ଭୋଟ୍ ଅଧିକ ଅଛି । ଏହାର ଫାଇଦା ବି ଦଳକୁ ମିଳିବ ।