ଗୌତମ ଆଦାନୀ ତାଙ୍କ ବଡପୁଅଙ୍କୁ ଦେଲେ ଗୁରୁଦାୟିତ୍ୱ, ଜାଣନ୍ତୁ କେଉଁ ବ୍ୟବସାୟ ସମ୍ଭାଳିବେ କରଣ
କନକ ବ୍ୟୁରୋ : ଭାରତୀୟ ବ୍ୟବସାୟୀ ଗୌତମ ଆଦାନୀ ଆଜିକାଲି ବେଶ ଚର୍ଚ୍ଚାରେ ରହିଛନ୍ତି । ସାରା ବିଶ୍ୱର ଧନୀ ତାଲିକାର ଦ୍ୱିତୀୟ ସ୍ତାନରେ ରହିଛି ତାଙ୍କର ନାମ । ଏହାରି ମଧ୍ୟରେ ତାଙ୍କ ବଡପୁଅ କରଣଙ୍କ ନାମକୁ ବି ନେଇ ଚର୍ଚ୍ଚା ଆରମ୍ଭ ହୋଇଯାଇଛି । ଅଦାନୀ ଗ୍ରୁପ ଏବେ ଅମ୍ବୁଜା ଓ ଏସିସି ସିମେଣ୍ଟ କମ୍ପାନୀକୁ ଅଧିଗ୍ରହଣ କରିଛନ୍ତି । ଏହାପରେ ଏବେ ଆଦାନୀ ଗ୍ରୁପ ଦେଶରେ ଦ୍ୱିତୀୟ ସିମେଣ୍ଟ ଉତ୍ପାଦକ କମ୍ପାନୀ ହୋଇପାରିଛି । ହେଲେ ଆଦିତ୍ୟ ବିର୍ଲା ଗ୍ରୁପ ଏବେ ଭାରତର ସବୁଠାରୁ ବଡ ସିମେଣ୍ଟ ଉତ୍ପାଦ କମ୍ପାନୀ ଭାବେ ରହିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ କୁହାଯାଇଛି କି ଖୁବଶୀଘ୍ର ଗୌତମ ଆଦାନୀ ତାଙ୍କ ବଡ ପୁଅ କରଣ ଆଦାନୀଙ୍କୁ ସିମେଣ୍ଟ ବ୍ୟବସାୟର ଦାୟିତ୍ୱ ଦେବାକୁ ଯାଉଛନ୍ତି । ସୂତ୍ର ସୂଚନା ମୁତାବକ କରଣ ଆଦାନୀଙ୍କୁ ଅମ୍ବୁଜା ସିମେଣ୍ଟର ଅଣ-କାର୍ୟ୍ୟକାରୀ ନିର୍ଦ୍ଦେଶକ ପଦ ନିଯୁକ୍ତି କରିବା ସହ ଏସିସି ସମେଣ୍ଟର ନନ୍ ଏକଜ୍ୟୁକିଟିଭ ଚେୟାରମ୍ୟାନ ପଦରେ ଅବସ୍ଥାପିତ କରିବେ । କରଣ ଆଦାନୀ ଏବେ ବନ୍ଦର ଏବଂ ସ୍ପେଶାଲ ଇକୋନମିକ ଜୋନ୍ସ ଲିମିଟେଡର ସିଇଓ ଅଛନ୍ତି ।
ସୂଚନା ଥାଉକି କିଛିଦିନ ତଳେ ଆଦାନୀ ଗ୍ରୁପ ଦେଶର ଏହି ୨ ପ୍ରମୁଖ ସମେଣ୍ଟ କମ୍ପାନୀକୁ ୧୦.୫ ଅରବ ଡଲାରରେ କିରିଛନ୍ତି । ଏବେ ଖବର ଆସୁଛି କି ଗୌତମ ଆଦାନୀଙ୍କ ୩୫ ବର୍ଷୀୟ ବଡପୁଅ କରଣ ଆଦାନୀଙ୍କୁ ଏହି ୨ ଟି କମ୍ପାନୀର ଦାୟିତ୍ୱ ସମ୍ଭାଳିବାକୁ ଦେଉଛନ୍ତି ।