ପୁଣି ବିବାଦରେ କପିଲ ଶର୍ମା । ମଦ ପିଇ ପୁଣି କଲେ ବୋବାଲ । ସାଥୀ କଳାକାରଙ୍କ ଉପରକୁ ଉଠାଇଲେ ହାତ । ବିମାନ ଭିତରେ ବିବାଦ । ନିଜ ପ୍ରେମକୁ ନେଇ ଯେଉଁଦିନ କପିଲ ଚର୍ଚ୍ଚାରେ ଅଛନ୍ତି, ଠିକ ସେହି ଦିନ ତାଙ୍କ ଆଂଗ୍ରୀ ଅବତାର ସମସ୍ତଙ୍କୁ ଚକିତ କରିଛି । ସୁନୀଲ ଗ୍ରୋଭର ଆଉ କପିଲ ଶର୍ମାଙ୍କ ଭିତରେ ଝଗଡା । ସ୍ଥିତି ଏମିତି ଯେ କପିଲ ଶର୍ମା ଶୋ ଛାଡିବାକୁ ଗୁଥୀ ଚଳାଇଛନ୍ତି ପ୍ରସ୍ତୁତି । ଆଉ ଦେଖିବାକୁ ମିଳିବନି ଡକ୍ଟର ମସହୁର ଗୁଲାଟିଙ୍କୁ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ନିକଟରେ କପିଲ ଶର୍ମାଙ୍କ ପୁରା ଟିମ ଅଷ୍ଟ୍ରେଲିଆରେ ଶୋ କରି ଦିଲ୍ଲୀ ହୋଇ ମୁମ୍ବାଇ ଫେରୁଥିଲେ । ବିମାନ ଭିତରେ କିଛି ଅଧିକ ପିଇ ଦେଇଥିବା କପିଲ ଶର୍ମା ନିଜ ହୋସ୍ ହରାଇ ବସିଥିଲେ । ତାଙ୍କ ପାଖରେ ବସିଥିବା ସୁନୀଲଙ୍କ ପାଖକୁ ଯାଇ ଚିଲାଇଥିଲେ ଅଉ କହିଥିଲେ, ତୁ କିଏ ଆଉ ତୋର ପୋଜିସନ କଣ? ତୋ ନିଜ ଶୋ ଫ୍ଲଫ ହୋଇଯାଇଥିଲା, ତୁ ମୋ ଚାକର । ଅଷ୍ଟ୍ରେଲିଆରେ ଯେଉଁ ଶୋ କରିଥିଲୁ ତାହା ବି ଫ୍ଲଫ ହୋଇଥିଲା ।
ବିମାନ ଭିତରେ ବିବାଦକୁ ଦେଖି ଯାତ୍ରୀ ଫ୍ଲାଇଟକୁ ଏମରଜେନ୍ସୀ ଲାଣ୍ଡ କରାଇବାକୁ କହିଥିଲେ । ତେବେ ଅନ୍ୟ ସାଥୀ କଳାକାରଙ୍କ ହସ୍ତକ୍ଷେପ ପରେ ସ୍ଥିତି ସାମାନ୍ୟ ହୋଇଥିଲା । କୁହାଯାଉଛି, ଏହି ଘଟଣା ପରେ କପିଲଙ୍କୁ ଟ୍ୱିଟରରେ ଅନଫଲୋ କରିଥିଲେ ସୁନୀଲ, ଆଉ ଶୋ ଛାଡାବାକୁ ବି ନିଷ୍ପତ୍ତି ନେଇଛନ୍ତି । କପିଲ ଶର୍ମା ଶୋର ଅନ୍ୟ କଳାକାର ମଧ୍ୟ କପିଲଙ୍କ ବ୍ୟବହାରରେ ନାଖୁସ ଥିବା ଜଣାପଡିଛି ।